new tai | old tai | 中文

ᦷᦓᧇ ᦎᦸᧈ ᦕᦴᧉ ᦷᦔᧅ ᦣᦸᧂ ᦷᦑᧅ ᦕᦱᧃ ᦕ ᦵᦑᧆ ᦷᦋᧂᧈ ᦷᦅᧉ

作者: 时间:2021-03-26 09:14:03

  

  ᦔᦲ ᧒᧐᧒ᦱ ᦷᦎ ᦵᦡᦲᧃ ᧒ ᦷᦟᧅ ᧒᧕ ᦆᧄᧈ ᦂᦱᧂ ᦺᦐ,ᦘᦸᧄᧉ ᦷᦜᧂ ᦊᦸᧂᧉ ᦍᦸ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦑᧂ ᦕ ᦵᦑᧆ ᦊᦴᧈ ᦵᦗᦲᧉ ᦋᦲᧃᧈ ᦵᦍᦲᧃᧉ ᦙᦲᧃᧉ ᦎᦱᧈ ᦃᦼᧈ ᦒᦱᧂᧉ ᦀᦳ ᦒᧂ ᦋᦳ ᦘᦸᧄᧉ,ᦷᦋᧂᧈ ᦂᦳᧂᧈ ᦷᦋᧂᧈ ᦍᦱᧂᧈ ᦋᦳᧂ ᦌᦴᧈ ᦈᦲᧈ、ᦷᦅᧉ ᦋᦱᧈ ᦋᦴ ᦌᦲᧉ、ᦷᦋᧂᧈ ᦍᦱᧂᧈ ᦋᦲᧃᧈ ᦞᦼ ᦋᦴ ᦌᦲᧉ ᦌᦲᧉ ᦈᦲᧃᧈ ᦘᦲᧃᧉ  ᦵᦉᧆᧈ ᦌᦱᧂ ᦠᦹᧉ ᦕᦴᧉ ᦡᦲ ᦅᦳᧃ ᦖᦱᧃᧈ ᦵᦣᧆ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦺᦡᧉ ᦡᦲ ᦑᧂ ᦕ ᦵᦑᧆ ᦈᦹ ᦔᦱᧅ ᦅᧄ ᦃᦸᧉ ᦐᧅ。ᦘᦸᧄᧉ ᦷᦜᧂ ᦠᧃᧉ ᦍᧂ ᦵᦉᧆᧈ ᦌᦱᧂ ᦠᦹᧉ ᦕᦴᧉ ᦡᦲ ᦅᦳᧃ ᦖᦱᧃᧈ ᧞ ᦖᦴᧈ ᦋᦳᧄ ᦵᦣᧆ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦺᦡᧉ ᦡᦲ ᦑᧂ ᦕ ᦵᦑᧆ ᦓᧃᧉ。ᦘᦸᧄᧉ ᦵᦉᧆᧈ ᦌᦱᧂ ᦠᧃᧉ,ᦱ᧒ ᦗᧃ ᦓᦱ ᦵᦋᦲᧁᧈ ᦀᧁ ᦺᦡᧉ ᦵᦉᧆᧈ ᦌᦱᧂ ᦕᦴᧉ ᦡᦲ ᦅᦳᧃ ᦖᦱᧃᧈ ᧒ ᦅᦳᧃ、ᦖᦴᧈ ᦋᦳᧄ ᦶᦌᧃᧈ ᦈᦲᧃᧈ ᦖᦴᧈ ᧑。

ᦵᦙᦲᧂ ᦢᦱᧃᧈ ᦵᦈᦲᧃᧈ ᦵᦙᦲᧂ ᦟᦱᧉ ᦶᦉᧃᧈ ᦀᧁ ᦺᦡᧉ ᦵᦉᧆᧈ ᦌᦱᧂ ᦖᦴᧈ ᦋᦳᧄ ᦵᦣᧆ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦺᦡᧉ ᦡᦲ ᦑᧂ ᦕ ᦵᦑᧆ,ᦑᦱᧂ ᦋᦳᧂ ᦋᦹᧈ ᦌᦴᧈ ᦈᦲᧈ、ᦋᦴ ᦵᦊᦲᧃᧈ ᦷᦟᧉ ᦷᦍᧂ ᦌᦻᧉ ᦢᦱᧃᧉ ᦗᦴ ᦔᦳᧂᧈ ᦵᦙᦲᧂ ᦟᦱᧉ ᦵᦈᦲᧃᧈ ᦀᧁ ᦺᦡᧉ ᦵᦉᧆᧈ ᦌᦱᧂ ᦕᦴᧉ ᦡᦲ ᦅᦳᧃ ᦖᦱᧃᧈ ᦵᦣᧆ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦺᦡᧉ ᦡᦲ ᦑᧂ ᦕ ᦵᦑᧆ,ᦕᦴᧉ ᦓᧅ ᦂᦱᧃ ᦷᦔᧅ ᦣᦸᧂ ᦢᦱᧃᧉ ᦓᦾᧉ ᦙᦸᧃᧈ ᦔ ᦟᧂ ᦶᦌᧂᧈ、ᦋᦴ ᦋᦱᧂ ᦢᦱᧃᧉ ᦔᧃ ᧓ ᦎᦼᧈ ᦷᦟᧉ ᦈᦹᧈ ᦩᦱᧉ ᦀᧁ ᦺᦡᧉ ᦵᦉᧆᧈ ᦌᦱᧂᧈ ᦕᦴᧉ ᦡᦲ ᦅᦳᧃ ᦖᦱᧃᧈ ᦵᦣᧆ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦺᦡᧉ ᦡᦲ ᦑᧂ ᦕ ᦵᦑᧆ。



   (ᦔᦳᧂᧈ ᦢᦲᧃᧉ ᦓᦲᦰ ᦔᦲᧃ ᦵᦙᦲᧂ ᦢᦱᧃᧈ ᦵᦙᦲᧈ ᦷᦑᧅ ᦕᦱᧃ ᩓ ᦣᧂᧈ ᦙᦲ ᦓᧃᧉ)

  

