new tai | old tai | 中文

ᦕᦴᧉ ᦍᦲᧂ ᦁᦱ ᦟᦰ ᦵᦙᦲᧂ ᦷᦟᧂ ᦵᦈᦲᧃᧈ ᦊᦴᧈ ᦵᦙᦲᧈ ᦕᧃᧉ ᦑᦰ“ᦘᦰ ᦍᦱᧆ ᦒᦲᧉ ᦷᦟ ᦅᦱ” ᦠᧃᧉ ᦷᦂᧆ ᦵᦵᦎᧄᧉ ᦓᦲᧉ ᦍᦻ ᦡᦲ

作者: 时间:2020-03-20 09:00:03

   3b-1 (1).jpg

   ᦃᦱᧁᧈ ᦉᦱᧃ ᦷᦣᧂ ᦐᧂ ᦉᦹ ᦘᦲᧄ ᦶᦎᧈ ᦔᦸᧈ ᦵᦂᦲᧆᧈ ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦙᦱ, ᦚᦴᧈ ᦶᦟᧃᧉ ᦵᦙᦲᧂ ᦷᦟᧂ ᦵᦈᦲᧃᧈ ᦵᦋᧂ ᦣᦳᧂᧈ ᦉᦹᧈ ᦃᧅ ᦖᧃᧈ ᦋᦳ ᦓᦳᧄ  ᦕᦴᧉ ᦍᦲᧂ ᦋᦳᧄ ᦜᦻ ᦃᧁᧉ ᦘᦸᧄᧈ ᦂᦱᧃ ᦕᧃᧉ ᦑᦰ ᦘᦰ ᦍᦱᧆ ᦒᦲᧉ ᦷᦟ ᦅᦱ, ᦃᧁ ᦑᦱᧃᧈ ᦢᧁᧈ ᦷᦂ ᦂᦱᧃ ᦵᦃᧆ ᦋᦱ、 ᦷᦗᧇ ᦍᦱ ᦂᦱᧃ ᦊᦱᧇ ᦍᦱᧅ ᦅᦸᧉ ᦀᦸᧅᧈ ᦵᦵᦣᧂ ᦆᦹᧇ ᦢᧃ ᦃᧁᧉ ᦺᦔ, ᦊᦴᧈ ᦑᦲᧈ ᦕᧃᧉ ᦑᦰ “ᦘᦰ ᦍᦱᧆ ᦒᦲᧉ ᦷᦟ ᦅᦱ” ᦠᧃᧉ ᦷᦂᧆ ᦶᦎᧄᧉ ᦆᦱᧁᧈ  ᦓᦲᧉ ᦍᦻ ᦃᧁ ᦑᦱᧃᧈ ᦁᧃ ᦐᧄ ᦇᦱᧄ ᦓᧃᧉ ᦀᦸᧅᧈ ᦙᦱ。

