new tai | old tai | 中文

ᦅᧄ ᦷᦢ ᦟᦱᧃ ᦉᦸᧃ ᦷᦟᧅ

作者: 时间:2021-03-29 11:50:49

ᦋᦲᧉ ᦓᦾᧉ ᦔᦲᧃ ᦁᦱ ᦈᦱᧃ,

ᦃ ᦐᦱᧃ ᦔᦲᧃ ᦷᦠ ᦵᦓᦲᧉ;

ᦋᦹᧈ ᦓᦲᦰ ᦑᦸᧈ ᦋᦱᧂᧉ,

ᦣᦱᧂᧈ ᦓᦲᦰ ᦵᦖᦲᧃ ᦵᦵᦙᧁ;

ᦋᦳᧄ ᦵᦣᧆ ᦗᦸ ᦺᦆᧈ ᦎᦻ,

ᦋᦳᧄ ᦊᦴᧈ ᦡᦻ ᦗᦸ ᦃᦲᧉ ᦆᦱᧃᧉ;

ᦵᦋᦲᧉ ᦢᦳᧂᧉ ᦅᦸᧉ ᦢᦳᧂᧉ ᦵᦵᦗᧂ,

ᦵᦋᦲᧉ ᦵᦵᦙᧂ ᦅᦸᧉ ᦵᦵᦙᧂ ᦣᧅ;

ᦵᦋᦲᧉ ᦺᦘᧈ ᦂᦲᧃ ᦐᦸᧈ ᦋᦸᧄ ᦗᦱ,

ᦵᦋᦲᧉ ᦟᦱ ᦋᦱ ᦂᦲᧃ ᦓᦱ ᦋᦸᧄ ᦗᦸᧈ;

ᦵᦋᦲᧉ ᦺᦘᧈ ᦵᦣᧆ ᦺᦣᧈ ᦵᦵᦔᧂ ᦓᦱ,

ᦵᦋᦲᧉ ᦈᧁᧉ ᦠᦱ ᦡᦽᧉ ᦔᧃ ᦍᦱ ᦔᦲᧃ ᦺᦊᧈ;

ᦋᦱᧆ ᦵᦉᦲ ᦓᦲᦰ ᦠᦹᧉ ᦠᧃ ᦟᦻ,

ᦔᦲᧃ ᦅᦳᧃ ᦋᦻ ᦠᦹᧉ ᦙᦲ ᦋᦹᧈ ᦺᦞᧉ;

ᦋᦴᧈ ᦔᦱᧅ ᦅᦸᧉ ᦋᦴᧈ ᦙᦲ ᦓᦻ,

ᦋᦴᧈ ᦗᦻ ᦅᦸᧉ ᦋᦴᧈ ᦙᦲ ᦈᧁᧉ;

ᦷᦋᧈ ᦂᦲᧃ ᦍᧂ ᦈᧅ  ᦦᦱᧂᧉ,

ᦷᦋᧈ ᦉᦱᧂᧉ ᦍᧂ ᦈᧅ ᦠᦹᧂ;

ᦋᦲᧃᧉ ᦃᧄ ᦵᦃᧁ ᦂᦻ ᦔᦲᧃ ᦐᦸᧃ,

ᦢᧁᧈ ᦖᦸ ᦉᦸᧃ ᦍᦱᧅ ᦺᦈ ᦣᧁ;

ᦋᦲᧃᧉ ᦠᦾᧉ ᦉᦱ ᦟᦱ ᦍᧅ,

ᦍᧅ ᦢᧁᧈ ᦂᦲᧃ ᦅᦸᧉ ᦍᧅ ᦺᦢᧉ;

ᦋᦲᧃᧉ ᦷᦎ ᦎᦻ ᦂᦲᧃ ᦢᧁᧈ ᦛᦱᧃ,

ᦅᧄ ᦅᦳᧃ ᦕᦱᧃ ᦢᧁᧈ ᦔᦲᧃ ᦅᦱᧈ;

ᦋᦱᧂᧈ ᦂᦲᧃ ᦓᦲᦰ ᦢᧁᧈ ᦢᦱᧈ,

ᦋᦱᧂᧈ ᦞᦱᧈ ᦓᦲᦰ ᦢᧁᧈ ᦵᦔᦲᧂ ᦵᦵᦣᧂ。

(ᦀᦻᧉ ᦃᧃ ᦺᦍ)