   ᦵᦙᦲᧂ ᦢᦱᧃᧈ ᦵᦈᦲᧃᧈ ᦵᦙᦲᧂ ᦟᦱᧉ ᦶᦉᧃᧈ

   ᦵᦙᦲᧂ ᦢᦱᧃᧈ ᦵᦈᦲᧃᧈ ᦔᦲᧃ ᦵᦵᦌᧂᧈ ᦵᦈᦲᧃᧈ ᦗᦻ ᦃᦸᧇᧈ ᦶᦡᧃ ᦷᦠ ᦙᦸᧃᧈ、ᦜᦻ ᦘᦱ ᦉᦱ ᦊᦴᧈ ᦂᦲᧃ ᦶᦀᧇ ᦂᧃ ᦓᧃᧉ ᦑᦲᧈ ᧑,ᦔᦲᧃ ᦶᦌᧂᧈ ᦵᦈᦲᧃᧈ ᦷᦔᧅ ᦣᦸᧂ ᦔᦹᧆᧈ ᦉᦱᧂᧉ ᦑᦲᧈ ᦐᧅ ᦑᧂ ᦵᦌᦲᧃ ᦓᧃᧉ ᦑᦲᧈ ᧑。ᦎᧂᧉ ᦵᦣᧆ ᦂᦱᧃ ᦷᦔᧅ ᦣᦸᧂ ᦷᦙᧆ ᦈᦱᧅ ᦷᦑᧅ ᦕᦱᧃ ᦎᦱᧄ ᦋᦸᧇ ᦙᦱ,ᦵᦙᦲᧂ ᦢᦱᧃᧈ ᦵᦈᦲᧃᧈ ᦃ ᦊᧄ ᦺᦈ ᦅᦹᧆ ᦵᦣᧆ ᦎᦱᧄ ᦑᦱᧂ ᦷᦋᧂᧈ ᦍᦱᧂᧈ、ᦷᦅᧉ ᦛᦴᧈ ᦶᦊᧃᧈ ᧞ ᦵᦌᦲᧃ、ᦵᦋᦲᧁᧈ、ᦶᦉᧃᧈ ᦵᦉᧆ ᦃᦱᧆ ᦶᦈᧅᧈ ᦛᦻ ᦓᧃᧉ ᦷᦎᧅ ᦑᦲᧈ ᦔᦲᧃ ᦡᦲ,ᦀᧁ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦔᦲᧃ ᦂᦱᧃ ᦒᦱᧄ ᦟᦱ ᦋ ᦂᦱᧃ ᦐᧅ ᦐᦱ,ᦀᧁ ᦂᦱᧃ ᦃᦸᧈ ᦊᦴᧈ ᦣᦱᧁ ᦂᦲᧃ ᦺᦘᧈ ᦵᦙᦲᧂ ᦺᦞᧉ ᦞᦱᧂ ᦒᦲ ᧑,ᦔᧆ ᦀᧁ ᦂᧄᧈ ᦟᧂ ᦑᧂ ᦵᦈᦲᧃᧈ ᦙᦱ ᦍᧇ,ᦶᦞᧆ ᦟᦸᧄᧈ ᦋᦸᧄ ᦎᦱᧄ ᦘ ᦶᦑᧆ“᧒ ᦢᧁᧈ ᦃᦲ ᧓ ᦁᦱ ᦙ ᦃᦱᧄᧈ”᧞ ᦎᦱ ᦖᦻ ᦷᦙᧆ ᦈᦱᧅ ᦷᦑᧅ ᦕᦱᧃ ᦷᦔᧆ ᦷᦖᧅᧈ ᦷᦠ ᦶᦝᧆ,ᦕᦱᧇ ᦶᦗᧉ ᦵᦉᦲᧅ ᦉᦳᧂ ᦩᦱᧄ ᦂᦱᧃ ᦷᦔᧅ ᦣᦸᧂ ᦷᦑᧅ ᦕᦱᧃ ᦎᦸᧈ ᦺᦔ ᦢᧁᧈ ᦃᦱᧆ,ᦍᦻᧉ ᦃᧁᧉ ᦢᦱᧃᧉ ᦵᦙᦲᧂ ᦵᦉ ᦏᦲ ᦓᦾᧉ,ᦺᦋᧉ ᦕ ᦊᦱ ᦔᧃ ᦍᦱ ᦕᦱᧇ ᦶᦗᧉ ᦂᦱᧃ ᦷᦔᧅ ᦣᦸᧂ ᦷᦑᧅ ᦕᦱᧃ,ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦣᧇ ᦺᦡᧉ ᦂᦱᧃ ᦎᦱ ᦡᦲ ᦏᧅ ᦏᦲᧈ,ᦊᦴᧈ ᦺᦓ ᦵᦙᦲᧂ ᦟᦱᧉ ᦶᦉᧃᧈ ᦏᦼ ᦀᦸᧅᧈ ᦶᦌᧂᧈ ᦵᦈᦲᧃᧈ ᦷᦑᧅ ᦕᦱᧃ ᦀᦸᧃ ᦵᦗᦲᧃᧈ。

  ᦵᦈᦲᧃᧈ ᦋᦱᧂ ᦵᦙᦲᧂ ᦢᦱᧃᧈ ᦵᦈᦲᧃᧈ ᦵᦎᦲᧃᧈ ᦝᦴᧉ ᦟᦲᧃᧉ ᦞᦱᧈ:“ᦵᦙᦲᧂ ᦢᦱᧃᧈ ᦵᦈᦲᧃᧈ ᦎᧂᧉ ᦶᦕᧈ ᦵᦓᦲᧂ ᦂᦱᧃ ᦷᦔᧅ ᦣᦸᧂ ᦎᦱᧄ ᦋᦸᧇ ᦙᦱ,ᦵᦆᦲᧂᧈ ᦷᦆ ᦗᦹᧃ ᦅᧁᧉ ᦁᧃ ᦑᦱᧂ ᦟ ᦺᦞ ᦺᦔ ᦙᦱ、ᦵᦣᦲᧃ ᦓᦸᧃ、ᦂᦱᧃ ᦺᦣᧈ ᦓᦱ ᦚᦳᧂ ᦓᦲᦰ ᦵᦔᧃᧈ ᦺᦖᧈ ᦺᦊᧈ ᦓᧅ,ᦎᦱ ᦵᦌᦲᧁᧈ ᦺᦡᧉ ᦵᦍᦰ ᦅᦳᧃ ᦺᦐ ᦎᧂᧉ ᧒᧐ᦱ᧔ ᦷᦎ ᧔᧘᧓᧕ ᦶᦍᧃᧉ ᦷᦍᧅ ᦉᦳᧂ ᦏᦹᧂ ᦔᦲ ᧒᧐᧒᧐ ᦷᦎ ᦱ᧐᧖᧐᧐ ᦶᦍᧃᧉ,ᦂᦱᧃ ᦵᦣᧆ ᦉᦱᧂᧉ ᦃᦸᧉ ᦊᦴᧈ ᦣᦱᧁ ᦂᦲᧃ ᦋᦳᧄ ᦜᦻ ᦺᦡᧉ ᦵᦔᧃᧈ ᦡᦲ ᦙᦱ ᦢᧁᧈ ᦓᦾᧉ,ᦐᦱᧉ ᦎᦱ ᦉᦱ ᦷᦣᧇ ᦺᦘᧈ ᦵᦙᦲᧂ ᦋᦳᧄ ᦜᦻ ᦔᦸᧂ ᦺᦡᧉ ᦎᦱ ᦡᦲ ᦵᦔᧃᧈ ᦎᦱᧂᧈ ᧞ᦷᦍᧅ ᦉᦳᧂ, ᦂᦱᧃ ᦉᧂᧈ ᦉᦸᧃ、ᦂᦱᧃ ᦷᦊᧅ ᦊᦱᦺᦡᧉ ᦷᦍᧅ ᦉᦳᧂ ᦔᦳᧂᧈ ᦵᦓᦲᧂ ᦎᦱᧄ ᦉ ᦵᦖᦲ,ᦶᦋᧆ ᦶᦋᧆ ᦷᦍᧅ ᦉᦳᧂ ᦩᦱᧄ ᦀᦲᧅᧈ ᦺᦡᧉ、ᦩᦱᧄ ᦉᦳᧅ ᦵᦉᦲᧃ ᦺᦘᧈ ᦵᦙᦲᧂ ᦋᦳᧄ ᦜᦻ ᦑᦰ ᦶᦑᧉ。

