new tai | old tai | 中文

ᦅᧄ ᦷᦢ ᦟᦱᧃ ᦉᦸᧃ ᦷᦟᧅ

作者: 时间:2021-06-03 17:49:41

ᦡᦲ ᦅᦸᧉ ᦘᦸᧄᧈ ᦂᧃ  ᦉᦱᧈ,

ᦋᦱᧉ ᦅᦸᧉ ᦘᦸᧄᧈ ᦂᧃ ᦒᦱᧄ;

ᦡᦲ ᦵᦗᦲᧈ ᦏᦱᧄ ᦇᦱᧄ ᦵᦗᦲᧈ ᦵᦵᦎᧄᧉ,

ᦵᦵᦆᧄᧉ ᦵᦗᦲᧈ ᦟᦳᧂ ᦟᦻ ᦙᦹ;

ᦡᦲ ᦂᧃ ᦅᦸᧉ ᦵᦗᦲᧈ ᦔᦲᧃ ᦷᦕ,

ᦢᧁᧈ ᦡᦲ ᦅᦸᧉ ᦔᦲᧃ ᦷᦃ ᦺᦎᧈ;

ᦡᦲ ᦅᦸᧉ ᦔᦲᧃ ᦵᦙ ᦣᧁ,

ᦢᧁᧈ ᦡᦲ ᦅᦸᧉ ᦔᦲᧃ ᦵᦘ ᦔᦲᧃᦺᦘ;

ᦡᦲ ᦎᦸᧈ ᦡᦲ ᦖᦱᧅ ᦵᦃᦲ ᦂᧇ ᦉᦱᧉ,

ᦋᦱᧉ ᦎᦸᧈ ᦋᦱᧉ ᦖᦱᧅ ᦵᦃᦲ ᦢᦱᧉ ᦂᧇ ᦃᧁᧉ ᦊᦲᧃ;

ᦡᧄ ᦓᧄᧉ ᦠᦹᧉ ᦏᦹᧂ ᦌᦻ,

ᦓᦸᧃ ᦠᦻ ᦠᦹᧉ ᦠᧃ ᦝᦱᧉ;

ᦵᦡᦲᧃ ᦉᦲᧇ ᦊᦱᧈ ᦅᦱᧉ ᦃᧁᧉ,

ᦵᦡᦲᧃ ᧙ ᦊᦱᧈ ᦅᦱᧉ ᦩᦻ;

 ᦡᦸᧅᧈ ᦺᦙᧉ ᦀᦻᧉ ᦓᦲᦰ ᦊᦴᧈ ᦑᦲᧈ ᦷᦠ,

ᦡᦸᧅᧈ ᦺᦙᧉ ᦷᦎ ᦓᦲᦰ ᦊᦴᧈ ᦑᦲᧈ ᦅᧄ ᦔᦱᧅ;

ᦵᦵᦡᧆᧈ ᦺᦖᧉ ᦅᦸᧉ ᦢᧁᧈ ᦠᦳᧃ,

ᦚᦳᧃ ᦵᦵᦣᧂ ᦅᦸᧉ ᦢᧁᧈ ᦊᦱᧃᧉ;

ᦎᦱ ᦡᧄ ᦠᧃ ᦇᦹᧃ ᦵᦕᦲᧅᧈ,

ᦎᦱ ᦵᦜᦲᧅ ᦠᧃ ᦇᦹᧃ ᦃᦱᧁ;

ᦎᦱ ᦠᧃ ᦅᦸᧉ ᦺᦆᧈ ᦺᦡᧉ,

ᦑᦸᧂᧉ ᦺᦖᧉ ᦅᦸᧉ ᦺᦆᧈ ᦂᦲᧃ;

ᦎᦱ ᦠᧃ ᦅᦸᧉ ᦷᦉᧇ ᦠᧃ,

ᦵᦗᦲᧃᧈ ᦢᧁᧈ ᦔᧃ ᦅᦸᧉ ᦺᦆᧈ ᦡᦾᧉ;

ᦎᦱ ᦉᦱᧁ ᦺᦞ ᦵᦖᦲᧃ ᦺᦝ ᦵᦡᦲᧃ ᧕,

ᦎᦱ ᦢᦱᧁᧈ ᦂᦱᧉ ᦵᦖᦲᧃ ᦙᦱᧉ ᦜᧇ ᦈᦳᧂ。

(ᦀᦻᧉ ᦃᧃ ᦺᦍ)