new tai | old tai | 中文

ᦆᦱᧁᧈ ᦟᦱᧂ ᦵᦗᧆ ᦶᦙᧂ ᦙᦲ ᦔᦲᧅᧈ ᧒ ᦵᦋᦲᧉ

作者: 时间:2021-11-19 10:25:11

  (ᦱ) ᦶᦙᧈ ᦕᦹᧂᧉ

  ᦶᦙᧈ ᦕᦹᧂᧉ ᦠᦳᧄ ᦡᦸᧅᧈ ᦺᦙᧉ,ᦺᦈ ᦙᧅ ᦠᦱ ᦶᦠᧂᧈ ᦷᦟᧆ ᦉ ᦡᦸᧅᧈ ᦺᦙᧉ ᦺᦂ ᦉᦸᧃ。ᦔᦸᧂ ᦠᦱ ᦁᧃ ᦠᦸᧄ ᦂᦲᧃ,ᦢᦲᧃ ᦶᦀᧁᧈ ᦠᦱ ᦉᧅ ᦺᦌᧉ ᦙᦸᧃ ᦡᦸᧅᧈ ,ᦙᦱ ᦵᦵᦔᧂ ᦷᦇᧃ  ᦛᦱᧃ ᦟᧄ。

  ᦶᦉᧆ ᦉᦳᧂ ᦉᦱᧃ ᦺᦡᧉ ᦡᦾᧉ ᦷᦇᧃ ᦕᦹᧂᧉ,ᦟᧄ ᦋᦹᧃᧈ ᦋᦾᧉ ᦠᦱᧅ ᦔᦲᧃ ᦊᦱ ᦡᦲ。ᦶᦙᧂ ᦔᦸᧂ ᦠᦱ ᦡᦲ ᦠᦹᧉ ᦑᦱᧃᧈ ᦈᧄ ᦈᦹᧈ ᦺᦞᧉ,ᦣᧁ ᦀᧁ ᦷᦇᧃ ᦙᧃ ᦙᦱ ᦵᦣᧆ ᦶᦔᧂ ᦔᦲᧃ ᦃᦲᧉ ᦕᦹᧂᧉ ᧟ ᦉᦲ ᦶᦔᧂ ᦔᦲᧃ ᦵᦑᧃ, ᦙᧃ ᦍᧂ ᦋᦱᧂᧈ ᦈᧇ ᦡᦸᧅᧈ ᦌᦸᧃᧉ ᦶᦕᧈ ᦵᦋᦲᧉ ᦝᧃ ᦂᦸ ᦺᦙᧉ ᦂᦸ ᦎᦸᧅ ᦷᦎ ᦗᦴᧉ ᦷᦎ ᦶᦙᧈ ᦈᧇ ᦺᦉᧈ ᦂᧃ。 ᦠᦱᧅ ᦔᦲᧃ ᦶᦙᧂ ᦵᦗᧆ ᦁᧃ ᦡᦲ ᦺᦞᧉ ᦺᦓ ᦷᦟᧅ, ᦙᧃ ᦠᦱᧅ ᦵᦣᧆ ᦀᦸᧅᧈ ᦺᦡᧉ ᦜᦻ ᦵᦋᦲᧉ ᦵᦣᧆ ᦂᦱᧃ ᦂ ᦑᧄ ᦢᦳᧃ ᦓᧃᧉ ᦑᦰ ᦶᦑᧉ。

  (᧒) ᦶᦙᧂ ᦙᦳᧃ

  ᦶᦙᧂ ᦙᦳᧃ ᦊᦴᧈ ᦑᦲᧈ ᦋᦰ ᦣᧂᧉ, ᦙᧃ ᦙᧅ ᦡᦾᧉ ᦁᦱ ᦈᦳᧄ, ᦙᧃ ᦠᦳᧄ ᦂᦲᧃ ᦁᧃ ᦓᧁᧈ,ᦎᧁᧉ ᦠᦱ ᦷᦘᦰ ᦟᦱᧃᧈ ᦘᦸᧄᧉ ᦐᦸᧃ ᦟᦻ,ᦖᦲᧃ ᦆᦱᧁ ᦺᦐ ᦊᦴᧈ ᦠᧃᧉ, ᦙᧃ ᦢᧁᧈ ᦀᦱᧂᧉ ᦃᦸᧂ ᦡᦲ, ᦙᦲ ᦅᦱᧈ ᦺᦈ ᦘᦸᧂ ᦂᦲᧃ ᦍᦸᧃᧉ ᦵᦜᦲᧅᧈ,ᦋᦱᧂᧈ ᦢᦲᧃ ᦵᦟᦲᧅ ᦁᦱ ᦠᦱᧃ ᦅᦳᧃ ᦵᦙᦲᧈ ᦂᦲᧃ ᦃᧁᧉ,ᦎᧁᧉ ᦠᦱ ᦺᦕ ᦅᦸᧉ ᦵᦢᦲᧈ ᦋᧂ。

ᦶᦙᧂ ᦙᦲ ᦔᦲᧅᧈ ᧒ ᦵᦋᦲᧉ ᦟᦱᧂ ᦵᦗᧆ ᦢᧁᧈ ᦵᦖᦲᧃ ᦂᧃ。ᦷᦎ ᧑ ᦋᦱᧂᧈ ᦂ ᦑᧄ ᦂᦱᧃ ᦢᦳᧃ ᦠᦹᧉ ᦑᦱᧃᧈ, ᦷᦎ ᧑ ᦋᦱᧂᧈ ᦂ ᦑᧄ ᦢᦱᧇ ᦠᦹᧉ ᦂᦱ ᦟᦰ ᦉᦳᧂ ᦉᦱᧃ,ᦅᦹ ᦠᦱᧅ ᦔᦲᧃ ᦩᦱᧄ ᦑᦸᧂᦰ ᦃᧃ ᦅᦱᧈ ᦢᧁᧈ ᦵᦖᦲᧃ ᦂᧃ ᦺᦞᧉ ᦺᦓ ᦷᦟᧅ。 (ᦀᦻᧉ ᦀᦳᧃᧈ ᦑᦲᧇ ᦠᦱ ᦣᦸᧄ ᦶᦎᧂᧈ ᦵᦵᦙ)