new tai | old tai | 中文

ᦉᧇ ᦵᦵᦂᧉ ᦐᧂ ᦉᦹ ᦵᦔᦲᧅ ᦉᦱ ᦂᦱᧃ ᦅᦹᧆ ᦔᦸᧂ ᦵᦈᦲᧃᧈ ᦝᦴ

作者: 时间:2019-03-05 14:57:14

ᦔᦲ        ᧒᧐ᦱ᧙       ᦷᦎ

  ᦂᦱᧃᧉ ᦉᦱᧂᧉ ᦷᦙᧃ ᦺᦓ ᦵᦙᦲᧂ ᦀᦲᧅᧈ ᦶᦏᧄ ᦣᦾᧉ ᦔᦳᧃ ᦺᦐ ᧙ ᦔᦳᧃ ᦡᦱᧁᧉ ᦓᦲᦰ,ᦂᦱᧃᧉ ᦷᦎᧅ ᦑᦹᧃ ᦂᦱᧃ ᦉᦱᧂᧉ ᦖᧃᧉ ᦶᦂᧃᧈ ᦂᦱ ᦟᦰ ᦢᦱᧃᧉ ᦵᦙᦲᧂ ᦀᦲᧅᧈ ᦶᦏᧄ ᦜᦻ ᦙᦱ ᦣᦾᧉ ᦔᦳᧃ ᦺᦐ ᦱ᧕ ᦔᦳᧃ ᦡᦱᧁᧉ ᦓᦲᦰ,ᦂᦱᧃᧉ  ᦂᦱ ᦟᦰ ᦢᦱᧃᧉ ᦵᦙᦲᧂ ᦌᦹᧉ ᦵᦵᦟᧅ ᦀᦲᧅᧈ ᦶᦏᧄ ᦜᦻ ᦙᦱ ᦣᦾᧉ ᦔᦳᧃ ᦺᦐ ᦱᦱ ᦔᦳᧃ,ᦂᦱᧃᧉ ᦅᦱᧉ ᦃᦻ ᦃᦸᧂ ᦷᦆ ᦃᧁᧉ ᦀᦸᧅᧈ ᦷᦉᧇ ᦑᦱᧂ ᦀᦲᧅᧈ ᦶᦏᧄ ᦜᦻ ᦙᦱ ᦣᦾᧉ ᦔᦳᧃ ᦺᦐ ᦱ᧕ ᦔᦳᧃ,ᦂᦱᧃᧉ ᦅᦴ ᦵᦵᦍᧂ ᦷᦎᧅ ᦉᦸᧃᧈ ᦎᦱ ᦵᦌᦲᧁᧈ ᦺᦡᧉ ᦋᦳᧄ ᦜᦻ ᦎᦱᧄ ᦷᦟᧂ ᦵᦙᦲᧂ ᦀᦲᧅᧈ ᦶᦏᧄ ᦣᦾᧉ ᦔᦳᧃ ᦺᦐ ᧕ ᦔᦳᧃ ᦡᦱᧁᧉ ᦓᦲᦰ,ᦎᦱ ᦵᦌᦲᧁᧈ ᦺᦡᧉ ᦎᦱᧄ ᦒᧄᦙ ᦤᦱ ᦵᦵᦠᧂᧈ ᦺᦘᧈ  ᦺᦓ ᦵᦞᧂ ᧞ ᦗᦸᧈ ᦺᦣᧈ ᦵᦵᦙᧈ ᦓᦱ ᦗᦻ ᦢᦱᧃᧉ ᦑᦳᧂᧈ  ᦀᦲᧅᧈ ᦶᦏᧄ ᦜᦻ ᦙᦱ ᦣᦾᧉ ᦔᦳᧃ ᦺᦐ ᧙ ᦔᦳᧃ ᦡᦱᧁᧉ ᦓᦲᦰ,ᦃᧃ ᦅᦱᧈ ᦂᦱᧃᧉ ᦷᦈᧅ ᦈᦻᧈ ᦺᦘᧈ ᦺᦓ ᦵᦞᧂ ᦕᧃᧉ ᦶᦣᧆ ᦊᦴᧈ ᦺᦓ ᦣᦾᧉ ᦔᦳᧃ ᦺᦐ ᧓ ᦔᦳᧃ,ᦂᦱᧃ ᦣᧅ ᦉᦱ ᦷᦆᧄᧈ ᦊᦴᧈ ᦂᦲᧃ ᧞ ᦕᦸᧃᧈ ᦓᦾᧉ ᦂᦱᧃ ᦶᦍᧂᧈ ᦉᦳᧄ ᦵᦙᧃᧉ ᦷᦙᧇ ᦂᦱᧃ ᦎᦱ ᦖᦻ ᦂᦱᧃᦒᦱᧄ ᦓᦱ ᦑᦲ ᦏᦱᧃᧉ ᦵᦌᦲᧃ ᦵᦵᦈᧅᧈ ᦛᦻ ᦓᧃᧉ。

 ᦂᦱᧃ ᦒᦱᧄ ᦐᧅ  ᦔᦲ ᧒᧐ᦱ᧙ ᦷᦎ

1 . ᦺᦋ ᦍ ᦋ ᦓ ᦕᦱᧇ ᦶᦗᧉ“ᦂᦱᧃ  ᦊᦱᧇ ᦍᦱᧅ ᧓ ᦕ ᦂᦱᧃ”,ᦁᦱ ᦙ ᦃᦱᧄᧈ  ᦓᧄᧉ ᦶᦆᧄᧉ ᦓᧄᧉ ᦡᦲ  ᦉᦱᧂᧉ ᦔᦲᧃ ᦢᦱᧃᧉ ᦵᦙᦲᧂ ᦵᦉ ᦏᦲ ᦓᦾᧉ ᦕᦸᧇ ᦈᦸᧆᧈ

ᦵᦣᧆ  ᦂᦱᧃ ᦝᦱᧂᧉ ᦑᦰ ᦉᧇ ᦵᦵᦂᧉᦂᦱᧃ ᦵᦃᧆ ᦋᦱ ᦺᦊᧈ ᦐᧅ ᦠᦹᧉ ᦡᦲ ; ᦖᧃᧉ ᦞᦹᧃ ᦺᦅ ᦡᦲ ᦂᦱᧃ ᦵᦃᧆ ᦋᦱᦕᦴᧉ ᦀᦱᧆ ᦍᦱ ᦷᦣᧂ  ᦵᦍ ᦇᦹᧃ ᦃᧁᧉ ᦶᦏᧄ ᦢᦱᧆ ᧑ ;  ᦕᧃᧉ ᦵᦵᦣᧆ ᦂᦱᧃ ᦷᦔ ᦨᦱᧃ ᦂᦱᧃᧉ ᦂᦴᧉ ᦵᦈᦲᧃᧈ ᦝᦴ ᧞ ᦂᦱᧃ ᦷᦔ ᦨᦱᧃ ᦂᦱᧃ ᦷᦎᧅ ᦉᦸᧃᧈ ᦅᧆ ᦆᦲᧂᧈ ; ᦃᧆ ᦵᦵᦃᧂ ᦂᧄ ᦑᦹ ᦖᧃᧉ ᦢᧁᧈ ᦔᦸᧈ ᦵᦂᦲᧆᧈ ᦂᦱᧃ ᦵᦃᧆ ᦋᦱ ᦺᦓ ᦷᦆᧄᧈ  ᦵᦍ ᦇᦹᧃ ᦓᧇ ᦵᦉᧂᧉ。ᦍᧇ ᦖᧃᧉ ᦂᦱᧃ ᦷᦋᧂᧈ ᦍᦱᧂᧈ ᦕᧆ ᦺᦩᧈ ᦌᦱᧉ ᦵᦵᦋᧆ ᦂᦱᧃ ᦷᦔᧅ ᦣᦸᧂ ᦷᦑᧅ ᦕᦱᧃ ᧞ ᦂᦱᧃᦅᦴ ᦵᦵᦍᧂ ᦔᦸᧈ ᦠᧃ  ᦃᦸᧉ ᦂᦱᧃ ᦵᦵᦎᧂᧈ ᦵᦵᦙ  ᦷᦎᧅ ᦑᦲᧈ ᦔᦲᧃ ᦡᦲ。

2 .  ᦃᧆ ᦶᦃᧂ ᦢᧁᧈ ᦵᦝᦲᧂᧈ ᦺᦛ ᦵᦣᧆ  ᦂᦱᧃ ᦵᦔᧃᧈ ᦺᦅ ᦂᦱᧃ ᦅᦳᧂᧈ ᦠᦹᧉ ᦂᦱᧃ ᦎᦸᧂᧉ ᦷᦜᧈ ᦃᧁᧉ ᦵᦟᦲᧅ ᦵᦵᦟᧇ ᦠᦹᧉ ᦡᦲ,   ᦀᦸᧅᧈ ᦶᦣᧂ ᦀᦲᧅᧈ ᦶᦏᧄ ᦂᧄᧈ ᦟᧂ ᦔᦳᧂᧈ ᦵᦓᦲᧂ  ᦺᦖᧈ

  ᦅᦹᧆ ᦵᦣᧆ ᦎᦱᧄ ᦟᦱ ᦋ ᦅᦸᧂ ᦂᦱᧃ ᦕᦸᧃᧈ ᦓᦾᧉ ᦵᦂᧇ ᦃᦸᧃᧈ ᦠᦹᧉ ᦡᦲ, ᦡᦹᧅ ᦌᧁ ᦂᦱᧃ ᦟᦱ ᦋ ᦂᦱᧃ  ᦷᦣᧂ ᦌᦲᧈ ᦶᦓᧉ ᦏᦱᧃᧉ ᦵᦋᦲᧁᧈ ᦵᦂᧇ ᦇᦹᧃ ᦕᦸᧇ ᦈᦸᧆᧈ,ᦵᦗᦲᧈ ᦷᦣᧂ ᦌᦲᧈ ᦶᦓᧉ ᦕᦸᧃᧈᦓᦾᧉ ᦇᦹᧃ ᦑᦹᧃ ᧓᧐ ᦷᦂᧆᧈ ᦶᦍᧃᧉ; ᦃᧆ ᦶᦃᧂ ᦅᦹᧆᦵᦣᧆ ᦎᦱᧄ ᦓᦱ ᦑᦲ ᦷᦋᧂᧈ ᦍᦱᧂᧈ ᧞ ᦵᦌᦲᧃ ᦞᦼ、ᦵᦌᦲᧃ ᦵᦈᦲᧃᧈ ᦝᦴ ᦎᦲᧆ ᦡᦽᧉ ᦵᦵᦈᧅᧈ ᦛᦻ ᦅᧄᧉ ᦵᦎᦲᧄᧈ ᦞ ᦏᦳ ᦟᦸᧅ ᦆᦲᧃᧈᦔᦳᧂᧈ ᦵᦓᦲᧂ ᦷᦎᧅ ᦑᦲᧈ ᦔᦲᧃ ᦡᦲ ,ᦖᧃᧉ ᦞᦹᧃ ᦶᦕᧈ ᦵᦓᦲᧂ ᦂᦱᧃ“ᦔᦲ ᦷᦍᧅ ᦉᦳᧂ ᦷᦆᧄᧈ ᦑᦲᧈ ᦅᦱᧉ ᦃᦻ”,ᦕ ᦷᦂᧆ ᦏᦹᧂ ᦞ ᦏᦳ ᦺᦘᧈ ᦅᦱᧉ ᦃᦻ ᦀᦲᧅᧈ ᦶᦏᧄ ᦃᧃ ᦅᦱᧈ ᦣᦾᧉ ᦔᦳᧃ ᦺᦐ ᦱ᧐ ᦔᦳᧃ。

