new tai | old tai | 中文

ᦅᧄ ᦷᦢ ᦟᦱᧃ ᦺᦖᧈ

作者: 时间:2020-11-12 10:42:29

    ᦙᧅ ᦂᦲᧃ ᦋᦲᧃᧉ ᦓᦲᦰ ᦵᦉᦲ,

  ᦙᧅ ᦂᦲᧃ ᦵᦂᦲ ᦓᦲᦰ ᦷᦣ,

  ᦙᧅ ᦷᦑ ᦷᦌ ᦓᦲᦰ ᦅᦳᧃ ᦃᦲᧉ ᦜᧁᧉ,

  ᦙᧅ ᦔᦲᧃ ᦠᧁᧉ ᦓᦲᦰ ᦩᦻ,

  ᦙᧅ ᦶᦔᧂ ᦟᦻ ᦓᦲᦰ ᦅᦳᧃ ᦶᦃᧅᧈ,

  ᦙᧅ ᦶᦠᧇᧈ ᦶᦂᧇᧈ ᦓᦲᦰ ᦵᦔᧆ,

  ᦙᧅ ᦂᦲᧃ ᦵᦢᧆ ᦓᦲᦰ ᦔᦱ,

  ᦙᧅ ᦌᦸᧂ ᦗᦱ ᦓᦲᦰ ᦔᦲᧃ ᦃᦱᧉ,

   ᦙᧅ ᦋᦲᧃᧉ ᦉᦱᧉ ᦓᦲᦰ ᦔᦲᧃ ᦺᦑ,

    ᦙᧅ ᦺᦀ ᦓᦲᦰ ᦅᦳᧃ ᦃᦲᧉ ᦆᦸᧈ,

  ᦙᧅ ᦉᦸᧈ ᦵᦗᦲᧃᧈ ᦓᦲᦰ ᦅᦳᧃ ᦺᦈ ᦂᧄᧈ,

   ᦙᧅ ᦂᧄ ᦉᦲᧃ ᦓᦲᦰ ᦑᦳ ᦘ,

   ᦙᧅ ᦵᦵᦀᧁᧈ ᦟᦱᧈ ᦡᦲᧃᧉ ᦓᦲᦰ ᦟᦴᧅ ᦀᦸᧃᧈ,

   ᦙᧅ ᦂᦲᧃ ᦂᦸᧃᧈ ᦓᦲᦰ ᦜᦱᧃ,

  ᦙᧅ ᦢᦲᧃ ᦌᦱᧃ ᦓᦲᦰ ᦷᦓᧅ,

    ᦙᧅ ᦷᦊᧅᧈ ᦂᦽᧉ ᦓᦲᦰ ᦖᦲ,

    ᦙᧅ ᦎᦲ ᦂᦸᧂ ᦓᦲᦰ ᦅᦳᧃ ᦋᦱᧂᧈ ᦝᦸᧃᧉ,

    ᦙᧅ ᦂᦲᧃ ᦍᦸᧃᧉ ᦓᦲᦰ ᦈᦱᧈ ᦷᦆ,

  ᦙᧅ ᦎᦲ ᦷᦣ ᦓᦲᦰ ᦗᦸᧈ ᦋᦱᧂᧈ ᦎᦱᧂᧈ,

  ᦙᧅ ᦺᦋᧉ ᦈᦱᧃᧈ ᦓᦲᦰ ᦔᦲᧃ ᦔᦴᧈ ᦍᦱᧈ ᦷᦔ ᦜᦱᧃ,

  ᦙᧅ ᦠᧆ ᦠᦱᧃ ᦓᦲᦰ ᦔᦲᧃ ᦅᦳᧃ ᦺᦈ ᦂᦱᧉ,

  ᦙᧅ ᦺᦉᧈ ᦃᦱᧉ ᦺᦉᧈ ᦃᦾᧉ ᦔᦲᧃ ᦅᦳᧃ ᦺᦈ ᦆᧄ,

  ᦙᧅ ᦇᦹᧃ ᦆᧄ ᦜᦻ ᦓᦲᦰ ᦅᦳᧃ ᦅᦱᧉ,

  ᦙᧅ ᦞᦱᧈ ᦣᦻᧉ ᦓᦲᦰ ᦅᦳᧃ ᦺᦈ ᦠᦱᧃ,

  ᦙᧅ ᦂᦲᧃ ᦑᦱᧃ ᦓᦲᦰ ᦅᦳᧃ ᦺᦈ ᦢᦳᧃ ᦉᦲᧃ,

   ᦙᧅ ᦂᦲᧃ ᦔᦴ ᦓᦲᦰ ᦷᦓᧅ ᦂᦰ ᦌᦸᦰ ᦣᦸᧂᧈ,

   ᦙᧅ ᦶᦡᧃᧉ ᦞᦸᧂᧈ ᦓᦲᦰ ᦔᦲᧃ ᦘᦱᧃ ᦵᦏᦲᧃᧈ,

   ᦙᧅ ᦠᦳᧄᧈ ᦵᦜᦲᧄᧈ ᦓᦲᦰ ᦶᦙᧈ ᦙᦱ ᦡᦱ,

   ᦙᧅ ᦵᦑᧁ ᦠᦱ ᦓᦲᦰ ᦅᦳᧃ ᦣᧅ ᦵᦵᦗᧂ ᦂᧃ ᧞。

   (ᦀᦻᧉ ᦋᦾᧉ ᦒᦱ ᦠᦱᧃ)