2b-3.jpg

                (ᦢᦱᧃᧉ ᦠᦽᧉ ᦟᦳᧄ ᦗᦲᧆ ᦵᦔᧃᧈ)

    

     ᦷᦟᧉ ᦷᦍᧂ ᦌᦻᧉ 

    ᦗᦴ ᦔᦳᧂᧈ ᦌᦳᧃᧈ ᦞᦼ ᦃᦼᧈ ᦵᦙᦲᧂ ᦟᦱᧉ ᦵᦈᦲᧃᧈ ᦔᦲᧃ ᦌᦳᧃᧈ ᦞᦼ ᦃᦼᧈ ᦷᦠ ᦙᦸᧃᧈ ᦑᦸᧃᧈ ᦡᦾ ᦗᦻ ᦃᦸᧇᧈ ᦶᦡᧃ,ᦔᦲᧃ ᦢᦱᧃᧉ ᦷᦃᧂᧈ ᦷᦑᧅ ᦕᦱᧃ ᦺᦓ ᦵᦙᦲᧂ ᦟᦱᧉ ᦵᦈᦲᧃᧈ ᧒ ᦌᦳᧃᧈ ᦞᦼ ᦃᦼᧈ ᦓᧃᧉ ᦢᦱᧃᧉ ᧑, ᦊᦱᧁᧉ ᦵᦣᦲᧃ ᦷᦑᧅ ᦕᦱᧃ ᦷᦈᧆ ᦖᦻ ᦃᧁᧉ ᦂᦱᧃᧉ ᦎᧄᧈ ᦓᦱᧃ ᦗᦸᧂᦰ ᦙᦲ ᦱ᧙᧔ ᦵᦣᦲᧃ ᧖᧘᧗ ᦅᦳᧃ。ᦺᦓ ᦐᦲᧉ,ᦠᦽᧉ ᦟᦳᧄ ᦶᦌᧁ ᦋᦴ ᦔᦲᧃ ᦢᦱᧃᧉ ᦷᦃᧂᧈ ᦷᦠ ᦙᦸᧃᧈ ᦑᦸᧃᧈ ᦡᦾ ᦗᦴ ᦔᦳᧂᧈ ᦌᦳᧃᧈ ᦞᦼ ᦃᦼᧈ,ᦑᧂ ᦢᦱᧃᧉ ᦙᦲ ᧓᧘ ᦵᦣᦲᧃ,ᦱ᧗᧓ ᦅᦳᧃ。

    ᦢᧆ ᦵᦡᧁᧈ,ᦵᦣᦲᧃ ᦺᦖᧈ ᦐᧄ ᦇᦱᧄ  ᦆᧇ ᦂᧃ ᦎᧂᧉ ᦊᦴᧈ ᦷᦠ ᦙᦸᧃᧈ ᦂᦱᧂ ᦡᦾ,ᦑᦱᧂ ᦺᦓ ᦢᦱᧃᧉ ᦎᧂᧉ ᦷᦠ ᦢᦱᧃᧉ ᦔᦸᧂᧈ ᦒᦳᧂᧈᦠᦱᧂ ᦢᦱᧃᧉ,ᦆᦳᧄᧉ ᦵᦣᦲᧃ ᦅᦸᧉ ᦷᦖᧆ ᦺᦖᧈ ᦺᦉ ᦇᦱᧄ ᦋᦴᧈ ᦵᦣᦲᧃ,ᦐᦱᧉ ᦷᦃᧂᧈ ᦎᦳᧃᧉ ᦺᦙᧉ ᦵᦃᧁ ᦞᦹᧃᧈ,ᦡᦸᧅᧈ ᦺᦙᧉ ᦡᦸᧅᧈ ᦙᦸᧃ ᦵᦕᧀ ᦅᦲᧈ,ᦖᦱᧅ ᦉᦳᧄᧉ ᦟᦴᧅ ᦛᦱᧃ ᦈᧇ ᦐᦽᧈ ᦎᦲᧄ ᦂᦸ,ᦷᦟᧆ ᦉᦀᦻ ᦠᦸᧄ ᦀᦻ ᦖᦱᧅ ᦺᦙᧉ ᦖᦱᧅ ᦎᦸᧅᧈ ᦕᦸᧇ ᦶᦕᧈ ᦑᧂ ᦢᦱᧃᧉ ᦷᦃᧂᧈ,ᦠᦱᧅ ᦔᦲᧃ ᦷᦣᧇ ᦣᦱᧂᧈ ᦢᦱᧃᧉ ᦑᦳᧂᧈ ᦺᦖᧈ ᦙᧂᧈ ᦅᦹᧃ ᦶᦑᧉ ᧞。ᦐᦱᧉ ᦢᦱᧃᧉ ᦎᦱ ᦷᦃᧂᧈ ᦔᦸᧈ ᦵᦂᦲᧆᧈ ᦂᦱᧃ ᦵᦔᧃᧈ ᦺᦅ ᦺᦊᧈ ᦓᧅ,ᦗᦸᧈ ᦺᦣᧈ ᦶᦙᧈ ᦓᦱ ᦑᧂ ᦜᦻ ᦞᦱᧈ“ᦣᦲᧆ ᦅᦸᧂ ᦕ ᦵᦑᧆ ᦡᦲ,ᦎᦴ  ᦃᦱᧉ ᦔᦳᧅᧈ ᦖᦱᧅ ᦘᦲᧅ、ᦟᦱᧉ、ᦺᦉᧈ ᦷᦂᧃ ᦕᦹᧂᧉ ᦚᦳᧂ ᦓᦲᦰ ᦁᧃ  ᦂᦱᧃ ᦉᦱᧂᧉ  ᦵᦈᦲᧃᧈ ᦝᦴ ᦷᦔᧅ ᦣᦸᧂᦋᦴᧈ ᦵᦋᦲᧉ,ᦵᦗᦲᧈ ᦙᦲ ᦂᦱᧃᧈ ᦔᦴᧈ ᦵᦖᦲᧃ ᦁᦱᧈ ᦌᦻᧉ ᦃᧁ ᦑᦱᧃᧈ ᦷᦜᧂ ᦜᦻ ᦵᦎᦲᧄᧈ ᦋᦾᧈ ᦷᦔᧅ ᦣᦸᧂ ᦎᦴ ᦃᦱᧉ,ᦃᦸᧉ ᦊᦴᧈ ᦣᦱᧁ ᦂᦲᧃ ᦎᦴ ᦃᦱᧉ ᦈᦲᧂᧈ ᦵᦍᧂᧈ ᦊᦴᧈ ᦵᦍᧂᧈ ᦡᦲ ᦙᦱ。”“ᦍᦲᧃ ᦡᦲ ᦑᦱᧂ、ᦍᦲᧃ ᦡᦲ ᦵᦈᦲᧃᧈ ᦝᦴ、ᦢᧆ ᦵᦡᧁᧈ ᦃᦸᧉ ᦊᦴᧈ ᦣᦱᧁ ᦂᦲᧃ ᦎᦴ ᦃᦱᧉ ᦡᦲ ᦶᦑᧉ,ᦐᦲᧉ ᦵᦙᦲ ᦐᦱᧉ ᦎᦴ ᦃᦱᧉ ᦈᧅ ᦀᦸᧅᧈ ᦵᦵᦣᧂ ᦔᦳᧂᧈ ᦵᦓᦲᧂ ᦺᦔ ᦶᦏᧄ,ᦔᦳᧂᧈ ᦵᦓᦲᧂ ᦶᦩᧃᧉ ᦡᦲ ᦶᦏᧄ,ᦠᦹᧉ ᦃᦸᧉ ᦊᦴᧈ ᦣᦱᧁ ᦂᦲᧃ ᦶᦩᧃᧉ ᦡᦲ ᦶᦏᧄ,ᦅᧄ ᦔᦱᧅ ᦓᦲᦰ ᦔᦲᧃ ᦗᦸᧈ ᦺᦣᧈ ᦶᦙᧈ ᦓᦱ ᦀᦸᧅᧈ ᦔᦱᧅ ᦺᦡᧉ ᦜᦻ ᦵᦜᦲ ᦵᦗᦲᧃᧈ ᦓᧃᧉ ᦃᦸᧉ ᧑ ᧞。”