3  . ᦔᧆ ᦀᧁ ᦂᧄᧈ ᦟᧂ ᦑᦳᧃᧉ ᦍᦴᧉ ᦉᦱᧂᧉ ᦶᦎᧂᧈ ᦃᦸᧂ ᦉᦱᧂᧉ ᦵᦑᦲᧅ ᦗᦹᧃ  , ᦶᦖᧈ ᦦᦱᧂᧉ ᦷᦆᧄᧈ ᦵᦔᦲᧂ  ᦷᦎᧅ ᦑᦹᧃ ᦓᧇ ᦵᦉᧂᧉᦠᦹᧉ ᦡᦲ

 ᦶᦏᧄ ᦶᦃᧂ ᦶᦣᧂ ᧞ ᦵᦔᧃᧈ ᦺᦅ ᦂᦱᧃ ᦷᦎᧅ ᦑᦹᧃ ᦃᦸᧂ ᦉᦱᧂᧉ ᦖᧃᧉ ᦶᦂᧃᧈ,ᦶᦏᧄ ᦺᦞ ᦂᦱᧃ “᧕ ᦕ ᦂᦱᧃ” ᧞ ᦀᧁ ᦂᦱᧃ ᦉᦱᧂᧉ ᦔᦲᧃ ᦂᦱᧃ ᦐᧅ ᦙᦱᦉᦱᧂᧉ ᦶᦎᧂᧈ,ᦀᦸᧅᧈ ᦵᦵᦣᧂ ᦷᦎᧅ ᦑᦹᧃ ᦂᦱᧃᧉ ᦋᦸᧂᧈ ᦂᦱᧃ ᦖᧃᧉ ᦶᦂᧃᧈ ᦀᦲᧅᧈ ᦶᦏᧄ᧞ ᦂᦱᧃ ᦵᦵᦎᧂᧈ ᦵᦵᦙ ᦶᦉᧃ ᦏᦱᧃ ᦖᦻ ᦃᧁᧉ ᦂᦱᧃᧉ ᦺᦓ ᦵᦌᦲᧃ ᦀᦸᧃ ᦐᦱᧉ ᦵᦗᦲᧃᧈ。 ᦶᦏᧄ ᦶᦃᧂ ᦶᦣᧂ ᦂᧄᧈ ᦟᧂ ᦶᦎᧆ ᦶᦎᧂᧈ ᦂᦱᧃ ᦷᦓ ᦍᦱᧆ ᧟ ᦆᦹᧃ ᦢᧁᧈ ᦅᦳᧂ  ᦓᧄᧉ ᦡᦲᧃ ᧞ ᦓᧄᧉ ᦡᦲᧃ ᦔᧁᧈ ᦛᦱᧂᧈ ᦺᦞᧉ ᦓᧃᧉ ᦃᧁᧉ ᦵᦵᦏᧄ ᦢᦱᧆ ᧑, ᦀᦸᧅᧈ ᦵᦵᦣᧂ ᦶᦎᧆ ᦶᦎᧂᧈ ᦖᦹᧃᧈ ᦙᦴ ᦡᦱᧁᧉ ᦓᦲᦰ,ᦃ ᦊᧄ ᦺᦈ ᦵᦣᧆ  ᦂᦱᧃ ᦺᦊᧈ ᦐᧅ ᦂᦱᧃ ᦵᦵᦈᧅᧈ ᦛᦻ ᦺᦘᧈ ᦆᦻᧉ ᦢᦱᧃᧉ ᦆᦻᧉ ᦷᦃᧂᧈ ᦠᦹᧉ ᦡᦲ。

4.  ᦶᦏᧄ ᦺᦞ ᦶᦖᧈ ᦦᦱᧂᧉ ᦂᦱᧉ ᦋᧄ  “ᦂᦱᧃ  ᦉᦱᧂᧉ ᦞ ᦏᦳ ᦉᦳᧄ ᦘᦱᧇ ᦺᦊᧈ ᧖ ᦋᦸᧂᧈ”, ᦶᦏᧄ ᦶᦃᧂ ᦶᦣᧂ ᦂᧄᧈ ᦟᧂ ᦞ ᦏᦳ ᦢᧁᧈ ᦃᦱᧆ

  ᦀᧁ ᦂᦱᧃ ᦓᧄᧉ ᦵᦵᦆᧄᧉ ᦓᧄᧉ ᦡᦲ ᦉᦳᧄ ᦏᦳᧅᧈ ᦩᦱᧄ ᦛᧂᦔᦳᧂᧈ ᦵᦓᦲᧂ,ᦑᦲᧈ ᦐᧅ ᦓᦲᦰ  ᦂᦱᧃ ᦔᦳᧂᧈ ᦵᦓᦲᧂ ᦞ ᦏᦳ ,ᦅᦹᧆ ᦵᦣᧆ ᦎᦱᧄ ᦂᦱᧃ ᦵᦔᧃᧈ ᦺᦅ ᦞᦲᧉ ᦌᦱ ᧒᧕ ᦋᦸᧂᧈ,ᦵᦙᧃᧉ ᦷᦙᧇ ᦂᦱᧃ ᦷᦎᧅ ᦑᦹᧃ ᦱ᧖ ᦷᦂᧆᧈ ᦶᦍᧃᧉ,ᦑᦳᧃᧉ ᦍᦴᧉ ᦂᦱᧃ ᦵᦞᧅ ᦈᧅ ᦶᦏᧄ ᦺᦞ ᦔᦳᧂᧈ ᦵᦓᦲᧂ、 ᦎᦱᧄ ᦓᧄᧉ ᦶᦩᧄᧉ ᦓᧄᧉ ᦡᦲ ᦔᦳᧂᧈ ᦵᦓᦲᧂ, ᦷᦣᧂ ᦂᦱᧃ ᦵᦞᧅ ᦈᧅ ᦷᦆᧄᧈ ᦵᦔᦲᧂ ᦷᦜᧂ ᦀᦲᧅᧈ ᦶᦏᧄ ᦃᧃ ᦅᦱᧈ  ᦣᦾᧉ ᦔᦳᧃ ᦺᦐ ᧙ ᦔᦳᧃ,ᦌᦲᧈ ᦶᦓᧉ ᦷᦣᧂ ᦵᦞᧅ ᦈᧅ  ᦔᦲᧃ ᦷᦆᧄᧈ ᦔᦲᧃ ᦵᦔᦲᧂ ᦺᦊᧈ ᦃᦹᧃᧉ ᦵᦐᦲ ᦓᧃᧉ ᦀᦲᧅᧈ ᦶᦏᧄ ᦺᦖᧈ ᦱ᧐ ᦵᦣᦲᧃ ᦡᦱᧁᧉ ᦓᦲᦰ。

