new tai | old tai | 中文

ᦐᧂ ᦉᦹ ᦢᦸᧅᧈ ᦂᦱᧁᧈ ᦺᦘᧈ ᦵᦙᦲᧂ ᦋᦴᧈ ᦘᦱ ᦉᦱ ᦱ᧒ ᦗᧃ ᦓᦱ ᦵᦋᦲᧁᧈ ᦕᦹᧃ ᧑

作者: 时间:2020-02-07 10:47:40

  ᦺᦘᧈ ᦵᦙᦲᧂ ᦋᦴᧈ ᦘᦱ ᦉᦱ ᦑᧂ ᦵᦋᦲᧁᧈ : 

 ᦶᦎᧈ ᦥᧂ ᦵᦂᦲᧆᧈ  ᦘᦰ ᦍᦱᧆ ᦺᦃᧉ ᦔᦸᧆᧈ ᦶᦙᧂ ᦋᦰ ᦺᦖᧈ ᦶᦖᧈ ᦟᦱᧄ ᦙᦱ, ᦑᦱᧂ ᦷᦋᧂᧈ ᦍᦱᧂ ᦷᦅᧉ ᦛᦴᧈ ᦶᦊᧃᧈ ᦏᦹ ᦐᧅ ᦉᦳᧂ ᦉᦳᧆ, ᦌᦲᧉ ᦈᦲᧃᧈ ᦘᦲᧃᧉ ᦋᦳᧂ ᦌᦴᧈ ᦈᦲᧈ ᦋᦲᧉ ᦓᧄ ᦂᦱᧃ ᦃᦸᧉ ᦐᧅ, ᦟᦲ ᦵᦆᦲᧉ ᦶᦌᧂᧉ ᦋᦳᧂ ᦟᦲ ᦵᦉᧆ ᦃᦱᧆ ᦷᦓ ᦍᦱᧆ ᦜᦻ ᦗᦸᧅ ᦜᦻ ᦔᦱᧂ。 ᦵᦋᦲᧁᧈ ᦞᦼ ᦵᦋᦲᧁᧈ ᦵᦈᦲᧃᧈ ᦝᦴ ᦃᧆ ᦶᦃᧂ ᦡᦽᧉ ᦎᦱᧄ  ᦑᦱᧂ ᦷᦋᧂᧈ ᦍᦱᧂᧈ ᦷᦅᧉ ᦛᦴᧈ ᦶᦊᧃᧈ、 ᦵᦌᦲᧃ ᦞᦼ ᦵᦌᦲᧃ ᦵᦈᦲᧃᧈ ᦝᦴ ᦶᦈᧅᧈ ᦛᦻ ᦷᦎᧅ ᦑᦲᧈ ᦔᦲᧃ ᦡᦲ, ᦋᦳ ᦎᧂᧉ ᦔᦲᧃ ᦖᦴᧈ ᦂᦸᧃᧈ ᦀᦸᧃ ᦋᦲᧉ ᦓᧄ、ᦖᦴᧈ ᦵᦵᦎᧆ ᦵᦵᦎᧂᧈ ᦂᦱᧃ ᦂᦲᧉ ᦅᦲᧃ  ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦵᦵᦖᧈ ᦟᦱᧄ , ᦅᦹᧆ ᦵᦣᧆ ᦎᦱᧄ ᦔᦲᧃᧈ ᦊᦱᧈ ᦵᦵᦎᧆ ᦵᦵᦎᧂᧈ ᦋᦸᧂᧈ ᦂᦱᧃ ᦂᦲᧉ ᦅᦲᧃ ᦋᦴᧈ ᦵᦋᦲᧉ ᦋᦴᧈ ᦋᦸᧂᧈ  ᦔᦲᧃ  ᦏᦱᧃᧉ ᦒᦲ ᧑, ᦔᧆ ᦀᧁ ᦂᧄᧈ ᦟᧂ ᦶᦕᧈ ᦵᦓᦲᧂ ᦂᦱᧃ ᦕᧃᧉ ᦑᦰ ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦵᦵᦖᧈ ᦟᦱᧄ。

  ᦱ᧒ ᦗᧃ ᦓᦱ ᦔᦲᧃ ᦵᦋᦲᧁᧈ ᦺᦊᧈ ᦷᦜᧂ ᦶᦀᧁᧈ ᦟᦸᧈ ᦕᦸᧈ ᦑᦸᧂᦰ , ᦅᦳᧃ ᦶᦀᧁᧈ ᦟᦱᧈ ᦦᦱᧈ ᦵᦛᧃ ᧞ ᦃᧁᧉ ᦀᦸᧅᧈ ᦠᦱᧅ ᦙᦲ ᦷᦜᧂ ᦜᦻ, ᦵᦙᦲᧈ ᦷᦡᧃᧈ ᦔᦲᧃ  ᦍᦱᧄᦵᦞ ᦟᦱ ᦔᦸᧈ ᦵᦂᦲᧆᧈ  ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦋᦰ ᦺᦖᧈ ᦷᦜᧂ ᦜᦻ。ᦵᦵᦑᧃ ᦍᦱ  ᦂᦱᧃ ᦂᦲᧉ ᦅᦲᧃ ᦊᦳᧂᧉ ᦊᦱᧁ ᦐᧅ ᦐᦱ , ᦎᦸᧂᧉ ᦷᦜᧈ ᦣᧁ ᦑᧂ ᦜᦻ ᦚᧃᧉ ᦔᦲᧃ ᦵᦋᦲᧅ ᦂᦲᧁ ᦵᦡᧁ 、 ᦋᦳᧄ ᦜᦻ ᦘᦸᧄᧈ ᦔᦲᧃ ᦺᦈ ᦵᦡᧁ ᦂᧃ, ᦺᦘᧈ ᦵᦙᦲᧂ ᦘᦸᧄᧈ ᦂᧃ ᦝᧃ ᦵᦉᦲᧅ ᦃᧆ ᦎᦸᧈ  ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦓᧃᧉ ᦔᦱᧂ ᧑, ᦘᦸᧄᧈ ᦂᧃ ᦵᦣᧆ  ᦂᦱᧃ ᦒᦱᧄ ᦵᦖᦲᧃ ᦗᦻ ᦺᦎᧉ ᦓᦲᦰ ᦠᦹᧉ ᦡᦲ :

 ᧑、 ᦃᦸ ᦠᦹᧉ ᦡᦹᧅ ᦌᧁ ᦶᦀᧁᧈ ᦟᦸᧈ ᦕᦸᧈ ᦑᦸᧂᦰ ᦺᦓ ᦵᦋᦲᧁᧈ ᦓᦸᧅ ᦵᦋᦲᧁᧈ,ᦅᧃ ᦞᦱᧈ ᦈᧁᧉ ᦙᧃ ᦍᧂ ᦑᦹᧅ ᦶᦀᧁᧈ ᦟᦸᧈ ᦕᦸᧈ ᦑᦸᧂᦰ ᦊᦴᧈ ᦓᦲᦰ, ᦛᧂ ᦠᦹᧉ  ᦗᦲᧆ ᦗᦸᧅ ᦙᦱ ᦡᦽᧉ ᦣᦲᧇ。

 ᧒、 ᦃᦸ ᦠᦹᧉ ᦷᦎ ᦆᦲᧂ  ᦣᧅ ᦉᦱ ᦷᦎ ᦵᦡᧁ ᦠᦹᧉ ᦡᦲ、 ᦕᦸᧃᧈ ᦓᦾᧉ ᦀᦸᧅᧈ ᦺᦔ ᦗᦻ ᦓᦸᧅ、 ᦢᧁᧈ ᦉ ᦌᦳᧄ  ᦎᦳᧄ ᦘᦸᧄᧉ ᦂᧃ、 ᦃᧅ ᦌᦽᧈ ᦙᦹ、ᦺᦃ ᦔᦸᧂᧈ ᦵᦵᦂᧁᧉ ᦠᦹᧉ ᦟᦳᧄ ᦟᦸᧂᧉ ᦡᦲ、 ᦺᦉᧈ ᦕᦱᧉ ᦙᦸᧇ ᦷᦉᧇ,ᦕᦸᧃᧈ ᦓᦾᧉ ᦟᦱᧄ ᦈᧇ ᦘᦰ ᦍᦱᧆ、ᦟᦱᧄ ᦈᧇ ᦘᦰ ᦍᦱᧆ ᦺᦃᧉ ᦔᦲᧃ ᦂᦱᧃ ᦵᦃᧆ ᦋᦱ。 