    (ᦢᦱᧃᧉ ᦔᧃ ᧓ ᦃᦼᧈᦶᦎᧈ ᦷᦔᧅ ᦣᦸᧂ ᦷᦑᧅ ᦕᦱᧃ  ᦵᦔᧃᧈᦡᦲ ᦙᦱ ᦢᧁᧈ ᦃᦱᧆ)

 

  ᦷᦟᧉ ᦈᦹᧈ ᦩᦱᧉ

  ᦷᦟᧉ ᦈᦹᧈ ᦩᦱᧉ ᦣᧇ ᦺᦡᧉ ᦵᦉᧆᧈ ᦌᦱᧂ ᦵᦉ ᧟,ᦑᦱᧃᧈ ᦀᦸᧅᧈ ᦔᦱᧅ ᦞᦱᧈ:“ᦺᦡᧉ ᦎᦱᧂ ᦎᦱ ᦵᦙᦲᧂ ᦣᦻ ᦃᧁᧉ ᦘᦸᧄᧈ ᦘᦸᧄᧉ ᦷᦜᧂ ᦵᦉᧆᧈ ᦌᦱᧂ ᦗᦸᧅ ᦓᦲᦰ,ᦷᦎ ᦃᦱᧉ ᦋᦱᧆ ᦵᦍᦲᧄ ᦷᦖᧅ ᦵᦍᦲᧄ ᦺᦈ ᦑᦰ ᦶᦑᧉ。ᦅᧄ ᦔᦱᧅ ᦌᦲᧉ ᦋᦳᧂ ᦌᦴᧈ ᦈᦲᧈ ᦋᦱᧆ ᦋᦱᧆ ᦀᦳᧃᧈ ᦷᦖᧅ ᦀᦳᧃᧈ ᦺᦈ、ᦉ ᦎᦸᧃᧉ ᦺᦓ ᦺᦈ ᦑᦰ ᦶᦑᧉ,ᦶᦩᧃᧉ ᦖᧃᧉ ᦃᧃ ᦺᦈ ᦊᦳᧄᧈ ᦵᦋᦲᧈ ᧞ ᦠᦳᧃ ᦗᦻ ᦂᦱᧃ ᦉᦱᧂᧉ ᦐᦲᧉ ᦵᦙᦲ ᦐᦱᧉ,ᦗᦸᧅ ᦺᦔ ᧟ ᦷᦎ ᦃᦱᧉ ᦈᧅ ᦋᦳ ᦓᦳᧄ ᦺᦘᧈ ᦢᦱᧃᧉ ᦃ  ᦊᧄ ᦺᦈ ᦣᧄᧈ ᦵᦣᧃ,ᦃᧁᧉ ᦠᦱ ᦣᦴᧉ ᦺᦈ ᦩᦱᧄ ᦘᦸᧄᧉ ᦷᦜᧂᦗᦸᧅ ᦓᦲᦰ ᦃᧁᧉ   ᦵᦟᦲᧅ ᦶᦟᧇ,ᦊᦱᧃᧈ ᦉᦱᧂᧉ ᦃᦸᧉ ᦊᦴᧈ ᦣᦱᧁ ᦂᦲᧃ  ᦢᦱᧃᧉ ᦔᧃ ᧓ ᦎᦼᧈ ᦎᦸᧈ ᦉᦳᧅ ᦵᦉᦲᧃ ᦺᦔ。”

  ᦺᦡᧉ ᦘᦸᧄᧈ ᦂᧇ ᦢᦱᧃᧉ ᦔᧃ ᧓ ᦎᦼᧈ,ᦎᧂᧉ ᦔᦲ ᧒᧐ᦱ᧕ ᦷᦎ ᦠᦱᧂ ᦔᦲ ᦙᦱ,ᦵᦙᦲᧈ ᦉᦲᧂᧈ ᦏᦱᧄ ᦏᦹᧂ ᦵᦟᦲᧂᧈ ᦂᦱᧃ ᦉᧅ ᦅᧄ ᦙᦱ ᦓᧃᧉ,ᦷᦟᧉ ᦎᦼᧈ ᦋᦱᧂ ᦍᧂ ᦈᦹᧈ ᦺᦡᧉ ᦶᦈᧂᧉ ᦏᦲᧈ。“ᦵᦙᦲᧈ ᦓᧃᧉ ᦓᧄᧉ ᦋᦰ ᦣᧂᧉ ᦓᧇ ᦺᦡᧉ ᦓᧇ ᦔᦾᧈ ᦺᦉᧈ ᦺᦓ ᦢᦱᧃᧉ ᦷᦃᧂᧈ、ᦑᦲᧈ ᦊᦴᧈ ᦂᦲᧃ ᦅᦸᧉ ᦋᦰ ᦣᧂᧉ ᦊᦳᧂᧉ ᦊᦱᧁ,ᦺᦘᧈ ᦺᦓ ᦢᦱᧃᧉ ᦢᧁᧈ ᦋᦲᧅ ᦶᦋᧂ ᦂᦱᧃ ᦷᦖᧆ ᦺᦉ,ᦢᧁᧈ ᦶᦎᧆ ᦕᦳᧄ、ᦢᧁᧈ ᦀᦱᧇ ᦓᧄᧉ、ᦢᧁᧈ ᦵᦔᧃᧈ ᦵᦉᦲᧉ ᦕᦱᧉ、ᦂᦲᧃ ᦃᧁᧉ ᦅᦸᧉ ᦀᧁ ᦙᦹ ᦊᦲᧇ ᦂᦲᧃ,ᦑᦲᧈ ᦐᧅ ᦓᦲᦰ,ᦅᦳᧃ ᦑᧂ ᦢᦱᧃᧉ ᦔᦳᧃ ᦗᦻ ᦜᦻ ᦅᦸᧉ ᦢᧁᧈ ᦋᦱᧂᧈ ᦔᦱᧅ ᦅᧄ ᦠᦸᧉ,ᦠᧃ ᦅᦳᧃ ᦢᧁᧈ ᦣᦴᧉ ᦈᧅ ᦅᦸᧉ ᦶᦟᧃᧈ ᦵᦎᧆᧈ,ᦊᦱᧈ ᦏᦱᧉ ᦞᦱᧈ ᦔᦳᧂᧈ ᦵᦓᦲᧂ ᦂᦱᧃ ᦉᦱᧂᧉ ᦀᦲᧅᧈ ᦶᦏᧄ ᦎᦱ ᦵᦌᦲᧁᧈ ᦺᦡᧉ ᦑᦸᦰ。”ᦋᦲᧉ ᦓᧄ ᦺᦘᧈ ᦺᦓ ᦢᦱᧃᧉ ᦢᦱᧃᧉ ᦔᧃ ᧓ ᦎᦼᧈ ᦵᦔᧃᧈ ᦺᦅ ᦟᦱᧂ ᦵᦗᧆ ᦃᦸᧉ ᦊᦴᧈ ᦣᦱᧁ ᦂᦲᧃ ᦊᦱᧄᧉ ᦜᦹᧆᧈ ᦂᧁᧈ,ᦈᧅ ᦺᦡᧉ ᦶᦏᧉ ᦢᦱᧈ ᦶᦏᧄ ᦶᦣᧂ ᧞ ᦀᧁ ᦈᦲᧆ ᦺᦉᧈ ᦺᦈ ᦵᦉ,ᦂᦱᧃ ᦺᦅ ᦡᦲ  ᦓᦾᧉ ᦐᦾᧈ ᦅᦸᧉ ᦺᦡᧉ ᦀᦸᧅᧈ ᦶᦣᧂ ᦷᦜᧂ ᦜᦻ。ᦗᦱ ᦀᧁ ᦩᦱᧄ ᦊᦳᧄᧈ ᦵᦋᦲᧈ“ᦠᦳᧃ ᦑᦱᧂ ᦢᦱᧃᧉ ᦵᦙᦲᧂ ᦵᦉ ᦏᦲ ᦓᦾᧉ ᦓᦲᦰ ᦅᦳᧃ ᧑ ᦅᦸᧉ ᦷᦎᧅ ᦍᦸᧄ ᦢᧁᧈ ᦺᦡᧉ”。