 5.ᦅᦹᧆ ᦵᦣᧆ ᦎᦱᧄ ᦓᦱ ᦑᦲ“ᦙᧂᧈ ᦅᦹᧃ ᦢᦱᧃᧉ ᦑᦳᧂᧈ”,  ᦀᦸᧅᧈ ᦶᦣᧂ ᦑᦳᧃᧉ ᦍᦴᧉ ᦷᦆᧄᧈ ᦺᦓ ᦵᦞᧂ ᧞ ᦢᦱᧃᧉ ᦑᦳᧂᧈ ᦉᦳᧄ ᦏᦳᧅᧈ ᦂᧃ ᦔᦳᧂᧈ ᦵᦓᦲᧂ

ᦎᧂᧉ ᦅᦹᧆ ᦵᦣᧆ ᦎᦱᧄ ᦵᦔᦲᧂ ᦵᦵᦍᧂ“ᦢᦱᧃᧉ ᦷᦃᧂ ᦡᦲ ᧕ ᦕ ᦂᦱᧃ ”᧔᧐ ᦢᦱᧃᧉ, ᦔᦲᧃ ᦓᦱ ᦑᦲ ᦵᦔᦲᧂ ᦶᦍᧂ ᦓᧄ ᦗᦱ“ᦙᧂᧈ ᦅᦹᧃ ᦢᦱᧃᧉ ᦑᦳᧂᧈ ”ᦃᧁᧉ ᦵᦟᦲᧅ ᦶᦟᧇ,ᦑᦳᧃᧉ ᦍᦴᧉ ᦂᦻ ᦔᦲᧃ ᦂᦱᧃ ᦺᦣᧈ ᦓᦱ ᧞ ᦂᦱᧃ ᦵᦞᧅ ᦈᧅ ᦑᦳᧃᧉ ᦍᦴᧉ ᦂᧃ、ᦺᦓ ᦵᦞᧂ ᧞ ᦢᦱᧃᧉ ᦑᦳᧂᧈ ᦷᦜᧇ ᦗᦴ ᦂᧃ、ᦈᧇ ᦃᦳᧂᧈ ᦟᦳᧂᧈ ᦂᧃ ᦑᧂ ᦂᦳᧄ、ᦘᦸᧄᧈ ᦂᧃ ᦙᧂᧈ ᦙᦳᧃ ᦑᦳᧃᧈ ᦑᧁᧉ ᦁᧃ ᦔᦲᧃ ᦵᦵᦢᧇᧈ ᦵᦟᦲᧂᧈ ᦺᦖᧈ ᦺᦓ ᦵᦞᧂ ᦢᦱᧃᧉ ᦑᦳᧂᧈ ᦵᦵᦉᧃ ᦑᦰ ᦂᧇ ᦂᧃ ᦓᧃᧉ,ᦠᦹᧉ ᦺᦘᧈ ᦋᦳᧄ ᦜᦻ ᦋᦴᧈ ᦘᦱ ᦉᦱ ᦘᦸᧄᧈ ᦂᧃ ᦉ ᦵᦛᧀ ᦃᦸᧉ ᦊᦴᧈ ᦣᦱᧁ ᦂᦲᧃ ᦷᦋᧈ ᦉᧅ ᦃᦱᧆ ᦺᦖᧈ ᦉ ᦜ ᦀᦱᧆ ᦐᧄ ᦇᦱᧄ。ᦈᧅ ᦵᦔᧃᧈ ᦺᦅ ᦂᦱᧃ ᦅᦳᧂ ᦠᦹᧈ ᧞ ᦂᦱᧃ ᦎᦸᧂᧉ ᦷᦜᧈ  ᦂᦱᧃ ᦺᦣᧈ ᦓᦱ ᦃᧁᧉ ᦵᦵᦏᧄ ᦢᦱᧆ ᧑。ᦀᧁ ᦘ ᦑᦲᧆ ᦣᦲᧆ ᦵᦔᦲᧂ ᦂᦸᧃᧈ ᦀᦸᧃ ᦕᦴᧉ ᦅᧁᧉ ᦠᦱᧇ ᦒᦱᧄ  ᦂᦱᧃ ᦖᦱᧅ ᦃᧁᧉ ᦵᦙᧆ ᦓᧄᧉ ᦔᦸᧆᧈ ᦺᦘ ᦷᦎᧅ ᦑᦲᧈ ᦔᦲᧃ ᦡᦲ ,ᦵᦙᧃᧉ ᦷᦙᧇ ᦂᦱᧃ ᦒᦱᧄ  ᦷᦆᧄᧈ ᦔᦳᧅᧈ ᦉᦱᧂᧉ ᦖᦱᧅ ᦃᧁᧉ ᦵᦙᧆ ᦓᧄᧉ ᧞ ᦑᦲᧈ ᦐᧅ ᦣᧅ ᦉᦱ ᦂᦱᧃ ᦵᦣᧆ ᦉᦱᧂᧉ,ᦊᦱᧃᧈ ᦉᦱᧂᧉ ᦏ ᦜᦱ ᦃᧁᧉ ᦡᦲ ᦱ᧒ ᦗᧃ ᦓᦱ。

