new tai | old tai | 中文

ᦓᦲᧉ ᦍᦻ ᦢᧁᧈ ᦎᦻ ᦐᧂᧉ ᦅᧄ ᦡᦱᧈ ᦢᧁᧈ ᦦᦱᧈ ᦡᦽᧉ ᦅᧄ ᦚᧃ

作者: 时间:2020-09-24 10:56:47

ᦵᦙᦲᧈ ᦂᦸᧃᧈ ᦘᦍᦱ ᦀᦲᧃ ᦺᦡᧉ ᦔᧃ ᦅᧄ ᦠᦹᧉ ᦵᦵᦉᧆ ᧞ ᦅᦳᧃ ᦑᧂ ᦜᦻ ᦟᦳᧂ ᦙᦱ ᦵᦂᦲᧆᧈ ᦺᦓ ᦷᦟᧅ ᦉᦳᧂ ᦉᦱᧃ,ᦑᦱᧃᧈ ᦞᦱᧈ: “ᦢᦳ ᦅ ᦟ ᦕᦴᧉ ᦺᦡ ᦅᦸᧉ ᦡᦲ,ᦟᦳᧂ ᦺᦔ ᦵᦂᦲᧆᧈ ᦺᦓ ᦋᦳᧄ ᦗᦴ ᦓᦲᦰ ᦡᦽᧉ ᦎᦱᧄ ᦅᧄ ᦚᧃ ᦀᧁ ᦑᦸᦰ。ᦚᧃ ᦠᧃ ᦂᦲᧃ ᦉᧂ ᦅᦸᧉ ᦺᦡᧉ ᦂᦲᧃ ᦉᧂ ᧞。”ᦍᦱᧄ ᦓᧃᧉ ᦍᧂ ᦙᦲ ᦵᦉᦲ ᦷᦎ ᧑,ᦙᧃ ᦊᦱᧅ ᦁᦱ ᦠᦱᧃ ᦅᦸᧉ ᦺᦔ ᦏᦱᧄ ᦂᦲᧃ ᦟᦴᧅ ᦍᦲᧂ ᦉᦱᧁ ᦘᦍᦱ ᦈᧁᧉ ᦵᦙᦲᧂ ᦓᧃᧉ ᦵᦙᦲᧂ ᧑。ᦵᦉᦲ ᦞᦱᧈ ᦡᦽᧉ ᦎᦱᧄ ᦅᧄ ᦚᧃ ᦘ ᦍᦱ ᦀᦲᧃ ᦔᧃ ᦟᦳᧂ ᦙᦱ ᦓᧃᧉ,ᦢᧆ ᦵᦡᧁᧈ ᦂᦴ ᦚᧃ ᦠᧃ ᦺᦡᧉ ᦂᦲᧃ ᦟᦴᧅ ᦍᦲᧂ ᦙᦹᧂ,ᦅᦸᧉ ᦈᧅ ᦺᦡᧉ ᦂᦲᧃ ᧞。ᦍᦱᧄ ᦓᧃᧉ ᦘᦍᦱ ᦈᧁᧉ ᦵᦙᦲᧂ ᦢᧁᧈ ᦍᦸᧄ ᦋᦴ ᦅᦸᧉ ᦣᦸᧂᧉ ᦀᧁ ᦅᦳᧃ ᦑᧂ ᦜᦻ ᦙᦱ ᦏᦱᧄ。ᦑᧂ ᦜᦻ ᦅᦸᧉ ᦞᦱᧈ ᦙᦲ ᦡᧂᧈ ᦘᦍᦱ ᦀᦲᧃ ᦞᦱᧈ ᧞,ᦣᦸᧂᧉ ᦀᧁ ᦵᦵᦉᧆ ᦑᧂ ᦜᦻ ᦙᦱ ᦏᦱᧄ ᦅᦸᧉ ᦞᦱᧈ ᦙᦲ ᦡᧂᧈ ᦅᧄ ᦘᦍᦱ ᦀᦲᧃ ᦞᦱᧈ ᧞,ᦵᦵᦉᧆ ᧞ ᦅᦳᧃ ᦑᧂ ᦜᦻ ᦅᦸᧉ ᦗᦱ ᦂᧃ ᦺᦔ ᦏᦹᧂ ᦘᦍᦱ ᦙᧂ ᦟᦻ,ᦡᧂᧈ ᦘᦍᦱ ᦙᧂ ᦟᦻ ᦅᦸᧉ ᦞᦱᧈ ᦙᦲ ᦡᧂᧈ ᦀᦲᧉ ᧞。ᦢᧁᧈ ᦋᦴ ᦵᦑᦲᧈ ᦆᦹᧃ ᦷᦋ ᦂᧃ ᦺᦔ ᦏᦹᧂ ᦘᦍᦱ ᦷᦓᧅ ᦅᧁᧉ。ᦘᦍᦱ ᦷᦓᧅ ᦅᧁᧉ ᦞᦱᧈ: “ᦔᦲᧃ ᦀᦲᧉ ