ᦅᧄ ᦃᦾᧈ ᦗᦱᧃᧉ
ᦑᦲᧈ ᦀᦸᧅᧈ : ᦕᦴᧉ ᦵᦵᦎᧄᧉ : ᦔᦲ ᦵᦡᦲᧃ ᦞᧃ ᦍᦱᧄ:2017/10/13
ᦵᦠᧀᧈ ᦵᦠᧀᧈ
ᦑᧂ ᦜᦻ ᦵᦠᧀᧈ ᦝᧂ ᦡᦲ,
ᦑᧂ ᦜᦻ ᦵᦠᧀᧈ ᦝᧂ ᦤᦲ,
ᦔᦲ ᦓᦲᦰ ᦔᦲᧃ ᦔᦲ ᦡᦲ,
ᦵᦟᧂᧉ ᦷᦣ ᦗᦲ ᦎᦲᧄ ᦆᦸᧅ,
ᦀᦻᧉ ᦉᦸᧅᧈ ᦂᦸᧅᧈ ᦜᦸᦰ ᦵᦵᦜᦰ,
ᦠᧃ ᦂᦱ ᦵᦵᦂ ᦓᦲᦰ ᦞᦱᧈ ᦺᦆᧈ ᦉᦱᧉ,
ᦠᧃ ᦙᦱᧉ ᦗᦲ ᦓᦲᦰ ᦞᦱᧈ ᦺᦆᧈ ᦃᦲᧈ,
ᦠᧃ ᦔᦱ ᦂᦲᧈ ᦓᦲᦰ ᦞᦱᧈ ᦺᦆᧈ ᦵᦵᦠᧄ;
ᦵᦠᧀᧈ ᦵᦠᧀᧈ
ᦠᧃ ᦵᦵᦃᧇᧈ ᦇᦱᧄ ᦓᦲᦰ ᦞᦱᧈ ᦺᦆᧈ ᦊᦸᧂᧉ,
ᦠᧃ ᦈᦸᧂᧉ ᦇᦱᧄ ᦓᦲᦰ ᦞᦱᧈ ᦺᦆᧈ ᦂᧂᧉ,
ᦂᦲᧃ ᦐᧂ ᦗᦸᧂ ᦓᦲᦰ ᦵᦵᦙᧃᧈ ᦂᧇ ᦉᦱᧉ,
ᦀᦻᧉ ᦋᦱᧂᧈ ᦅᦱᧉ ᦓᦲᦰ ᦓᧂᧈ ᦏᦳᧂ ᦂᦲᧃ,
ᦔᦲᧃ ᦖᦸ ᦊᦱ ᦓᦲᦰ ᦋᦱᧂᧈ ᦑᦸᧂᦰ ᦺᦃᧉ,
ᦋᦲᧃᧉ ᦺᦂᧈ ᦎᦳᧄᧉ ᦓᦲᦰ ᦂᧇ ᦉᦳ ᦟᦱ,
ᦏᦹᧂ ᦵᦞ ᦟᦱ ᦋᦳ ᦘᦸᧄᧉ ᦱ᧙ ᦎᦱᧈ,
ᦈᦲᧈ ᦧᦱᧈ ᦠᦱᧂᧉ ᦵᦵᦣᧃ ᦺᦞᧉ,
ᦓᦲᧉ ᦑᦱᧃ ᦵᦵᦂᧁᧉ ᦔᦾᧈ ᦺᦃ,
ᦺᦘᧈ ᦵᦙᦲᧂ ᦉᦳᧅ ᦢᦱᧃ ᦺᦈ ;
ᦵᦠᧀᧈ ᦵᦠᧀᧈ
ᦃᧁᧉ ᦎᦲᧄ ᦟᧁᧉ ᦇᦹᧃ ᦈᦻᧈ ᦗᦸ ᦂᦲᧃ,
ᦔᦲᧃ ᦃᦳᧃ ᦠᦹᧉ ᦣᧅ ᦺᦘᧈ,
ᦑᦱᧂ ᦺᦖᧈ ᦈᦲᧂᧈ ᦡᦲ ᦵᦑᧁ,
ᦵᦆᧁ ᦕᦻ ᦂᦸᦰ ᦵᦂᧁᧈ ᦃᧁᧉ,
ᦜᧁᧉ ᦃᧁᧉ ᦺᦖᧈ ᦓᦲᦰ ᦋᦱᧆ ᦡᦲ ᦂᦲᧃ,
ᦍᦱᧂᧈ ᦵᦑᧁ ᦎᦲᧃ ᦓᦲᦰ ᦔᦲᧃ ᦅᦱᧈ ᦋᦱᧂᧉ,
ᦋᦱᧂᧈ ᦙᦱᧂᧉ ᦵᦏᦲᧃᧈ ᦔᦲᧃ ᦺᦘᧈ,
ᦕᧆ ᦺᦞ ᦺᦞ ᦔᦲᧃ ᦷᦟᧆ,
ᦋᦱᧂᧈ ᦷᦕᧆᧈ ᦷᦟᧅ ᦓᦲᦰ ᦔᦲᧃ ᦖᦸ ᦊᦱ,
ᦓᧂᧈ ᦵᦢᧆ ᦔᦱ ᦓᦲᦰ ᦔᦲᧃ ᦅᦱᧈ ᦠᦸᧉ;
ᦵᦠᧀᧈ ᦵᦠᧀᧈ
ᦓᧂᧈ ᦔᧃᧉ ᦖᦸᧉ ᦓᦲᦰ ᦖᦴᧈ ᦺᦑ ᦷᦟᧂ,
ᦓᧂᧈ ᦉᦱᧃ ᦷᦖᧂ ᦓᦲᦰ ᦖᦴᧈ ᦺᦑ ᦟᦱᧉ,
ᦓᧂᧈ ᦃᦻ ᦟᦱᧉ ᦓᦲᦰ ᦔᦲᧃ ᦵᦵᦙᧈ ᦵᦉ ᦏᦲ,
ᦓᧂᧈ ᦙᦲ ᦇᦹᧃ ᦓᦲᦰ ᦅᦳᧃ ᦍᦲᧃᧉ ᦆᧂᧉ,
ᦓᧂᧈ ᦋᦱᧂᧈ ᦎᦱᧃᧉ ᦓᦲᦰ ᦔᦲᧃ ᦢᦱᧁᧈ ᦂᧇ ᦉᦱᧁ ᧞ ᦔᦲᧃ ᦢᦱᧁᧈ ᦂᧇ ᦉᦱᧁ。
(ᦀᦻᧉ ᦉᦱᧄ ᦂᦹᧃ)