  6.ᦊᦴᧈ ᦑᦲᧈ ᦎᧂᧉ ᦃᧁᧉ ᦵᦣᧆ ᦺᦖᧈ ᦠᧃᧉ ᦶᦖᧈ ᦦᦱᧂᧉ ᦧᦱᧂᧈ ᦺᦧ ᦗᦻ ᦃᦸᧇᧈ ᦑᦱᧂᧉ ᦵᦵᦑ ᦆᧄ   , ᦀᦸᧅᧈ ᦶᦣᧂ ᦶᦖᧈ ᦦᦱᧂᧉ ᦔᦳᧂᧈ ᦵᦓᦲᧂ  ᦥᧃ ᦟᦳᧃ ᦵᦞ ᦟᦱ ᦍᦱᧄ ᦡᦲ ᦂᦱᧃ ᦅᦱᧉ ᦃᦻ

ᦶᦞᧆ ᦟᦸᧄᧉ ᦋᦸᧄ ᦎᦱᧄ ᦂᦱᧃ ᦷᦍᧅ ᦉᦳᧂ ᦔ ᦟᦲᦰ ᦂᦱᧃ ᦓᧄᧉ ᦡᦲ ᦉᦱᧂᧉ ᦶᦎᧂᧈ “ᦑᦱᧂ ᦉᦲᧃᧉ ᧑ ᦞ ᦏᦳ ᦶᦩᧃᧈ ᧑”,ᦀᦸᧅᧈ ᦶᦣᧂ ᦉᦱᧂᧉ ᦶᦎᧂᧈ ᦷᦆᧄᧈ ᦑᦲᧈ ᦐᧅ ᦉᦹᧇᧈ ᦠᦱ ᦑᦳᧂᧈ ᦓᦱᧃᧉ ᦊᦱᧈ。 ᦀᧁ “ᦟᦱ ᦋ ᦂᦱᧃ ᦺᦧᧈ ᦺᦜ ᦠᦱ ᦂᧃ、ᦂᦱᧃ ᦠᦳᧃ ᦑᦱᧂ ᦔᦸᧂᧈ ᦒᦳᧂᧈ ᦟᦳᧂᧈ ᦂᧃ、ᦂᦱᧃ ᦅᦱᧉ ᦃᦻ ᦉᦹᧇᧈ ᦠᦱ ᦂᧃ、ᦇᦹᧃ ᦑᦹᧃ ᦺᦧᧈ ᦺᦜ ᦠᦱ ᦂᧃ、 ᦈᦲᧆ ᦺᦈ ᦺᦘᧈ ᦵᦙᦲᧂ ᦔᦸᧂᧈ ᦒᦳᧂᧈ ᦂᧃ” ᦵᦣᧆ ᦶᦆᧄᧉ ᦵᦣᧆ ᦡᦲ,ᦶᦏᧄ ᦶᦃᧂ ᦶᦣᧂ ᦘᦸᧄᧈ ᦂᧇ ᦕ ᦵᦑᧆ ᦑᦳᧂᧈ ᦓᦱᧃᧉ ᦊᦱᧈ ᦺ ᦧᧈ ᦺᦜ ᦉᦹᧇᧈ ᦠᦱ ᦂᧃ,ᦵᦗᦲᧈ ᦂᦱᧃ ᦧᦱᧂᧈ ᦺᦃ ᦎᦸᧈ ᦎᦱᧂᧈ ᦕᦵᦑᧆ  ᦵᦉᦲᧈ ᦣᦸᧂᦜᦸᧂ ᦗᦹᧃᧉ ᦡᦲ ᦺᦞᧉ ᧟。

7.   ᦶᦏᧄ ᦶᦃᧂ ᦶᦣᧂ ᦉᦱᧂᧉ ᦶᦎᧂᧈ ᦉᦳᧄ ᦘᦱᧇ ᦍᦲᧂᧈ ᦡᦲ ᦢᧁᧈ ᦷᦍᧈ ᦍᦱᧃ,  ᦠᦹᧉ ᦵᦔᦲᧂ ᦵᦵᦍᧂ ᦍᦲᧃᧉ ᦓᦱᧃᧉ ᦉᦜ ᦀᦱᧆ ᦐᧄ ᦇᦱᧄ ᦋᦹᧈ ᦷᦍᧅ ᦷᦋᧅ ᦏᦹᧂ

  ᦶᦕᧈ ᦵᦓᦲᧂ“ᦔᦲ ᦷᦍᧅ ᦉᦳᧂ ᦷᦆᧄᧈ ᦊᦴᧈ ᦂᦲᧃ ᦺᦓ ᦵᦞᧂ ᦢᦱᧃᧉ ᦑᦳᧂᧈ”ᦃᧁᧉ ᦵᦟᦲᧅ ᦶᦟᧇ 。ᦀᦸᧅᧈ ᦶᦣᧂ ᦶᦕᧈ ᦵᦓᦲᧂ ᦂᦱᧃ ᦊᦱᧃᧈ ᦉᦱᧂᧉ ᦵᦞᧂᦏᦱᧃᧉ ᦵᦵᦉᧃᧈᦐᧄ ᦇᦱᧄ ᧞  ᦵᦞᧂ ᦓᦾᧉ ᦙᦲ ᦠᦳᧃᧈ ᦵᦟᦲᧂᧈ ᦎᦱᧂᧈ ᦒᦲ。ᦀᦸᧅᧈ ᦶᦣᧂ ᦕᦡᧇ ᦊᦸᧂ ᦢᦱᧃᧉ ᦑᦳᧂᧈ ᦐᧄ ᦇᦱᧄ ᦵᦵᦏᧉ ᦵᦵᦏᧄ, ᦑᦳᧃᧉ ᦍᦴᧉ  ᦂᦱᧃ ᦶᦎᧂᧈ ᦶᦙ ᦷᦆᧄᧈ ᦊᦴᧈ ᦂᦲᧃ ᦺᦘᧈ ᦢᦱᧃᧉ ᦑᦳᧂᧈ ᧓ ᦔᦲ , ᦑᦲᧈ ᦐᧅ ᦓᦲᦰ ᦶᦎᧆ ᦶᦎᧂᧈ ᦓᧄᧉ ᦋᦰ ᦣᧂᧉ ᧞ ᦊᦱᧅ ᦵᦊᦲᧉ 、 ᦵᦔᧃᧈ ᦺᦅ  ᦃᦳᧄ ᦞᦲᧆ、 ᦵᦔᧃᧈ ᦺᦅ ᦐᦱᧉ ᦢᦱᧃᧉ ᦎᦱ ᦷᦃᧂᧈ ᦢᦱᧃᧉ ᦑᦳᧂᧈ ᦚᦳᧂ ᦓᦲᦰ,ᦏᦹ ᦐᧅ ᦣᧅ ᦉᦱ ᦢᦱᧃᧉ ᦷᦃᧂᧈ ᦂᧁᧈ ᦂᦸᧃᧈ ᦃᦸᧂ ᦉᦱᧂᧉ ᦂᧁᧈ ᦂᦸᧃᧈ、ᦔ ᦞᦲ ᦓᦲ ᦺᦓ ᦢᦱᧃᧉ ᦷᦃᧂᧈ ᦂᧁᧈ ᦂᦸᧃᧈ ᦚᦳᧂ ᦓᦲᦰ, ᦁᦱ ᦙ ᦃᦱᧄᧈ ᦢᦱᧃᧉ ᦷᦃᧂᧈ ᦟᦴᧈ ᧑ ᦷᦈᧆ ᦖᦻ ᦃᧁᧉ ᦂᦱᧃᧉ ᦋᦹᧈ ᦵᦉᧂ ᦢᦱᧃᧉ ᦑᦳᧂᧈ ᦐᧄ ᦇᦱᧄ ᦏᦱᧃᧉ ᦵᦌᦲᧃ 。

8.  ᦔᧆ ᦀᧁ ᦂᧄᧈ ᦟᧂ ᦔᦱᧃᧈ ᦂᦱᧃ ᦶᦋᧆ ᦈᦲᧂ ᦠᦹᧉ ᦺᦘᧈ  ,ᦷᦍᧅ ᦉᦳᧂ ᦩᦱᧄ ᦀᦲᧅᧈ ᦺᦡᧉ ᦩᦱᧄ ᦉᦳᧅ ᦵᦉᦲᧃ ᦩᦱᧄ ᦉ ᦛᧆ ᦌ ᦤᦲ ᦵᦵᦠᧂᧈ ᦺᦘᧈ

 ᦀᧁ ᦂᦱᧃ ᦣᧅ ᦉᦱ ᦎᦱ ᦡᦲ ᦋᦳᧄ ᦜᦻ ᦋᦴᧈ ᦵᦙᦲᧈ ᦋᦴᧈ ᦍᦱᧄ ᦈᦹᧈ ᦺᦞᧉ ᦺᦓ ᦺᦈ、ᦀᧁ ᦔᦲᧃᧈ ᦊᦱᧈ ᦺᦎᧈ ᦎᦱᧄ ᦂᦱᧃ ᦅᦹᧆ ᦔᦸᧂ ᦵᦣᧆ ᦠᦹᧉ ᦷᦎᧅ ᦑᦲᧈ ᦔᦲᧃ ᦡᦲ、ᦑᦳᧃᧉ ᦍᦴᧉ ᦂᦱᧃ ᦔᦳᧂᧈ ᦵᦓᦲᧂ、 ᦗᦸᧈ ᦺᦣᧈ ᦶᦙᧈ ᦓᦱ ᦣᧂᧈ ᦙᦲ、 ᦟ ᦞᧂ ᦂᦱᧃ ᦉ ᦄᧆ。 ᦁᦱ ᦙ ᦃᦱᧄᧈ ᦂᦱᧃᦅᦴ ᦵᦵᦍᧂ ᦷᦎᧅ ᦉᦸᧃᧈ ᦂᦱᧃ ᦷᦈᧅ ᦈᦻᧈ, ᦚᦻᧈ ᦂᦱᧃ ᦋᦳᧄ ᦜᦻ  ᦣᦾᧉ ᦔᦳᧃ ᦺᦐ ᧗᧐ ᦔᦳᧃ ᦺᦋᧉ ᦊᦳᧂᧈ ᦊᦴᧈ ᦂᦱᧃ ᦃᦸᧉ ᦊᦴᧈ ᦣᦱᧁ ᦂᦲᧃ ᦺᦘᧈ, ᦷᦣᧂ ᦂᦱᧃ ᦵᦈᦲᧃᧈ ᦝᦴ ᦑᧂ ᦵᦋᦲᧁᧈ ᦕᦸᧃᧈ ᦓᦾᧉ  ᦇᦹᧃ ᦑᦹᧃ ᦓᧅ ᦂᦱᧃ ᦣᦾᧉ ᦔᦳᧃ ᦺᦐ ᧕ ᦔᦳᧃ ᦃᦹᧃᧉ ᦵᦐᦲ, ᦂᦱᧃᧉ ᦇᦹᧃ ᦶᦍᧂᧈ ᦺᦋᧉ ᦵᦜᦲ ᦺᦞᧉ ᦓᧃᧉ ᦑᧂ ᦷᦙᧃ ᦺᦋᧉ ᦊᦳᧂᧈ ᦂᦱᧃ ᦁᧄ ᦗᧅ ᦣᧅ ᦉᦱ ᧞ ᦵᦔᧃᧈ ᦺᦅ ᦃᦸᧉ ᦊᦴᧈ ᦣᦱᧁ ᦂᦲᧃ ᦺᦘᧈ, ᦵᦣᧆ ᦡᦲ ᦂᦱᧃ ᦶᦋᧆ ᦈᦲᧂ ᦃᦸᧉ ᦊᦴᧈ ᦣᦱᧁ ᦂᦲᧃ ᦠᦹᧉ ᦺᦘᧈ ᦱ᧐ ᦋᦸᧂᧈ ᦵᦵᦏᧉ ᦵᦵᦏᧄ, ᦠᦹᧉ ᦺᦘᧈ ᦵᦙᦲᧂ ᦋᦳᧄ ᦜᦻ ᦋᦴᧈ ᦘᦱ ᦉᦱ ᦙᦲ ᦎᦱ ᦡᦲ ᦀᧁ ᦺᦡᧉ ᦠᧃ ᦎᦱᧄ ᦎᦱ、 ᦊᦲᧇ ᦺᦡᧉ ᦏᦹᧂ ᦓᧃᧉ。 ᦏᦲ ᦏᦸ ᦠᦱ ᦂᦱᧃ ᦵᦣᧆ ᦠᦹᧉ ᦟᦴᧅ ᦵᦣᧃ  ᦷᦜᧂ ᦷᦔᧆ ᦵᦣᧃ、ᦅᦳᧃ ᦵᦞᧅ ᦗᦸᧈ ᦺᦣᧈ ᦶᦙᧈ ᦓᦱ  、ᦕᦴᧉ ᦔᦲᧃ ᦒᦱ ᦠᦱᧃ ᦗᦸᧅ ᦙᦱ ᦚᦳᧂ ᦓᦲᦰ , ᦅᧄᧉ ᦋᦾᧈ ᦷᦣᧂ ᦌᦲᧈ ᦶᦓᧉ ᦉᦱᧂᧉ ᦵᦞᧅ ᦉᦱᧂᧉ ᦂᦱᧃ, ᦵᦞᧂ ᦓᦾᧈ ᦀᦲᧅᧈ ᦵᦵᦏᧄ ᦕᦴᧉᦵᦣᧆ ᦵᦞᧅ ᦵᦣᧆ ᦂᦱᧃ ᦺᦖᧈ  ᧘ ᦗᧃ ᧕ ᦣᦾᧉ ᦅᦳᧃ ᦃᦹᧃᧉ ᦵᦐᦲ。   