  ᦟᦳᧅ ᦂᦱᧃ ᦌᦽᧈ ᦙᦹ、ᦟᦱᧂᧉ ᦛᦱᧃᧈ、ᦀᦱᧇ ᦓᧄᧉ、ᦵᦔᧃᧈ ᦵᦉᦲᧉ、ᦷᦑᧇ ᦕᦱᧉ、ᦵᦕᧁᧉ ᦵᦣᦲᧃ ᦚᦳᧂ ᦓᦲᦰ ᦙᦱ ᦉᧂᧈ ᦉᦸᧃ,ᦑᦱᧃᧈ ᧞ ᦕᦴᧉ ᦓᧅ ᦂᦱᧃ ᦑᧂ ᦜᦻ ᦢᧁᧈ ᦵᦅᧆ ᦢᧁᧈ ᦋᦱᧉ,ᦉᦸᧃ ᦵᦑᦲᧈ ᦀᦲᧆ ᦵᦑᦲᧈ ᦓᦾᧉ、ᦉᧂᧈ ᦋᦴᧈ ᦗᦸᧅ ᦋᦴᧈ ᦔᦱᧂ,ᦅᦳᧃ ᦢᦱᧃᧉ ᦵᦣᧃ ᦋᦱᧂᧈ ᧟,ᦃᧁ ᦍᧂ ᦢᧁᧈ ᦞᦱᧂ ᦺᦈ ᦵᦑᦲᧈ,ᦃᦹᧃᧉ ᦏᦹᧂ ᦎᧂᧈ ᦓᧂᧈ ᦏᦹᧂ ᦵᦣᦲᧃ ᦺᦔ ᦌᦱᧉ ᦶᦋᧆ ᦡᦸᧄ ᦑᦸᧂᦰ ᦵᦣᦲᧃ ᦺᦐ ᦵᦣᦲᧃ ᦓᧃᧉ,ᦏᦹᧂ ᦢᧆ ᦵᦡᧁᧈ,ᦅᦳᧃ ᦺᦓ ᦢᦱᧃᧉ ᦔᦳᧃ ᦗᦻ ᦜᦻ ᦅᦸᧉ ᦎᦱᧄ ᦷᦎ ᦃᧁᧉ ᦵᦣᧆ ᦂᦱᧃ ᦷᦖᧆ ᦺᦉ ᦋᦴᧈ ᦋᦸᧂᧈ。

  ᦢᧆ ᦵᦡᧁᧈ,ᦐᦱᧉ ᦢᦱᧃᧉ ᦎᦱ ᦷᦃᧂᧈ ᦢᦱᧃᧉ ᦔᧃ ᧓ ᦎᦼᧈ ᦵᦔᧃᧈ ᦺᦖᧈ ᦺᦏᧈ ᦡᦲ ᦙᦱ,ᦵᦗᦲᧈ ᦂᦹᧇ ᦉᧂᧈ ᦉᦸᧃ ᧞ ᦀᦳᧇᧈ ᦞᦱᧈ ᦜᦻ ᦗᦸᧅ,ᦍᧂ ᦎᦱᧄ ᦷᦎ ᦺᦔ ᦵᦎᦲᧄᧈ ᦋᦾᧈ ᦃᧁ ᦑᦱᧃᧈ ᦵᦕᧁᧉ ᦦᦱᧆ,ᦃᦸᧉ ᦊᦴᧈ ᦣᦱᧁ ᦂᦲᧃ ᦺᦘᧈ ᦺᦓ ᦢᦱᧃᧉᦅᦸᧉ ᦵᦍᧂᧈ ᦊᦴᧈ ᦵᦍᧂᧈ ᦡᦲ ᦙᦱ,ᦢᧁᧈ ᦞᦱᧈ ᦺᦕ ᦙᦲ ᦃᦸᧂ ᦂᦲᧃ ᦉᧂ,ᦐᧂᧉ ᦞᦱᧈ ᦔᦲᧃ ᦕᧅ ᦵᦊᦲᧉ ᦓᦱᧂ ᦵᦃᧁ ᦷᦠ ᦙᦸᧃᧈ ᦅᦸᧉ ᦡᦲ,ᦅᦸᧉ ᦋᦱᧂᧈ ᦀᧁ ᦺᦔ ᦶᦢᧂᧈ ᦠᦹᧉ ᦖᦴᧈ ᦅᦳᧂᧈ ᦋᦸᧉ ᦎᦼᧈ ᦺᦓ ᦢᦱᧃᧉ,ᦟᦳᧅ ᦶᦎᧈ ᦵᦙᦲᧈ ᦗᦻ ᦀᦸᧃ ᦓᦲᦰ ᦊᦱᧃᧉ ᦷᦂ ᧞ ᦶᦟᧃᧈ ᦵᦎᧆᧈ,ᦏᦹᧂ ᦢᧆ ᦵᦡᧁᧈ ᦓᦲᦰ ᦍᦲᧃ ᦡᦲ ᦂᧇ ᦖᦴᧈ ᦋᦳᧄ ᦅᦳᧂᧈ ᦋᦸᧉ ᦎᦼᧈ ᦢᧁᧈ ᦌᧄᧉ ᦢᧁᧈ ᦵᦉᧂᧉ,ᦋᦸᧂᧈ ᦂᦱᧃ ᦓᦲᦰ ᦅᦸᧉ ᦔᦲᧃ ᦋᦸᧂᧈ ᦂᦱᧃ ᦷᦟᧉ ᦎᦼᧈ ᦋᦱᧂ ᦔᦲᦰ ᦎᦰ ᦉ ᦙ ᦒᦲ ᦓᧃᧉ ᦋᦸᧂᧈ ᧑ ᧞。

