new tai | old tai | 中文

ᦷᦀᧆ ᦊᦱᧇ ᦺᦡᧉ ᦕᦱᧇ ᦵᦵᦗᧉ ᦚᦳᧂ ᦖᦴᧈ ᦵᦘ ᦺᦘ - ᦵᦍᦲᧄ ᦣᧇ ᦷᦋᧂᧈ ᦷᦅᧉ ᦂᦳᧂᧈ ᦌᦱᧃ ᦑᦱᧂ ᦎᧂᧉ ᦔᦲᧃ ᦺᦡᧉ ᦣᦾᧉ ᦷᦃᧇᧈ

作者: 时间:2021-06-03 17:47:37

(ᦎᦸᦰ  ᦈᧇ ᦌᦲᧈ ᧟)

ᦝᧂ ᦑᦸᦰ ᦵᦵᦙᧈ ᦷᦎ ᦐᦸᧂ ᦉᦜ ᦺᦉ ᦡᦸᧅᧈ ᦷᦢ ᦅᦲᧈ ᦀᦱᧉ,ᦋᦻ ᦈᧅ ᦈᦱ ᦷᦝ ᧈᦎᦱᧃᧉ ᦍᦱᧄ ᦓᧃᧉ ᦷᦋᧂᧈ ᦷᦅᧉ ᦂᦳᧂᧈ ᦌᦱᧃ ᦑᦱᧂ ᦎᧂᧉ ᦂᦸᧈ ᦔᦲᧃ,ᦔᦲᧃ ᦵᦵᦉᧃ ᦺᦡ  ᦵᦵᦎᧈ ᦗᦹᧃ ᦵᦙᦲᧈ ᦅᧁᧉ,ᦍᦱᧄ ᦵᦙᦲᧈ ᦕ ᦵᦑᧆ  ᦠᦸᧂᧉ ᦷᦋᧂᧈ ᦷᦅᧉ ᦷᦙ ᦙᦹᧆ ᦢᧁ ᧈᦺᦉ,ᦠᦳᧃ ᦑᦱᧂ ᦵᦑᧁ  ᦠᦳᧃ ᦺᦡ ᦅᦸᧉ  ᦢᧁᧈ ᦟᦸᧃ ᦋᦱᧂᧈ ᦣᦴᧉ,ᦅᦳᧃ ᦊᦴᧈ ᦑᦸᧂᧉ ᦕ ᦵᦑᧆ ᦦᦱᧂᧉ ᦅᦸᧉ ᦺᦕ ᦂᦲᧉ ᦢᧁᧈ ᦏᦸᧂ,ᦅᦸᧂ ᦔᦸᧂ ᦠᦸᧂᧉ ᦺᦓ ᦑᦱᧂ ᦢᧁᧈ ᦣᦴᧉ ᦏᦲᧈ, ᦂᦳᧂᧈ ᦌᦱᧃ ᦷᦅᧉ ᦈᦲᧈ ᦎᧂᧉ ᦙᦲ ᦺᦞᧉ ᦠᦹᧉ ᦃᧁ  ᦑᦱᧃᧈ ᦵᦎᦲᧄᧈ ᦔᦸᧂ,ᦵᦗᦲᧃᧈ  ᦞᦱᧈ ᦂᦳᧂᧈ  ᦌᦱᧃ  ᦑᦱᧂ ᦎᧂᧉ ᦙᦲ ᦙᦱ  ᦜᦻ ᦕᦵᦑᧆ,ᦕ ᦵᦑᧆ ᦠᦸᧂᧉ ᦷᦋᧂᧈ ᦷᦅᧉ ᦅᦸᧉ ᦎᧂᧉ ᦂᦸᧈ ᦀᦸᧃ ᦑᦱᧂ,ᦎᦱ ᦢᦱᧂ  ᦈᧁᧉ ᦎᦳᧃ ᦆᦴ ᦅᦸᧉ ᦠᦱᧅ ᦔᦲᧃ ᦙᦱ ᦵᦟᧉ,ᦙᦱ ᦎᧂᧉ ᦀᦸᧅᧈ ᦡᦽᧉ ᦅᧄ ᦅᦹᧆ ᦵᦉᦲᧈ ᦃᦼᧈ ᦋᦴ ᦊᦲᧈ ᦺᦉ ᦵᦟᦲᧂ,ᦟᦸᧆ  ᦺᦔ ᦺᦡᧉ ᦵᦵᦉᧃ ᦵᦙᦲᧂ ᦌᦸᧃᧉ ᦉᦹᧇᧈ,ᦅᧄ ᦅᦹᧆ ᦠᦸᧂᧉ ᦙᦱ ᦵᦟᧉ ᦢᧁᧈ  ᦺᦆᧈ  ᦠᦹᧉ ᦺᦘᧈ ᦺᦡᧉ ᦔᦲᧃ ᦷᦑᧅ ᦷᦈᧇᧈ ᦃᦲ,ᦀ ᦏ ᦺᦓ ᦙᧃ ᦙᦲ ᦷᦜᧂ ᦜᦻ ᦠᦸᧂᧉ ᦅᦸᧂ  ᦑᦱᧂ ᦵᦉᦲᧈ ᦃᦼᧈ,ᦎᦼᧈ ᦂᧇ ᦡᦽᧉ ᦷᦋᧂᧈ ᦷᦅᧉ ᦅᦸᧉ ᦌᦸᧃᧉ ᦉᦹᧇᧈ ᦀᧁ ᦙᦱ,ᦵᦞ ᦟᦱ ᦣᦸᧆ ᦔᦲ ᦱ᧙᧒ᦱ ᦷᦎ, ᦵᦡᦲᧃ ᧗ ᦎᧁᧉ ᦑᦹᧂ ᦙᦱ ᧒᧓ ᦆᧄᧈ,ᦔᦲᧃ ᦅᧂᧈ  ᦠᦹᧉ ᦑᦱᧂ ᦵᦵᦍᧃᧉ ᦺᦓ ᦠᦸᧂᧉ ᦉᦱᧂᧈ ᦆᦻ,ᦢᧁᧈ ᦙᦲ ᦅᦳᧃ ᦷᦜᧂ ᦜᦻ ᦚᦻᧈ ᦗᦻ ᦑᦱᧂ ᦵᦵᦍᧃᧉ,ᦑᧂ ᦕ ᦵᦑᧆ ᦂᦲᧉ  ᦙᦲ ᦺᦞᧉ ᧕ᦞ ᦵᦵᦑᧆ ᦅᦳᧃ  ᦔᦻ。ᦋᦳᧄ ᦁᧃ ᦙᦲ ᦅᧄ ᦅᦹᧆ ᦕᦊᦱ ᦕᦻ ᦅᦸᧉ ᦵᦟᦲᧅ ᦵᦵᦌᧃ ᦃᧁᧉ ᦙᦱ ᦌᦳᧄ ᦘᦸᧄᧈ ᦃᦼᧈ,ᦋᦴᧈ ᦵᦵᦠᧂᧈ  ᦠᦸᧂᧉ ᦨᦱᧂ ᦵᦋᦲᧁᧈ ᧞ ᦵᦗᦲᧉ ᦋᦲᧃᧈ ᦉᦱᧂᧈ ᦆᦻ,ᦂᧇ ᦑᧂ ᦵᦵᦉᧃ ᦏᦱᧃ ᦠᦸᧂᧉ ᦺᦓ  ᦵᦞᧂ ᦌᦱᧂᧉ ᦌᦱᧈ,ᦞᦴ ᦃᦱᧃᧈ ᦂᦲᧉ ᦙᦱ ᦘᦸᧄᧉ ᧞  ᦌᦲᧉ ᦵᦋᦲᧁᧈ ᦂᧇ ᦎᦱᧄ,ᦒᦱᧄ ᦀᧁ ᦵᦞᧅ ᧞ ᦂᦱᧃ  ᦔᦲᧃ ᦎᦻᧈ  ᦵᦵᦗᧁ ᦑᦱᧂ ᦵᦵᦍᧃᧉ,ᦙᦱ ᦘᦸᧄᧈ  ᦠᦸᧂᧉ ᦃᦼᧈ ᦓᦲᦰ ᦔᦲᧃ ᦔᦱᧂ ᦂᦸᧃᧈ ᦷᦠ ᦒᦲ,ᦊᦴᧈ  ᦑᦲᧈ ᦵᦞᧂ ᦷᦜᧂ ᦠᦸᧂᧉ ᦺᦓ ᦵᦙᦲᧂ ᦉᦱᧂᧈ ᦆᦻ ᦺᦊᧈ,ᦺᦈ ᦺᦉᧈ  ᦠᦹᧉ ᦺᦘᧈ ᦓᦾᧉ ᦠᦱᧂᧉ ᦣᦲᧆ ᦅᦸᧂ ᦔᦸᧂ,ᦙᦲ ᦱ᧒ ᦅᦳᧃ ᦙᦱ ᦏᦹᧂ ᦘᦸᧄᧉ ᦃᦼᧈ,ᦵᦟᦲᧅ ᦀᧁ ᦕᦴᧉ ᦅᦳᧃ ᦣᦴᧉ ᦷᦋᧂᧈ ᦍᦱᧂᧈ ᦀᦸᧃ ᦷᦠ,ᦷᦈ ᦂᧃ  ᦺᦡᧉ ᦜᦻ ᦞᧃ ᦅᦸᧉ ᦵᦵᦈᧂᧉ ᦏᦲᧈ,ᦷᦍᧅ ᦀᧁ ᦵᦌᦲᧃᧉ ᦑᦴᧉ ᦵᦉᧁᧈ ᦈᧁᧉ ᦔᦲᧃ ᦅᧁᧉ ᦌᦴᧈ ᦈᦲᧈ ᦺᦓ ᦑᦱᧂ,ᦘᦸᧄᧉ  ᦂᦱᧃ  ᦷᦜᧂ ᦠᦸᧂᧉ ᦺᦓ ᦑᦱᧂ ᦍᦲᧉ ᦎᦱᧈ。ᦎᧂᧉ ᦵᦵᦎᧈ  ᦠᧃᧉ ᦙᦱ ᧟ ᦷᦋᧂᧈ  ᦷᦅᧉ  ᦂᦳᧂᧈ ᦌᦱᧃ ᦑᦱᧂ ᦎᧂᧉ ᦂᦸᧈ ᦔᦲᧃ,ᦜᧂ ᦡᦲᧃ ᦠᦸᧂᧉ ᦵᦙᦲᧂ ᦆᧄ ᦅᦸᧉ ᦵᦉᦲᧃ ᦉᦱᧈ,ᦅᦳᧃ ᦊᦴᧈ ᦑᦸᧂᧉ ᦕ ᦵᦑᧆ ᦦᦱᧂᧉ ᦅᦸᧉ ᦵᦵᦩᧃᧉ ᦠᦱᧅ ᦵᦍᦲᧄ ᦺᦈ ᦌᧄᧉ ᧟。ᦂᦳᧂᧈ ᦌᦱᧃ ᦑᦱᧂ ᦎᧂᧉ ᦔᦲᧃ ᧟ ᦅᦸᧉ ᦵᦉᦲᧅ ᦂᦲᧉ ᦢᧁᧈ ᦌᧁ,ᦍᧂ ᦙᦲ ᦷᦅᧉ ᦙᦲᧃ ᦑᦱᧂ ᦃᧁᧉ ᦙᦱ ᦅᧁ ᦢᧁᧈ ᦃᦱᧆ,ᦃᧁ ᦠᦱᧅ ᦊᦱᧄᧉ ᦵᦅᧀ ᦑᦸᧃᧉ ᦺᦆᧈ ᦷᦆᧇ ᦕ ᦵᦑᧆ ᦑᧂ ᦂᦳᧄ,ᦑᧁᧈ ᦞᦱᧈ ᦢᧁᧈ ᦉᦳᧄ ᦺᦈ ᦐᧂᧉ ᦷᦂᧂ ᦵᦙᦲᧂ ᦚᦳᧂ ᦺᦘᧈ,ᦃᧁ ᦢᧁᧈ ᦺᦈ ᦺᦉᧈ  ᦐᧂᧉ ᦺᦘᧈ  ᦓᦾᧉ ᦔᦲᧃ ᦷᦑᧅ ᦷᦈᧇᧈ ᦕᦱᧃ,ᦺᦘᧈ ᦙᦲ ᦵᦞᧅ ᧞ ᦂᦱᧃ ᦃᧁᧉ ᦠᦱ ᦃᧁ ᦅᦸᧉ ᦍᦱᧅ,ᦢᧁᧈ ᦈᦳᧇ ᦈ ᦟᦱᧆ ᦡᦽᧉ ᦅᦸᧂ ᦅᧁᧉ ᦵᦙᦲᧂ ᦈᧁᧉ ᦖᦳᧃᧈ ᦖᦸᧂ。ᦵᦖᦲᧃ ᦡᧂᧈ ᦣᦲᧆ ᦅᦸᧂ ᦂᦳᧂᧈ ᦌᦱᧃ ᦑᦱᧂ ᦀᦸᧃ ᦷᦠ ᦺᦕ ᦊᦴᧈ ᦺᦐ ᦅᦸᧉ ᦉᦴᧉ,ᦠᦳᧄ ᦺᦚᧈ  ᦡᦽᧉ ᦺᦘᧈ ᦝᦱᧉ ᦵᦖᦲᧃ ᦟᦴᧅ ᦀᦸᧅᧈ ᦷᦎ, ᦃᧁ ᦑᦱᧃᧈ ᦷᦎᧅ ᦵᦙᦲᧂ ᦺᦡ ᦺᦘᧈ ᦠᦱᧅ ᦠᦳᧄ ᦙᦱ ᦗᧁᧉ,ᦢᧁᧈ  ᦞᦱᧈ  ᦃᧁᧉ ᧞ ᦓᧄᧉ ᦅᦸᧉ ᦍᦸ ᦍᦹᧃᧈ ᦏᦻ ᦑᦱᧃ,ᦁᦱ ᦠᦱᧃ ᦙᦲ ᦷᦜᧂ ᦜᦻ ᦵᦂᧀᧈ ᦑᦱᧃ ᦔᧃ ᦠᦹᧉ,ᦺᦘᧈ ᦊᦴᧈ ᦑᦸᧂᧉ ᦕ ᦵᦑᧆ ᦦᦱᧂᧉ ᦅᦸᧉ ᦵᦵᦃᧃ ᦠᦱᧅ ᦵᦖᦲᧃ ᦂᧃ,ᦺᦕ  ᦙᦱ ᦠᧃ ᦠᦸᧂᧉ ᦗᦻ ᦜᧂ ᦆᦳᧂᧉ ᦋᦲᧃᧈ,ᦔᦲᧃ ᦅᦱᧈ ᦟᦴᧅ ᦜᦱᧃ  ᦠᦸᧂᧉ ᦺᦘᧈ  ᦓᦾᧉ ᦅᦳᧃ ᦷᦑᧅ ᦙᦱ ᦔᦲᧃ,ᦐᦲᧄ ᦺᦈ ᦡᦽᧉ ᦎᦱᧄ ᦑᦱᧂ ᦵᦅᦲᧉ ᦖᦲᧃᧈ,ᦀᦳᧇᧈ ᦷᦝᧈ ᦡᦽᧉ ᦺᦘᧈ ᦓᦾᧉ ᦅᦸᧉ ᦅᧄ ᦷᦀᧃᧉ ᦢᧁᧈ ᦇᦱᧃ,ᦢᧁᧈ ᦺᦋᧈ ᦵᦖᦲᧃ ᦷᦅᧉ ᦙᦲᧃᧉ ᦑᦱᧂ,ᦢᦱᧉ ᦺᦈ ᦖᦱ ᦵᦂᧇ ᦀᧁ ᦟᦴᧅ ᦜᦱᧃ ᦅᦳᧃ ᦣᧂᧈ,ᦋᧂ ᦵᦵᦠᧂᧈ ᦠᦸᧂᧉ ᦂᦳᧂᧈ ᦌᦱᧃ ᦑᦱᧂ ᦵᦖᦲᧃ ᦵᦉᦲ ᦠᧃ ᦺᦂᧈ,ᦺᦆᧈ ᦍᧇ ᦃᦱᧉ ᦵᦉ ᦌᧄᧉ ᦷᦃᧇ ᦡᦾᧉ ᦢᦲᧇᧈ ᦂᦲᧃ,ᦔᦲᧃ ᦉᧂ ᦵᦉ ᦵᦵᦎᧈ ᦍᦱᧄ ᦵᦙᦲᧈ ᦋᧁᧉ,ᦷᦅᧉ ᦂᦳᧂᧈ ᦠᦸᧂᧉ ᦍᦱᧄ ᦓᧃᧉ ᦅᦸᧉ ᦙᦲ ᦏᦱᧃᧉ ᦆᧅ ᦎᦹᧅ ᦎᧄ,ᦋᧂ ᦂᧃ ᦺᦡᧉ ᦜᦻ ᦔᦲ ᦅᦸᧉ ᦢᧁᧈ ᦕᦸᧃᧈ,ᦈᦱ ᦉᦸᧃᧈ  ᦡᦽᧉ ᦙᦱ ᦵᦵᦑᧉ ᦷᦣᧇ ᦂᧃ ᦵᦵᦠᧂᧈ ᦜᦻ ᦔᦱᧂ,ᦔᦱᧂ ᦷᦎᧅ ᦔᦱᧂ ᦂᦳᧂᧈ ᦌᦱᧃ ᦑᦱᧂ ᦷᦣᧇ ᦅᦱᧃᧉ,ᦵᦗᦲᧈ ᦞᦱᧈ ᦂᦱ ᦟᦰ ᦠᦸᧂᧉ ᦍᦱᧄ ᦓᧃᧉ ᦑᦱᧂ ᦵᦵᦂᧁᧉ ᦢᧁᧈ ᦵᦵᦃᧂ,ᦵᦵᦏᧄ ᦑᧂ ᦠᦸᧂᧉ ᦗᦻ ᦵᦐᦲ ᦷᦋᧂᧈ ᦍᦱᧂᧈ,ᦋᦲᧉ ᦢᦸᧅᧈ ᦠᦹᧉ ᦆᦳᧂᧉ ᦋᦲᧃᧈ ᦢᧁᧈ ᦈᧇ ᦵᦵᦢᧇᧈ ᦅᦸᧂ ᦑᦱᧂ,ᦂᧇ ᦑᧂ ᦈᧁᧉ ᦔᦲᧃ ᦓᦻ ᦵᦌᦲᧃᧉ ᦑᦴᧉ ᦵᦉᧁᧈ,ᦵᦑᧁ ᦵᦵᦠᧂᧈ ᦠᦸᧂᧉ ᦗᦻ  ᦋᦻᧉ ᦵᦵᦕᧅᧈ ᦧᦱ,ᦈᦱ ᦔᦲᧃ ᦅᧄ ᦢᧁᧈ ᦈᧇ ᦡᦽᧉ ᦅᦸᧂ ᦑᦱᧂ ᦆᦱᧆ ᦎᦲᧂᧈ,ᦈᦲᧂᧈ ᦗᦱ ᦠᦹᧉ ᦆᦳᧂᧉ ᦋᦲᧃᧈ ᦜᦳᧄᧉ ᦌᦳᧄ ᦂᦲᧉ ᦠᦱᧅ ᦜᦻ,ᦅᦳᧃ ᦎᦻ ᦺᦔ ᦵᦵᦠᧂᧈ ᦍᧂ ᦢᧁᧈ ᦺᦋᧈ ᦓᦾᧉ。