9 .  ᦶᦏᧄ ᦶᦃᧂ ᦶᦣᧂ ᦵᦈᦲᧃᧈ ᦝᦴ ᦎᦱᧄ ᦷᦎ ᦉᦱᧂᧉ ᦶᦎᧂᧈ ᦕᦸᧇ ᦈᦸᧆᧈ,   ᦔ ᦟᦲᦰ ᦂᦱᧃ  ᦠᦹᧉ ᦋᦳᧄ ᦜᦻ ᦋᦴᧈ ᦘᦱ ᦉᦱ ᦶᦩᧃᧉ ᦡᦲ

 ᦵᦵᦏᧄ ᦵᦵᦃᧂ ᦵᦵᦣᧂ ᦣᧄᧈ ᦵᦣᧃ ᦩᦱᧄ ᦅᦹᧆ ᦌᦲᧉ ᦈᦲᧃᧈ ᦘᦲᧃᧉ ᦵᦉᦲᧈ ᦃᦼᧈ ᦋᦴ ᦊᦲᧈ ᦙᦲ ᦵᦟᦲᧂᧈ ᦵᦔᦲᧂ ᦷᦋᧂᧈ ᦷᦅᧉ ᦷᦋᧈ ᦉᧅ ᦃᦱᧆ ᦺᦖᧈ ᦃᧁᧉ ᦵᦟᦲᧅ ᦵᦵᦟᧇ, ᦎᦱᧄ ᦷᦎ ᦃᦳᧅ ᦣᦴᧉ ᦧᦻ ᦵᦵᦑᧃ ᦀᧁᦞᦲᧉ ᦌᦱ ᦅᦸᧂ ᦈᦱ ᦙᦱ ᦔᦲᧃ ᦵᦆᦲᧂᧈ ᦁᦱ ᦞᦴᧉ ᦒ ᦃᧁᧉ ᦵᦣᦲᧃ ᦺᦈ、ᦃᧆ ᦶᦃᧂ ᦩᦱᧄ ᦵᦋᦲᧈ ᦺᦈ、ᦋᦲᧉ ᦓᧄ ᦂᦱᧃ ᦵᦣᧆ。ᦑᦲᧈ ᦐᧅ ᦓᦲᦰᦣᦴᧉ ᦣᦸᧆ ᦑᦸᧆ ᦏᦹᧂ ᦎᦱ ᦡᦲ  ᦵᦉᦲᧈ ᦃᦼᧈ ᦋᦴ ᦊᦲᧈ ᦁᧃ ᦙᦲ ᦵᦟᦲᧂᧈ ᦵᦔᦲᧂ ᦷᦋᧂᧈ ᦷᦅᧉ ᦃᧁᧉ ᦵᦟᦲᧅ ᦵᦵᦟᧇ , ᦣᦴᧉ ᦣᦸᧆ ᦑᦸᧆ ᦏᦹᧂ ᦀ ᦏ ᦺᦓ ᦐᧅ ᦂᦱᧃ ᦒᦱᧄ   ᦆᦲᧂ ᧞ ᦂᦱᧃ ᦒᦱᧄ ᦐᧅ ᦃᧁᧉ ᦵᦟᦲᧅ ᦶᦟᧇ, ᦷᦔᧅ ᦎᧂᧉ “ᦩᦱᧄ ᦠᧃ ᧔ ᦕ ᦂᦱᧃ”ᦃᧁᧉ ᦵᦵᦏᧄ ᦢᦱᧆ ᧑,ᦃᧆ ᦶᦃᧂ“ᦊᦳᧄ ᦵᦋᦲᧈ ᧔ ᦕ ᦂᦱᧃ”,ᦃᧆ ᦶᦃᧂ ᦵᦣᧆ ᦣᦸᧆ ᦏᦹᧂ“ᦣᧅ ᦉᦱ ᧒ ᦕ ᦂᦱᧃ”,ᦶᦏᧄ ᦶᦃᧂ ᦶᦣᧂ ᦩᦱᧄ ᦅᦹᧆᦚᦻᧈ ᦂᦱᧃ ᦒᦱᧄ ᦵᦈᦲᧃᧈ ᦝᦴ ᦃᧁᧉ ᦶᦏᧄ ᦢᦱᧆ ᧑ , ᦀᧁ ᦩᦱᧄ ᦅᦹᧆ ᦑᦱᧂ ᦂᦸᧃᧈ ᦀᦸᧃ  ᦂᦱᧃ ᦒᦱᧄ ᦵᦈᦲᧃᧈ ᦝᦴ ᦋᦴᧈ ᦚᦻᧈ ᦋᦴᧈ ᦗᦻ ᦷᦎᧅ ᦑᦲᧈ ᦔᦲᧃ ᦡᦲ。