  ᦃᧁ ᦑᦱᧃᧈ ᦔᦲᧃ ᦕᦴᧉ ᦶᦕᧈ ᦉᦸᧃ

 ᦵᦗᦲᧈ ᦷᦍᧅ ᦉᦳᧂ ᦩᦱᧄ ᦃᦳᧅ ᦣᦴᧉ ᦧᦻ ᦶᦑᧃ ᦋᦴᧈ ᦕᦴᧉ ᦋᦴᧈ ᦅᦳᧃ ᦃᧁᧉ ᦘᦸᧄᧈ ᦂᦱᧃ ᦕᧃᧉ ᦑᦰ ᦘᦰ ᦍᦱᧆ ᦒᦲᧉ ᦷᦟ ᦅᦱ, ᦚᦴᧈ ᦶᦟᧃᧉ ᦵᦙᦲᧂ ᦷᦟᧂ ᦵᦈᦲᧃᧈ ᦔᦲᧃ ᦵᦵᦉᧃ ᦵᦡᧁ ᦂᧃ ᦋᦳ ᦓᦳᧄ ᦕᦴᧉ ᦍᦲᧂ ᦖᦴᧈ ᦉ ᦖᧅ ᦂᦱᧃ ᦶᦕᧈ ᦉᦸᧃ。 ᦺᦎᧈ ᦎᦱᧄ ᦃᧁᧉ ᦏᦹᧂ ᦵᦣᦲᧃ ᦉᧇ ᦶᦂᧉ、 ᦔᦾᧈ ᦨᦱᧂ ᦷᦗᧈ ᦺᦓ ᦢᦱᧃᧉ ᦷᦃᧂᧈ、 ᦶᦕᧈ ᦚᦱᧉ ᦐᧂ ᦉᦹ ᦶᦕᧈ ᦉᦸᧃ ᦚᦳᧂ ᦓᦲᦰ ᦕᦸᧇ ᦶᦕᧈ ᦩᦱᧄ ᦣᦴᧉ ᦕᧃᧉ ᦑᦰ ᦘᦰ ᦍᦱᧆ ᦒᦲᧉ ᦷᦟ ᦅᦱ, ᦍᦸᦰ ᦓᧄ ᦑᧂ ᦜᦻ ᦶᦏᧄ ᦶᦃᧂ ᦶᦣᧂ ᦎᦱᧄ ᦷᦎ ᦕᧃᧉ ᦑᦰ、 ᦂᦱᧉ ᦋᧄ ᦂᦱᧃ ᦵᦵᦂᧃᧈ ᦃᧃ ᦂᦱᧃ ᦊᦱᧄᧉ ᦜᦹᧆᧈ ᦡᦲ ᦃᦸᧉ ᦊᦴᧈ ᦣᦱᧁ ᦂᦲᧃ ᦓᧃᧉ。 ᦕᦴᧉ ᦂᦸᧃᧈ ᦀᦸᧃ ᦚᦴᧈ ᦶᦟᧃᧉ ᦢᦱᧃᧉ ᦷᦃᧂᧈ ᦺᦋᧉ ᦊᦳᧂᧈ ᦅᧄ ᦔᦱᧅ ᦘᦱ ᦉᦱ ᦓᦾᧉ、 ᦅᧄ ᦃᧇ 、  ᦷᦂᧆ ᦘᦻᧈ ᦅᧄ ᦶᦕᧈ ᦉᦸᧃ ᦚᦳᧂ ᦓᦲᦰ ᦷᦍᧅ ᦉᦳᧂᦎᦱ ᦡᦲ ᦶᦕᧈ ᦉᦸᧃ。

  ᦃᧁ ᦑᦱᧃᧈ ᦔᦲᧃ ᦕᦴᧉ ᦣᧅ ᦉᦱ ᦡᦱ ᦵᦵᦅᧄ

 ᦕᦴᧉ ᦍᦲᧂ ᦑᧂ ᦜᦻ ᦓᦳᧂᧈ ᦵᦉᦲᧉ ᦵᦎᧁᧈ ᦟᦻ  ᦙᦲᧉ ᦌᦻ , ᦊᦴᧈ ᦺᦎᧉ ᦚᦴᧈ ᦶᦟᧃᧉ ᦋᦴ ᦌᦲᧉ ᦋᦴᧈ ᦢᦱᧃᧉ ᦷᦃᧂᧈ ᦷᦋ ᦗᦱ ᦃᧅ ᦖᧃᧈ ᦃᧁᧉ ᦘᦸᧄᧈ ᦂᦱᧃ ᦢᦱᧃᧉ ᦷᦃᧂᧈ  ᦕᧃᧉ ᦑᦰ ᦘᦰ ᦍᦱᧆ ᦒᦲᧉ ᦷᦟ ᦅᦱ、 ᦅᦳᧃ ᦵᦞᧅ ᦗᦸᧅ ᦙᦱ ᦵᦣᧆ ᦵᦞᧅ ᦵᦣᧆ ᦂᦱᧃ、 ᦌᦱᧉ ᦶᦋᧆ ᦕᦴᧉ ᦅᦳᧃ ᦗᦻ ᦓᦸᧅ ᦃᧁᧉ ᦙᦱ ᦚᦳᧂ ᦓᦲᦰ, ᦊᦴᧈ ᦑᦲᧈ ᦷᦂᧆᧈ ᦑᦸᧂᦰ ᦒᦱᧆ ᦵᦓᦲᧉ ᦕᦴᧉ ᦅᦳᧃ ᦃᧁᧉ ᦀᦸᧅᧈ、  ᦷᦈᧆ ᦖᦻ ᦉᦲᧂᧈ ᦃᦱᧁᧈᦠᧃᧉ, ᦎᦲᧆ ᦡᦽᧉ ᦕᦴᧉ ᦅᦳᧃ ᦵᦑᧁᦉᦴᧈ ᦗᦲᧈ ᦓᦸᧂᧉ ᦢᦱᧃᧉ ᦺᦎᧉ ᦓᦱ ᦵᦐᦲ ᦓᧃᧉ ᦀᦳᧇᧈ ᦎᦱᧄ ᦡᦲ, ᦶᦈᧅᧈ ᦛᦻ ᦂᦱᧃ ᦵᦵᦃᧃᧉ ᦘᦱᧅ ᦕᦴᧉ ᦅᦳᧃ ᦁᧃ ᦟᦳᧅ ᦶᦎᧈ ᦑᦲᧈ ᦺᦃᧉ ᦣᦱᧈ ᦐᧅ  ᦙᦱ ᦓᧃᧉ, ᦌᦱᧉ ᦶᦋᧆ ᦋᦸᧄᦋᦴᧈ ᦞᧃ ᦍᦱᧄ,  ᦵᦣᧆ ᦏᦹᧂ ᦵᦣᧆ ᦂᦱᧃ ᦉᧂ ᦅᦸᧉ ᦠᦹᧉ ᦵᦣᧆ ᦡᦲ 。