 ᧓、 ᦅᧃ ᦞᦱᧈ ᦈᧁᧉ ᦙᧃ ᦟᦳᧅ ᦶᦎᧈ ᦷᦆᧄᧈ ᦢᦱᧃᧉ ᦵᦙᦲᧂ ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦋᦰ ᦺᦖᧈ ᦙᦱ ᦢᧁᧈ ᦅᦸᧉ ᦺᦡᧉ ᦵᦵᦀᧇ ᦕᦴᧉ ᦅᦳᧃ ᦑᦲᧈ ᦢᦱᧃᧉ ᦵᦙᦲᧂ ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦋᦰ ᦺᦖᧈ ᦓᦲᦰ, ᦃᧄᧈ ᦃᦸ ᦎᦱᧄ ᦷᦎ ᦉᦹᧇᧈ ᦠᦱ ᦷᦣᧂ ᦊᦱ ᦺᦓ ᦵᦙᦲᧂ ᦢᧁᧈ ᦅᦸᧉ ᦎᦲ ᦉᦻ ᦉᦹᧇᧈ ᦠᦱ“12320 ᦂᦱᧃ ᦷᦊᧅ ᦊᦱ”, ᦣᧇ ᦣᦸᧂ ᦔ ᦟᦲᦰ ᦂᦱᧃ ᦷᦊᧅ ᦊᦱ ᦡᦽᧉ ᦣᦲᧇ。

 ᧔、 ᦅᧃ ᦞᦱᧈ ᦈᧁᧉ ᦙᧃ ᦵᦓᦲᧉ ᦺᦖᧉ、 ᦷᦀᧃᧉ ᦙᦾᧈ、 ᦺᦀ ᦢᧁᧈ ᦙᦲ ᦃᦲᧉ ᦵᦎᦲᦰ、ᦏᦽᧉ ᦺᦈ ᦚᦹᧆᧈ ᦚᦳᧂ ᦓᦲᦰ, ᦊᦱᧈ ᦏᦱᧉ ᦝᦱᧁᧉ ᦝᦱᧄᧈ, ᦺᦉᧈ ᦕᦱᧉ ᦙᦸᧇ ᦷᦉᧇ ᦡᦲ, ᦺᦔ ᦷᦣᧂ ᦊᦱ ᦑᦲᧈ ᦷᦂᧆᧈ ᦑᦸᧂᦰ ᦵᦓᦲᧉ ᦺᦖᧉ ᦠᧃᧉ ᦷᦂᧆᧈ ᦑᦸᧂᦰ ᦡᦽᧉ ᦣᦲᧇ。

 ᧕、ᦅᧃ ᦞᦱᧈ ᦈᧁᧉ ᦙᧃ ᦔᦲᧃ ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦢᧁᧈ ᦅᦸᧉ ᦉᧂ ᦂᦱ ᦔᦲᧃ ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦓᦲᦰ, ᦵᦗᦲᧈ ᦵᦓᦲᧉ ᦷᦎ ᦂᦱ ᦍᦱ ᦈᧁᧉ ᦙᧃ ᧞  ᦅᦳᧃ ᦵᦣᦲᧃ 、  ᦂᦱ ᦟᦰ ᦢᦱᧃᧉ ᦵᦙᦲᧂ ᦚᦳᧂ ᦓᦲᦰ ᦵᦵᦂᧃᧈ ᦃᧃ,ᦕᦴᧉ ᦃᦱᧉ ᦎᦴ ᦈᧅ ᦀᧁ ᦑᦱᧃᧈ ᦉ ᦌᦳᧄ  ᦂᧃ ᦶᦃᧃᧉ ᦘᦱᧅ ᦷᦊᧅ ᦊᦱ, ᦃᦸᧉ ᦠᦹᧉ ᦈᧁᧉ ᦙᧃ ᦣᦴᧉ ᦵᦵᦈᧂᧉ ᧞ ᦁᦱ ᦓᦴᧉ ᦍᦱᧆ 。