ᦵᦗᦲᧈ ᦥᧃ ᦟᦳᧃ ᦂᧄᧈ ᦟᧂ ᦵᦣᧆ ᦉᦱᧂᧉ ᦗᦸᧈ ᦺᦣᧈ ᦶᦙᧈ ᦓᦱ,ᦎᧂᧉ ᦌᦱᧁᧈ ᦉᦹᧈ “ᦶᦌᧁ ᦙᦲᧉ ᦝᦳᧂᧈ”,ᦅᦹᧆ ᦵᦣᧆ ᦎᦱᧄ ᦘ ᦑᦲᧆ ᦂᦱᧃ ᦵᦣᧆ ᦉᦱᧂᧉ ᦶᦟᧅ ᦋᦲᧉ ᦵᦝᦲᧃᧈ、ᦋᦲᧉ ᦵᦝᦲᧃᧈ ᦶᦟᧅ ᦃᦸᧂ ᦷᦃ,ᦶᦏᧉ ᦢᦱᧈ ᦶᦏᧄ ᦶᦣᧂ ᦗᦸᧈ ᦺᦣᧈ ᦶᦙᧈ ᦓᦱ ᦃᧅ ᦵᦞᧅ ᦂ ᦑᧄ ᦂᦱᧃᦎᦸᧈ ᦺᦔ ᦢᧁᧈ ᦃᦱᧆ。ᦂᦱᧉ ᦋᧄ ᦕᦴᧉ ᦃᧅ ᦖᧃᧈ ᦃᧁᧉ ᦑᦱᧂ、ᦝᦱᧉ ᦋᦱᧂ ᦑᦱᧂ ᦶᦍᧃᧉ ᧞ ᦕᦴᧉ ᦃᧅ ᦵᦞᧅ ᦂ ᦑᧄ ᦂᦱᧃ ᦏᦹᧂ ᦣᧂᧈ ᦙᦲ ᦓᧃᧉ ᦱ᧐ ᦅᦳᧃ ᦔᦻ,ᦑᦲᧈ ᦐᧅ ᦓᦲᦰ ᦂᦱᧉ ᦋᧄ  ᦂᦱᧃ ᦣᧄᧈ ᦵᦣᧃ ᦞᧆ ᦒ ᦓ ᦒᧄ、ᦓᦱ ᦋᦱᧂᧈ ᦉᦱᧂᧉ ᦵᦞᧅ ᦉᦱᧂᧉ ᦂᦱᧃ,ᦈᦳᧇ ᦵᦕᧃᧉ ᦣᦲᧆ ᦢᦱᧃᧉ ᦅᦸᧂ ᦷᦃᧂᧈ ᦺᦓ ᦢᦱᧃᧉ ᦔᧃ ᧓ ᦎᦼᧈ,ᦶᦎᧂᧈ ᦶᦃ ᦶᦙ ᦡᦲ ᦂᦱᧃ ᦉᦱᧂᧉ ᦶᦎᧂᧈ、ᦃᦸᧉ ᦊᦴᧈ ᦣᦱᧁ ᦂᦲᧃ、ᦂᦱᧃ ᦉᧂᧈ ᦉᦸᧃ ᦚᦳᧂ ᦓᦲᦰ ᦜᦻ ᦚᦻᧈ ᦜᦻ ᦗᦻ。

ᦅᦹᧆ ᦵᦣᧆ ᦎᦱᧄ ᦵᦟᦲᧂᧈ ᦵᦔᦲᧂ ᦷᦔ ᦨᦱᧃ“ᦘᦸᧄᧈ ᦔᦲᧃ ᦶᦉᧃ ᦵᦡᧁ ᦂᧃ ᦋᦳ ᦓᦳᧄ、ᦘᦸᧄᧈ ᦔᦲᧃ ᦶᦉᧃ ᦵᦡᧁ ᦂᧃ ᦵᦣᧆ ᦉᦱᧂᧉ、ᦘᦸᧄᧈ ᦔᦲᧃ ᦶᦉᧃ ᦵᦡᧁ ᦂᧃ ᦷᦔ ᦨᦱᧃ、ᦘᦸᧄᧈ ᦔᦲᧃ ᦶᦉᧃ ᦵᦡᧁ ᦂᧃ ᦅᦱᧉ ᦃᦻ”,ᦂᦱᧂ ᦺᦐ ᦀᧁ ᦨᦱᧂ ᦷᦗᧈ ᦶᦉᧃ ᦍᦱ ᦗᦸᧈ ᦺᦣᧈ ᦶᦙᧈ ᦓᦱ ᦺᦔ ᦵᦣᧆ ᦺᦣᧈ ᦵᦣᧆ ᦓᦱ。ᦺᦔ ᦏᦹᧂ ᦺᦣᧈ ᦓᦱ ᦵᦉ ᧟,ᦎᦱᧄ ᦎᦲᧃ ᦎᦱᧄ ᦙᦹ ᦉᦸᧃ ᦅᦳᧃ ᦺᦓ ᦢᦱᧃᧉ ᦔᦳᧅᧈ ᦃᧁᧉ ᦓᦱ,ᦗᦸᧈ ᦺᦣᧈ ᦶᦙᧈ ᦓᦱ ᦂᧄ ᦑᦹ ᦞᦲᧉ ᦌᦱ ᦺᦣᧈ ᦓᦱ ᦵᦉ ᧟,ᦵᦣᧆ ᦣᦸᧆ ᦏᦹᧂ ᦎᦱᧄ ᦷᦎ ᦵᦣᧆ ᦉᦱᧂᧉ。ᦔᦲ ᧑ ᦢᧁᧈ ᦡᦻ,ᦵᦙᦲᧈ ᦔᦲ ᧒᧐ᦱ᧖ ᦷᦎ ᦃᧁᧉ ᦓᦱ ᦢᦱᧃᧉ ᦔᧃ ᧓ ᦎᦼᧈ ᦅᦸᧉ ᦵᦌᦲᧁᧈ ᦺᦡᧉ ᦷᦜᧂ ᦜᦻ ᦑᦰ ᦶᦑᧉ,ᦊᦱᧁᧉ ᦵᦣᦲᧃ ᦺᦓ ᦢᦱᧃᧉ ᦔᦳᧃ ᦗᦻ ᦜᦻ ᦅᦸᧉ ᦔᦲᧃ ᦔᦲ ᦒᦲ ᧑ ᦵᦌᦲᧁᧈ ᦺᦡᧉ ᦖᦱᧅ ᦃᧁᧉ ᦵᦙᧆ ᦓᧄᧉ ᦑᧂ ᦔᦲ ᦅᦸᧉ ᦂᦲᧃ ᦢᧁᧈ ᦌᧁᧉ ᦓᧃᧉ。