  ᦃᧁ ᦑᦱᧃᧈ ᦔᦲᧃ ᦕᦴᧉ ᦵᦵᦏᧆ ᦣᦸᧂ

 ᦢᦱᧃᧉ ᦺᦕ ᦷᦃᧂᧈ ᦙᧃ ᦎᧂᧉ ᦔᦲᧃ ᦖᦴᧈ ᦕᦴᧉ ᦍᦲᧂ ᦔ ᦟᦲᦰ ᦂᦱᧃ ᦵᦵᦏᧆ ᦣᦸᧂ, ᦵᦗᦲᧈ  ᦂᦱᧃ ᦊᦱᧁᧉ ᦵᦣᦲᧃ ᦌᦹᧉ ᦋᦸᧂᧈ ᦡᦾᧉ ᦑᦱᧂ ᦂᦲᧃ ᦋᦴᧈ ᦞᧃ ᦍᦱᧄ, ᦁᦱ ᦙ ᦃᦱᧄᧈ ᦖᦴᧈ ᦕᧃᧉ ᦑᦰ ᦘᦰ ᦍᦱᧆ ᦒᦲᧉ ᦷᦟ ᦅᦱ ᦵᦣᧆ ᦺᦔᦎᦱᧄ ᦉ ᦵᦖᦲ,ᦢᧁᧈ ᦠᦹᧉ ᦃᧁ ᦑᦱᧃᧈ ᦙᦲ ᦂᦱᧃ ᦃᦲ ᦵᦅᦲᧂ 、 ᦁᧄ ᦗᧅ ᦣᧅ ᦉᦱ ᦵᦓᦲᧉ ᦷᦎ ᦂᦱ ᦍᦱ ᦶᦂᧃᧈ ᦃᧃ。 ᦃᧅ ᦖᧃᧈ ᦃᧁᧉ ᦘᦸᧄᧈ  ᦂᦱᧃ ᦣᧅ ᦠᦳᧄ ᦕ ᦵᦑᧆ “ᦵᦕᧁᧉ ᦷᦖᧆ ᦷᦔᧆ ᦶᦟᧂᦰ、 ᦃᦱᧉ ᦗᦲᧆ ᦘᦰ ᦍᦱᧆ ᦔᦱᧂ ᦺᦊᧈ ᦔᦱᧂ ᦷᦜᧂ” , ᦵᦕᧁᧉ ᦦᦱᧆ ᦢᦱᧃᧉ ᦷᦃᧂᧈ ᦷᦖᧆ ᦺᦉ ᧞ ᦊᦱᧁᧉ ᦵᦣᦲᧃ ᦷᦖᧆ ᦺᦉ, ᦵᦕᧁᧉ ᦷᦖᧆ ᦑᦲᧈ ᦋᦸᧅ ᦵᦈ ᦷᦖᧆ ᦺᦉ、 ᦝᦱᧂᧉ ᦑᦰ ᦑᦲᧈ ᦔᦸᧈ ᦵᦂᦲᧆᧈ  ᦶᦙᧂ ᦍᦳᧂ, ᦊᦱᧃᧈ ᦉᦱᧂᧉ ᦂᦱᧃ ᦷᦖᧆ ᦺᦉ  ᦷᦆᧄᧈ ᦅᦳᧃ ᦊᦴᧈ ᦂᦲᧃ。