 ᧖、 ᦅᧃ ᦞᦱᧈ ᦈᧁᧉ ᦙᧃ ᦵᦵᦋᧆ ᦔᦲᧃ ᦟᦱᧄ ᦈᧇ ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦢᧁᧈ ᦅᦸᧉ ᦉᧂ ᦂᦱᦟᦱᧄ  ᦈᧇ  ᦘᦰ ᦍᦱᧆ ᦓᦲᦰ, ᦵᦗᦲᧈ ᦺᦆᧈ ᦷᦟᧆ ᦵᦙᦲᧈ ᦷᦟᧆ ᦍᦱᧄ ᦂᧄ ᦑᦹ ᦵᦟᦲᧂᧈ ᦂᦱᧃ ᦉᦲᧂᧈ ᦃᦱᧁᧈ ᦵᦓᦲᧉ ᦷᦎ ᦂᦱ ᦍᦱ  ᦈᧁᧉ ᦙᧃ, ᦕᦴᧉ ᦃᦱᧉ ᦎᦴ ᦈᧅ ᦀᧁ ᦈᧁᧉ ᦙᧃ ᦉ ᦌᦳᧄ ᦂᧃ ᦔᦲᧃ ᦑᦲᧈ ᦶᦃᧃᧉ ᦘᦱᧅ ᦆᧄ ᦑᦸᧂᦰ ᦷᦊᧅ ᦊᦱ ᦵᦵᦋᧆ ᦑᦸᧂᦰ, ᦃᦸᧉ ᦠᦹᧉ ᦃᧁᧉ ᦠᦱ ᦈᧁᧉ ᦙᧃ ᦣᦴᧉ ᦵᦵᦈᧂᧉ ᧞ ᦁᦱ ᦓᦴᧉ ᦍᦱᧆ。

 ᧗、 ᦘᦰ ᦍᦱᧆ ᦒᦲᧉ ᦷᦟ ᦅᦱ ᦔᦲᧃ ᦂᦱᧃ ᦞᦲᧉ ᦓᦱᧆᦑᧁᧈ ᦞᦱᧈ ᦅᦳᧃ ᦙ ᦓᦴᧈ ᦉᦱ ᦷᦟᧅ ᦣᧁ ᦙᦲ ᦩᦱᧄ ᦣᧅ ᦩᦱᧄ ᦶᦗᧂ。 ᦃᧄᧈ ᦃᦸ ᦑᧂ ᦜᦻ ᦂᦑᧄ ᦂᦱᧃ ᦇᦻᧈ ᦺᦈ ᦶᦃᧅᧈ ᦶᦂᧁᧉ ᦎᦱᧂᧈ ᦑᦲᧈ ᦁᧃ ᦙᦱ ᦶᦀᧁᧈ ᦟᦸᧈ ᦕᦸᧈ ᦑᦸᧂᦰ ᦵᦋᦲᧁᧈ ᦣᧁ ᦓᧃᧉ, ᦔᦱᧃᧉ ᦀᦳᧃᧈ ᦑᦳᧃ ᦺᦈ ᧞ᦵᦵᦈᧅᧈ ᦛᦻ ᦅᦳᧃ ᦑᦲᧈ ᦷᦆᧄᧈ ᦢᦱᧃᧉ ᦵᦙᦲᧂᦥᧂ ᦵᦂᦲᧆᧈ ᦘᦰ ᦍᦱᧆ ᦺᦃᧉ ᦍᧂᧉ ᦊᦴᧈ  ᦱ᧒ ᦗᧃ ᦓᦱ ᦶᦀᧁᧈ ᦟᦸᧈ ᦕᦸᧈ ᦑᦸᧂᦰ ᦓᧃᧉ 。

