new tai | old tai | 中文

ᦅᧄ ᦆᧇ ᦆᦻᧈ ᦉᦸᧃ ᦺᦈ

作者: 时间:2021-11-19 10:24:45

  ᦅᦳᧃ ᦅᦱᧉ ᦓᦲᦰ ᦖᦸ ᦔᦱᧅ ᦞᦱᧈ,

  ᦅᦳᧃ ᦺᦈ ᦂᦱᧉ ᦓᦲᦰ ᦃᧁᧉ ᦒᦱ ᦠᦱᧃ;

  ᦅᦳᧃ ᦺᦢᧉ ᦓᦲᦰ ᦅᦱᧉ ᦺᦂ,

  ᦅᦳᧃ ᦜᧅ ᦓᦲᦰ ᦟᦸᧂᧈ ᦺᦎᧉ;

  ᦅᦳᧃ ᦺᦓ ᦢᧁᧈ ᦢᦸᧅᧈ,

  ᦅᦳᧃ ᦓᦸᧅ ᦅᦸᧉ ᦢᧁᧈ ᦙᦱ ᦀᧁ;

  ᦅᦳᧃ ᦎᦱ ᦎᦳᧇ ᦓᦲᦰ ᦓᦸᧃ ᦺᦡᧉ,

  ᦅᦳᧃ ᦵᦟᦲᧆ ᦺᦖᧉ ᦓᦲᦰ ᦓᦸᧃ ᦵᦡᦲᧅ;

  ᦅᦳᧃ ᦐᦱᧉ ᦺᦓᧈ ᦓᦲᦰ ᦉᦱᧁ ᦜᦻ,

   ᦅᦳᧃ ᦵᦃᧁᧉ ᦕᦻ ᦓᦲᦰ ᦋᦱᧂᧈ ᦅᦱᧇ;

  ᦅᦳᧃ ᦷᦜᧂ ᦓᦲᦰ ᦢᧁᧈ ᦷᦂ ᦂᦱᧃ,

  ᦅᦳᧃ ᦕᦱᧃ ᦓᦲᦰ ᦢᧁᧈ ᦷᦂ ᦐᦲᧉ;

  ᦅᦳᧃ ᦷᦠ ᦺᦈ ᦡᦲ ᦓᦲᦰ ᦺᦈ ᦌᦹᧈ,

  ᦺᦕ ᦢᧁᧈ ᦠᦹᧉ ᦕᦲ ᦅᦸᧉ ᦔᧃ;

  ᦅᦳᧃ ᦢᧁᧈ ᦡᦲ ᦺᦈ ᦷᦅᧆ ,

  ᦷᦙᧆ ᦢᧁᧈ ᦷᦃᧇ ᦅᦸᧉ ᦵᦉᦲ ᦅᦱᧇ;

  ᦅᦳᧃ ᦡᦲ ᦓᦲᦰ ᦕᦲ ᦢᧁᧈ ᦙᦱ ᦺᦂᧉ,

  ᦅᦳᧃ ᦺᦢᧉ ᦓᦲᦰ ᦕᦲ ᦙᦱ ᦗᧂᧉ;

  ᦅᦳᧃ ᦣᧂᧈ ᦓᦲᦰ ᦙᧅ ᦵᦂᦲ ᦈᦱᧂ,

  ᦅᦳᧃ ᦕᦱᧃ ᦓᦲᦰ ᦙᧅ ᦵᦂᦲ ᦋᦲᧄ。

  (ᦀᦻᧉ ᦋᦾᧉ ᦒᦱ ᦠᦱᧃ)