  ᦃᧁ ᦑᦱᧃᧈ ᦔᦲᧃ ᦕᦴᧉ ᦍᦸᦰ ᦓᧄ ᦉᧂᧈ ᦉᦸᧃ

 ᦵᦠᧆᧈ ᦵᦗᦲᧈ ᦢᧁᧈ ᦣᦴᧉ ᦵᦟᦲᧂᧈ ᦆᦱᧁᧈ ᦂᦱᧃ ᦘᦰ ᦍᦱᧆ ᦒᦲᧉ ᦷᦟ ᦅᦱ, ᦙᦲ ᦅᦳᧃ ᦟᦱᧂ ᦘᦸᧂᧈ ᦢᧁᧈ ᦊᦱᧃᧉ ᦷᦂ、 ᦢᧁᧈ ᦺᦈ ᦺᦉᧈ ᦚᦳᧂ ᦓᦲᦰ, ᦚᦴᧈ ᦶᦟᧃᧉ ᦺᦓ ᦵᦈᦲᧃᧈ ᦋᦳ ᦓᦳᧄ  ᦕᦴᧉ ᦍᦲᧂ ᦺᦎᧈ ᦎᦱᧄ ᦉᧇ ᦶᦂᧉ ᦵᦟᦲᧂᧈ  ᦂᦱᧃ ᦘᦰ ᦍᦱᧆ ᦒᦲᧉ ᦷᦟ ᦅᦱ、 ᦔᦲᧃᧈ ᦊᦱᧈ ᦕ ᦵᦑᧆ ᦠᦱᧂᧉ ᦆᦱᧆ ᦚᦳᧂ ᦓᦲᦰ ᦠᦹᧉ ᦗᦸᧈ ᦺᦣᧈ ᦶᦙᧈ ᦓᦱ ᦑᧂ ᦜᦻ, ᦎᦲᧆ ᦡᦽᧉ ᦕᦴᧉ ᦅᦳᧃ ᦁᧃ ᦉ ᦎᦱᧃᧉ ᦣᦱᧃᧈ ᦺᦈ ᦓᧃᧉ ᦔᦱᧃᧉ ᦀᦳᧃᧈ ᦑᦳᧃ ᦺᦈ ᦃᧁ ᦑᦱᧃᧈ 。

  ᦊᦴᧈ ᦌᦸᧂᧈ ᦐᦱᧉ ᦂᦱᧃ ᦘᦰ ᦍᦱᧆ ᦒᦲᧉ ᦷᦟ ᦅᦱ, ᦚᦴᧈ ᦶᦟᧃᧉ ᦵᦙᦲᧂ ᦷᦟᧂ ᦵᦈᦲᧃᧈ ᦶᦏᧉ ᦢᦱᧈ ᦶᦏᧄ ᦶᦣᧂ ᦚᦴᧈ ᦶᦟᧃᧉ ᦏᦱᧃᧉ ᦺᦎᧉ ᦠᧆ ᦒᦱᧄ ᦂᦱᧃ, ᦊᦴᧈ ᦺᦓ ᦂᦱᧃ ᦃᧆ ᦎᦸᧈ ᦵᦉᦲᧅ ᦉᦳᧂ ᦩᦱᧄ “ ᦘᦰ ᦍᦱᧆ ᦒᦲᧉ ᦷᦟ ᦅᦱ ” ᦠᧃᧉ  ᦶᦕᧈ ᦺᦃ ᦋᦸᧂᧈ ᦺᦋᧉ ᦶᦠᧂᧈ ᦆᦲᧂ , ᦘᦸᧄᧈ ᦂᧇ ᦕᦴᧉ ᦍᦲᧂ ᦋᦳᧄ ᦜᦻ ᧞ ᦂᧄᧈ ᦟᧂ ᦂᦱ ᦟᦰ ᦢᦱᧃᧉ ᦵᦙᦲᧂ ᦋᦴᧈ ᦚᦻᧈ ᦋᦴᧈ ᦗᦻ, ᦵᦗᦲᧈ ᦋᦲ ᦞᦲᧆ ᧞ ᦵᦓᦲᧉ ᦷᦎ ᦂᦱ ᦍᦱ ᦋᦳᧄ ᦜᦻ ᦶᦂᧃᧈ ᦃᧃ ᦂᦸᧈ ᦉᦱᧂᧉ ᦔᦲᧃ ᦚᦱ ᦌᧂᧉ ᦖᧃᧉ ᦅᦳᧂ ᦣᧅ ᦉᦱ ᦓᧃᧉ ᦺᦞᧉ。

  (ᦀᦲᦰ ᦶᦉᧂ ᦟᦸᧆ)