new tai | old tai | 中文

 ᦋᦱᧆ ᦀᦸᧃ

作者:ᦉᦲ ᦜᦲ ᦞᧃ ᦓᦱ 时间:2020-01-02 16:47:11

  ᦗᦲᧈ ᦏᦱᧉ ᦅᦸᧂ  ᦓᦱᧂ ᦢᧁᧈ ᦠᧃ,

  ᦷᦑᧅ ᦃᦳᧄ ᦃᦲ ᦵᦂᧁᧉ ᦛᧃ ᦺᦈ ᦗᦲᧈ ᦢᦱᧁᧈ。

  ᦖᦸᧂ ᦖᦸᧄᧉ ᦉᧁᧉ ᦢᧆ ᦊᦴᧈ ᦺᦓ ᦺᦈ,

  ᦺᦙᧉ ᦎᦲᧄ ᦜᧁᧈ ᦀᧁ ᦺᦡᧉ ᦵᦵᦎᧈ ᦎᦳᧃᧉ ᦓᦹᧂᧈ ᦟᧄ ᦵᦡᧁ,

  ᦓᦱᧂ ᦵᦠᧀᧈ ᦣᧁ  ᦓᦲᦰ ᦷᦎ ᦊᦴᧈ ᦺᦂ ᦺᦈ ᦊᦴᧈ ᦺᦂᧉ,

  ᦺᦈ ᦂᦲᧂᧈ ᦠᦾᧉ ᦓᦱᧂ ᦋᦴᧉ ᦺᦈ ᦵᦵᦉᧃᧈ ᦞᦾ ᦞᦾ,

    ᦩᦱᧄ ᦣᧅ ᦗᦲᧈ ᦖᧃᧉ ᦵᦖᦲᧃ ᦖᦱᧅ ᦠᦲᧃ ᦉᦲ ᦟᦱ,

  ᦗᦲᧈ ᦣᧅ ᦓᦸᧂ ᦎᦸᧈ ᦟᦹᧂ ᦏᦹᧂ ᦏᧁᧉ,

  ᦐᧂᧉ ᦞᦱᧈ ᦑᦱᧂ ᦷᦅᧆ ᦋᦸᧄᧉ ᧒ ᦣᧁ ᦈᧁᧉ ᦅᦾᧈ ᦵᦣᧆ ᦺᦈ ᦧᦱᧂ,

  ᦣᧁ ᦅᦾᧈ ᦣᧅ ᦵᦵᦗᧂ ᦂᧃ  ᦢᧁᧈ ᦗᧃ ᦘᦱᧅ ᦺᦡᧉ。

    ᦷᦋᧈ ᦓᦲᦰ ᧞ ᦋᦱᧆ ᦐᦱᧉ ᦣᧁ ᦅᦾᧈ ᦔᦲᧃ ᦅᦴᧈ ᦵᦟᧂ ᧒,

ᦎᦳᧃᧉ ᦣᦳᧄᧈ ᦺᦢ ᦗᦲᧈ ᧞ ᦓᦸᧂᧉ ᦵᦖᦲᧃ ᦺᦈ ᦣᦳᧄᧈ ᦺᦉᧉ,

  ᦵᦞᧃ ᦆᦸᧇ ᦜᦱᧉ ᦓᦱᧂ ᦓᦸᧂᧉ ᦢᧁᧈ ᦋᦱᧂᧈ ᦈᦱᧅ ᦑᦱᧂ ᦺᦡ,

  ᦢᧁᧈ ᦅᦸᧉ ᦔᦲᧃ ᦵᦵᦎᧈ ᦵᦞᧃ ᦔᦱᧂ ᦀᦸᧃ ᦗᦸᧂᧉ,

    ᦠᦹᧉ ᦣᧁ ᧒ ᦗᦲᧈ ᦓᦸᧂᧉ ᦙᦱᦷᦈᧇ ᦍᦱ ᦂᧃ,

  ᦣᧁ ᦠᦱᧅ ᦺᦡᧉ ᦉᦳᧅ ᦍᦸᧃᧉ ᦵᦗᦲᧈ ᦷᦋᧅ ᦟᦱᧇ ᦙᦲ ᦈᦳᧃ。

   (ᦉᦲ ᦜᦲ ᦞᧃ ᦓᦱ)