  ᧓ ᦵᦡᦲᧃ ᦺᦐ ᦋᦳ ᦓᦳᧄ ᦗᦸᧈ ᦺᦣᧈ ᦶᦙᧈ ᦓᦱ “ᦵᦑᧁ ᦀᦸᧅᧈ ᦺᦔ” ᦗᦸᧅ ᧑,ᦺᦔ ᦕᦸᧈ ᦑᦸᧂᦰ ᦢᦱᧃᧉ ᦘᦱ ᦉᦱ ᦟᦱᧈ ᦆᦴᧈ ᦁᧃ ᦔᦳᧂᧈ ᦵᦓᦲᧂ ᦺᦡᧉ ᦡᦲ、ᦺᦔ ᦕᦸᧈ ᦑᦸᧂᦰ ᦑᦲᧈ ᦵᦟᧂᧉ ᦶᦉᧆ ᦃᦸᧂ ᧞ ᦑᦲᧈ ᦔᦳᧅᧈ ᦃᦸᧂ ᦉᦱᧂᧉ,ᦷᦋ ᦗᦱ ᦑᧂ ᦜᦻ ᦺᦔ ᦶᦀᧁᧈ ᦟᦸᧈ ᦵᦞᧂ ᦵᦙᦲᧂ ᦣᦻ、ᦵᦞᧂ ᦵᦋᧂ ᦣᦳᧂᧈ,ᦊᦴᧈ ᦑᦲᧈ ᦷᦃᧂᧈ ᦍᦳᧃ ᦢᦲᧃ ᦱ᧒ ᦗᧃ ᦓᦱ、ᦎᦸᧈ ᦐᦱᧉ ᦈᦱ ᦵᦟᦲᧅ ᦈᦹᧈ ᦈᧄ ᦂᦱᧃ ᦔᦾᧈ ᦺᦃ、ᦷᦃ ᦷᦜᧂ ᦓᧄᧉ ᦃᦸᧂ ᦆᧄ、ᦎᦸᧈ ᦐᦱᧉ ᦵᦣᦲᧃ ᦵᦋᦲᧁᧈ ᦵᦈᦲᧃᧈ ᦝᦴ,ᦟᦳᧅ ᦜᦻ ᦚᦻᧈ ᦜᦻ ᦗᦻ ᦶᦖᧈ ᦦᦱᧂᧉ ᦉᦻ ᦎᦱ ᦗᦸᧈ ᦺᦣᧈ ᦶᦙᧈ ᦓᦱ,ᦃᧆ ᦶᦃᧂ ᦉᧂᧈ ᦉᦸᧃ ᧞ ᦷᦔᧅ ᦣᦸᧂ ᦑᧂ ᦢᦱᧃᧉ ᦢᧁᧈ ᦃᦱᧆ,ᦗᦸᧈ ᦺᦣᧈ ᦶᦙᧈ ᦓᦱ ᦉᦹᧇᧈ ᦠᦱ ᦗᦻ ᦓᦸᧅ ᦜᦻ ᦙᦱ,ᦩᦱᧄ ᦣᦴᧉ ᦩᦱᧄ ᦠᧃ ᦅᦸᧉ ᦜᦻ ᦙᦱ。

ᦞᦱᧈ ᦏᦹᧂ ᦂᦱᧃ ᦷᦟᧉ ᦎᦼᧈ ᦋᦱᧂ ᦁᧃ ᦢᧁᧈ ᦋᦱᧂᧈ ᦟᦹᧄ ᦓᧃᧉ,ᦅᦸᧉ ᦔᦲᧃ ᦃᧁ ᦑᦱᧃᧈ ᦵᦎᦲᧄᧈ ᦋᦾᧈ ᦅᦳᧃ ᦺᦓ ᦢᦱᧃᧉ ᦺᦅ ᦡᦲ ᦂᦱᧃ ᦑᦸᧅ ᦶᦟᧅ,ᦍᦸᧃᧉ ᦵᦗᦲᧈ ᦩᦱᧄ ᦅᦹᧆ ᦅᦳᧃ ᦺᦓ ᦢᦱᧃᧉ ᦷᦎᧅ ᦟᦳᧃ,ᦂᦱᧃ ᦓᦾᧉ ᦀᦲᧆ ᧑ ᦅᦸᧉ ᦵᦂᧁ ᦔᦲᧃ ᦺᦊᧈ ᦷᦜᧂ,ᦷᦗᧇ ᦍᦱ ᦈᦸᧉ ᧒ ᦷᦕ ᦶᦙ ᦂᦲᧃ ᦜᧁᧉ ᧞ ᦕᦲᧆ ᦶᦏᧂ ᦂᧃ,ᦅᦳᧂᧈ ᦋᦸᧉ ᦎᦼᧈ ᦊᦴᧈ ᦅᦸᧉ ᦺᦔ ᦀᦳᧇᧈ ᦡᦲ ᦵᦉ ᦵᦂᧂᧉ,ᦂᦱᧃ ᦕᦲᧆ ᦵᦏᧂ ᦂᧃ ᦅᦸᧉ ᦅᦻ ᦵᦋᧉ  ᦺᦡᧉ ᦇᦻᧈ ᧞。

ᦎᦱᧄ ᦵᦞ ᦟᦱ ᦶᦈᧅᧈ ᦛᦻ ᦓᦲᦰ,ᦷᦟᧉ ᦈᦹᧈ ᦩᦱᧉ ᦒᦱᧄ ᦂᦱᧃ ᦊᦴᧈ ᦺᦓ ᦢᦱᧃᧉ ᦅᦸᧉ ᦏᦹᧂ ᦵᦞ ᦟᦱ ᧟,ᦑᧁᧈ ᦞᦱᧈ,ᦑᦱᧃᧈ ᦍᧂ ᦢᧁᧈ ᦺᦆᧈ ᦗᦻᧈ ᦵᦑᦲᧈ。“᧑ ᦓᦲᦰ ᦔᦲᧃ ᦶᦎᧈ ᦢᧁᧈ ᦞᦱᧂ ᦺᦈ,ᦵᦅᦲᧂ ᦺᦈ ᦞᦱᧈ ᦅᦳᧂᧈ ᦋᦸᧉ ᦎᦼᧈ ᦗᦸᧅ ᦺᦔ ᦵᦉ ᧟ ᦗᦸᧈ ᦺᦣᧈ ᦶᦙᧈ ᦓᦱ ᦢᧁᧈ ᦋᦱᧂᧈ ᦷᦎ ᦵᦡᧁ ᦵᦣᧆ ᦉᦱᧂᧉ; ᧒ ᦓᦲᦰ ᦔᦲᧃ ᦺᦡᧉ ᦵᦁᦲ ᦅᧄ ᦗᦸᧈ ᦺᦣᧈ ᦶᦙᧈ ᦓᦱ ᦺᦞᧉ ᧒ ᦕ ᦂᦱᧃ ᦓᦲᦰ ᦍᧂ ᦢᧁᧈ ᦵᦏᦹᧃᧉ ᦏᦸᧂ ᦵᦑᦲᧈ,ᦂᦱᧃ ᦒᦲ ᧑ ᦓᦲᦰ ᦔᦲᧃ ᦶᦎᧂᧈ ᦶᦙ ᦜᦸᧅ ᦓᦱ ᦓᦾᧉ ᦔᦲᧃ ᦜᦸᧅ ᦓᦱ ᦷᦜᧂ、ᦂᦱᧃ ᦒᦲ ᧒ ᦓᦲᦰ ᦶᦎᧂᧈ ᦶᦙ ᦠᦳᧃ ᦑᦱᧂ ᦺᦔ ᦺᦣᧈ ᦓᦱ ᦜᧅ ᦔᦻ ᧕ ᦣᦾᧉ ᦙᦲ,ᦂᦱᧃ ᧒ ᦋᦸᧂᧈ ᦓᦲᦰ ᦵᦣᧆ ᦵᦏᦲᧃᧉ ᦵᦉ ᧟,ᦷᦎ ᦃᦱᧉ ᦈᦲᧂᧈ ᦞᦱᧂ ᦺᦈ 。”

ᦷᦟᧉ ᦎᦼᧈ ᦋᦱᧂ ᦔᦲᧃ ᦕᦴᧉ ᦅᦳᧃ ᦷᦠ ᦺᦈ ᦡᦲ,ᦑᦱᧃᧈ ᦅᦹᧆ ᦏᦹᧂᦅᧄ ᦉᦳᧃᧉ ᦅᧁᧉ ᦂᦳᧂᧈ ᦌᦱᧃ ᦑᦱᧂ,ᦅᦸᧉ ᦔᦲᧃ ᦑᦸᧆ ᦈᦲᧆ ᦑᦸᧆ ᦺᦈ ᦒᦱᧄ ᦂᦱᧃ ᦠᦹᧉ ᦺᦘᧈ ᦵᦙᦲᧂ。ᦢᧁᧈ ᦞᦱᧈ ᦊᦴᧈ ᦑᦲᧈ ᦺᦐ ᦅᦸᧉ ᦈᧅ ᦺᦡᧉ ᦀᦸᧅᧈ ᦶᦣᧂ ᦵᦣᧆ ᦉᦱᧂᧉ,ᦶᦍᧂ ᦷᦎ ᦉᦱᧃ ᦠᧇ,ᦷᦋ ᦗᦱ ᦋᦳᧄ ᦜᦻ ᦵᦣᧆ ᦉᦱᧂᧉ,ᦀᦸᧅᧈ ᦶᦣᧂ ᦵᦎᦲᧄᧈ ᦋᦾᧈ ᦋᦳᧄ ᦜᦻ ᦔᦱᧃᧈ ᦔᦸᧂ ᦂᦱᧃ、ᦵᦣᧆ ᦂᦱᧃ ᦶᦆᧄᧉ、ᦵᦣᧆ ᦂᦱᧃ ᦡᦲ,ᦺᦓ ᦺᦈ ᦑᦱᧃᧈ  ᦅᦹᧆ ᦡᧂᧈ ᦓᦲᦰ,ᦅᦸᧉ ᦵᦣᧆ ᦵᦖᦲᧃ ᦡᧂᧈ ᦓᦲᦰ ᧟。


  ᧘ ᦔᦲ ᦗᦻ ᦀᦸᧃ,ᦋᦸᧂᧈ ᦂᦱᧃ ᦃᧆ ᦎᦸᧈ ᦂᦱᧃ ᦷᦑᧅ ᦕᦱᧃ ᦁᧃ ᦊᦴᧈ ᦺᦓ ᦵᦐᦲ ᦷᦟᧅ ᦷᦆᧄᧈ ᦵᦔᦲᧂ ᦺᦊᧈ ᦵᦜᦲ ᦵᦗᦲᧃᧈ ᦓᧃᧉ,ᦊᦴᧈ ᦺᦓ ᦶᦕᧃᧈ ᦡᦲᧃ ᦕ ᦵᦑᧆ ᦷᦋᧂᧈ ᦷᦅᧉ ᦺᦡᧉ ᦺᦋ ᦍ ᦋ ᦓ ᦕᦱᧇ。᧘ ᦔᦲ ᦙᦱ,ᦋᦸᧂᧈ ᦂᦱᧃ ᦷᦔᧅ ᦣᦸᧂ ᦷᦑᧅ ᦕᦱᧃ ᦗᦸᧅ ᦓᦲᦰ ᦅᦸᧉ ᦵᦏᦲᧃᧉ ᦏᦸᧂ ᦷᦥ ᦟ ᦷᦙᧃ ᦵᦠᦲᧃᧉ,ᦏᦹᧂ ᦢᧆ ᦵᦡᧁᧈ,ᦕ ᦵᦑᧆ ᦷᦋᧂᧈ ᦷᦅᧉ ᦙᦲ ᦵᦉᧃᧉ ᦅᦳᧃ ᦷᦂᧆᧈ ᧑ ᦺᦡᧉ ᦗᦳᧃᧉ ᦷᦙᧆ ᦷᦑᧅ ᦕᦱᧃ,ᦕ ᦵᦑᧆ ᦷᦋᧂᧈ ᦷᦅᧉ ᦷᦍᧅ ᦋᧁᧉ ᦱ᧐ ᦔᦲ ᦕ ᦷᦂᧆ ᦏᦹᧂ ᦎᦱ ᦖᦻ ᦷᦙᧆ ᦈᦱᧅ ᦷᦑᧅ ᦕᦱᧃ,ᦙᦲ ᦵᦉᧃᧉ ᦅᦳᧃ ᦱ᧔ ᦷᦂᧆᧈ ᦈᧅ ᦍᦻᧉ ᦃᧁᧉ ᦃᦸᧉ ᦊᦴᧈ ᦣᦱᧁ ᦂᦲᧃ ᦵᦉ ᦏᦲ ᦓᦾᧉ ᦕᦸᧇ ᦈᦸᧆᧈ,ᦵᦉ ᦞᦱᧈ ᦺᦓ ᦷᦟᧅ ᦙᦲ ᦋᦸᧂᧈ ᦂᦱᧃ ᦀ ᦉ ᦶᦈᧃ,ᦊᦱᧃᧈ ᦉᦱᧂᧉ ᦂᦱᧃ ᦀ ᦉ ᦶᦈᧃ ᦀᦸᧅᧈ ᦙᦱ ᦓᦲᦰ ᦔᦲᧃ ᦕᦴᧉ ᦷᦔᧅ ᦣᦸᧂ ᦷᦑᧅ ᦕᦱᧃ ᦕ ᦵᦑᧆ ᦷᦋᧂᧈ ᦷᦅᧉ ᦖᦹᧃᧉ ᦅᦳᧃ ᦶᦉᧃ ᦅᦳᧃ ᦓᧃᧉ ᧞。( ᦠᦱ ᦣᦸᧄ ᦐᧂᧉ ᦵᦙᦲᧂ ᦟᦱᧉ ᦝᦱᧉ ᦔᦴᧈ、ᦵᦙᦲᧂ ᦣᦻ ᦝᦱᧉ ᦔᦴᧈ )