 ᧘、 ᦕᦴᧉ ᦃᦱᧉ ᦎᦴ ᦅᦹᧆ ᦵᦣᧆ ᦎᦱᧄ ᦔᦲᧃᧈ ᦊᦱᧈ ᦕᧃᧉ ᦑᦰ  ᦘᦰ ᦍᦱᧆ ᦔᦸᧆᧈ ᦵᦵᦙᧂ ᦋᦰ ᦺᦖᧈ ᦵᦍᦲᧅ ᦍᦱᧁ ᦵᦞ ᦟᦱ ᦷᦣᧂ ᦵᦣᧃ ᦵᦣᧃ ᦷᦎ ᧞ᦷᦣᧂ ᦌᦲᧈ ᦶᦓᧉ ᦗᦸᧅ ᦵᦣᧆ ᦵᦞᧅ ᦵᦣᧆ ᦉᦱᧂᧉ, ᦂᦱᧃ ᦚᦳᧂ ᦓᦲᦰ ᦵᦖᦲᧃ ᦔᦲᧃ ᦂᦱᧃᦌᦳᧅ ᦌᧅ ᦺᦈᦷᦎ ᦈᧁᧉ , ᦃᦸᧉ ᦈᧁᧉ ᦙᧃ ᦣᦴᧉ ᦵᦵᦈᧂᧉ ᧞ ᦁᦱ ᦓᦴᧉ ᦍᦱᧆ ᦑᦸᦰ。

   ᦕᦴᧉ ᦃᦱᧉ ᦎᦴ ᦃᧆ ᦶᦃᧂ ᦊᦳᧄᧈ ᦵᦋᦲᧈ, ᦊᦴᧈ ᦺᦎᧉ ᦑᦱᧂ ᦷᦋᧂᧈ ᦍᦱᧂ ᦷᦅᧉ ᦛᦴᧈ ᦶᦊᧃᧈ ᦃᧆ ᦶᦃᧂ ᦔᦲᧃ ᦅᧁᧉ ᦂᦸᧃᧈ ᦀᦸᧃ, ᦙᦲ ᦷᦎ ᦈᧁᧉ ᦃᧁᧉ ᦘᦸᧄᧈ ᦘᦸᧄᧉ ᧞ ᦅᧄᧉ ᦖᦳᧃ, ᦣᧁ ᦶᦤᧃ ᦵᦑᧂᧈ ᦕᦱᧇ ᦵᦵᦗᧉ ᦵᦉᦲᧅ ᦉᦳᧂ ᦩᦱᧄ  ᦁᧃ ᦢᧁᧈ ᦙᦲ ᦙᦸᧅ ᦓᦱᧆ ᦓᧃᧉ ᦔᦱᧂ ᦓᦲᦰ。 

  ᦖᦴᧈ ᦂᦸᧃᧈ ᦀᦸᧃ ᦋᦲᧉ ᦓᧄ ᦂᦱᧃ ᦃᧆ ᦎᦸᧈ  ᦘᦰ ᦍᦱᧆ ᦔᦸᧆᧈ ᦶᦙᧂ ᦋᦰ ᦺᦖᧈ ᦵᦵᦖᧈ ᦟᦱᧄ ᦵᦋᦲᧁᧈ ᦞᦼ ᦵᦋᦲᧁᧈ ᦵᦈᦲᧃᧈ ᦝᦴ

   ᦔᦲ ᧒᧐᧒᧐ ᦷᦎ ᦵᦡᦲᧃ ᧑ ᦷᦟᧅ ᧓ᦱ ᦆᧄᧈ