ᦣᦸᧆ ᦏᦹᧂ ᦔᦲ ᦱ᧙᧓᧕ ᦷᦎ,ᦙᦲ ᦺᦓ  ᦑᦱᧂ ᦷᦋᧂᧈ ᦍᦱᧂᧈ ᦀᦸᧃ ᦷᦠ,ᦷᦋ ᦀᧁ ᦡᦽᧉ ᦔᦲᧃ ᦓᦻ ᦘᦸᧄᧈ ᦃᦼᧈ,ᦋᦹᧈ ᦞᦱᧈ ᦋᦳᧃᧈ ᦊᦲᧈ ᦃᦼᧈ ᦊᦲᧈ ᦺᦡᧉ ᦆᦻᧈ ᧟,ᦵᦟᦲᧅ ᦠᦱ ᦕᦴᧉ ᦁᦱ ᦟᦰ ᦂᦸᧃᧈ ᦀᦸᧃ,ᦋᦳᧄ ᦁᧃ ᦙᦲ ᦕ ᦊᦱ ᦔᧃ ᦍᦱ ᦜᦻ  ᦋᦱᧂᧈ ᦂᦸᧃᧈ  ᦓᧄ ᦀᦸᧃ ᦐᦱᧉ,ᦋᦱᧂᧈ ᦠᦸᧄ ᦡᦽᧉ ᦺᦘᧈ ᦝᦱᧉ ᦂᧇ ᦵᦵᦠᧂᧈ ᦒᦱ ᦠᦱᧃ,ᦋᦳᧄ ᦋᦱᧂᧈ ᦵᦣᧆ ᦂᦱᧃ ᦡᦲ ᦷᦍᧅ ᦀᦸᧅᧈ ᦙᦱ ᦔᦲᧃ ᦅᧁᧉ,ᦵᦟᦲᧅ ᦀᧁ ᦙᧁᧉ ᦵᦋᦲᧉ  ᦷᦑᧂᧈ ᦈᧁᧉ ᦔᦲᧃ ᦅᧁᧉ ᦃᦹᧃᧉ ᦺᦊᧈ ᦵᦜᦲ ᦋᦳᧄ,ᦎᦳᧃ ᦢᦳᧃ ᦈᧁᧉ ᦎᦳᧃ ᦆᦴ ᦙᧁᧉ ᦵᦋᦲᧉ ᦷᦑᧂᧈ,ᦔᦲᧃ ᦈᧁᧉ ᧟ ᦷᦎ ᦑᦱᧃᧈ ᦢᧁᧈ ᦊᦴᧈ ᦡᦻ,ᦔᦲᧃ ᦓᦻ ᧟ ᦷᦎ ᦑᦱᧃᧈ ᦢᧁᧈ ᦊᦴᧈ ᦔᧁᧈ,ᦞᧃ ᦆᦹᧃ ᦅᦹᧆ ᦔᦲᧃᧈ ᦡᦽᧉ ᦅᦸᧂ ᦅᧁᧉ ᦢᧁᧈ ᦠᦱ ᦜᧇ ᦔᦲᧃ ᦓᦸᧃ,ᦵᦗᦲᧈ ᦞᦱᧈ ᦵᦅᦲᧂ ᦺᦈ ᦠᦸᧂᧉ ᦺᦓ ᦑᦱᧂ ᦵᦅᦲᧉ ᦖᦲᧃᧈ,ᦎᦹᧅ ᦎᦸᧈ  ᦢᦱᧉ ᦷᦈᧃ  ᦣᦻᧉ ᦂᧇ ᦵᦵᦠᧂᧈ ᦖᦱ ᦵᦜᦲᧂ,ᦵᦅᦲᧂ ᦺᦈ ᦵᦉ  ᦖᦴᧈ ᦍᧂ ᦺᦘᧈ ᦓᦾᧉ,ᦷᦑᧅ ᦍᦱᧅ ᦂᦲᧉ ᦷᦎᧅ ᦅᦾᧉ ᦵᦉ ᦵᦗᦲᧃᧈ ᦠᧄᧈ ᦟᦾ ᦟᦾ ᦢᧁᧈ ᦡᦲ ᦅᦱ。(2)

(ᦍᧂ ᦢᧁᧈ ᦌᧄᧉ ᦵᦑᦲᧈ)

(ᦀᦻᧉ ᦂᦸᧂ ᦷᦂᧆ)