ᦈᧅ  ᦷᦍᧅ ᦉᦳᧂ ᦂᦱᧃ ᦒᦱᧄ ᦅᦹᧆ ᦵᦣᧆ ᦎᦱᧄ ᦀᦱᧆ ᦍᦱ ᦓᧇ ᦵᦉᧂᧉ。ᦑᦳᧃᧉ ᦍᦴᧉ ᦎᦱᧄ ᦅᧁᧉ ᦅᦸᧂ ᦀᦱᧆ ᦍᦱ ᦵᦵᦎᧆ ᦵᦵᦎᧂᧈ ᦂᦱᧃ、 ᦡᦽᧉ ᦎᦱᧄ ᦀᦱᧆ ᦍᦱ ᦵᦣᧆ ᦂᦱᧃ,ᦀᧁ “  ᦂᦱᧃ ᦉᦱᧂᧉ ᦶᦎᧂᧈ ᦘ ᦑᦲᧆ ᦣᦲᧆ ᦵᦔᦲᧂ ᦀᦱᧆ ᦍᦱ ᦵᦈᦲᧃᧈ ᦝᦴ ”ᦷᦎᧅ ᦑᦲᧈ ᦔᦲᧃ ᦡᦲ, ᦊᦱᧉ ᦵᦵᦑᧇ ᦂᦱᧃ ᦏᦳᧅᧈ ᦒᦱᧄ ᦕᦸᧇ ᦶᦕᧈ ᦀᦱᧆ ᦍᦱ。ᦎᦱᧄ ᦷᦎ ᦣᧇ ᦣᦸᧂ ᦵᦋᦲᧁᧈ ᦵᦍᦲᧃᧉ ᦎᦱᧈ ᦂᧇ ᦑᧂ ᦌᦱᧂᧉ ᦞᦼ ᦃᦼᧈ ᦎᦱᧄ ᦀᦱᧆ ᦍᦱ ᦶᦋᧆ ᦡᦸᧄ、ᦂᦱᧃ ᦒᦱᧄ ᦶᦋᧆ ᦡᦸᧄ ᦂᧇ ᦑᧂ ᦵᦋᦲᧁᧈ ᦵᦈᦲᧃᧈ ᦵᦌᧉ ᦀᧁ ᦂᧃ ᦞᦱᧈ ᦗᦱ ᦂᧃ ᦔᦸᧂ ᦶᦋᧆ ᦡᦸᧄ,ᦣᧇ ᦣᦸᧂ ᦂᦱᧃ ᦶᦋᧆ ᦡᦸᧄ,ᦅᧄᧉ ᦋᦾᧈ ᦶᦕᧈ ᦵᦓᦲᧂ ᦀᦱᧆ ᦍᦱ ᦶᦋᧆ ᦡᦸᧄ,ᦎᦱᧄ ᦷᦎ ᦣᧇ ᦣᦸᧂ ᦂᦱ ᦟᦰ ᦢᦱᧃᧉ ᦵᦙᦲᧂ ᧞ ᦂᦱᧃ ᦃᦱᧁᧈ ᦉᦱᧃ ᦺᦖᧈ ᦶᦋᧆ ᦡᦸᧄ。ᦶᦎᧂᧈ ᦵᦵᦙ ᦠᦱᧂᧉ ᦆᦱᧆ“ᦘ ᦑᦲᧆ ᦣᦲᧆ ᦵᦔᦲᧂ ᦂᦱᧃ ᦅᦹᧆ ᦔᦸᧂ ᦵᦈᦲᧃᧈ ᦝᦴ”,ᦈᦳᧇ ᦵᦕᧃᧉ ᦘ ᦑᦲᧆ ᦡᦽᧉ ᦎᦱᧄ ᦀᦱᧆ ᦍᦱ ᦵᦵᦎᧆ ᦵᦵᦎᧂᧈ ᦂᦱᧃ。ᦑᦳᧃᧉ ᦍᦴᧉ ᦂᦱᧃ ᦟᦱ ᦋ ᦂᦱᧃ ᦶᦢᦰ ᦺᦃ ᦎᦸᧈ ᦑᧂ ᦜᦻ,ᦶᦏᧄ ᦶᦃᧂ ᦶᦣᧂ ᦉᧇ ᦵᦵᦂᧉ  ᦟᦱ ᦋ ᦅᦸᧂ,ᦃᧅ ᦖᧃᧈ ᦎᦸᧇᧈ ᦆᦸᧇ ᦂᦱᧃ ᦂᦱ ᦟᦰ ᦢᦱᧃᧉ ᦵᦙᦲᧂ ᦵᦅᦲᧂ ᦺᦈ ᦓᧃᧉ。ᦈᧅ ᦺᦡᧉ ᦶᦏᧄ ᦺᦞ ᦉᦱᧂᧉ ᦶᦎᧂᧈ ᦵᦵᦢᧇᧈ ᦵᦟᦲᧂᧈ ᦵᦈᦲᧃᧈ ᦝᦴ ᦣᧄᧈ ᦵᦣᧃ。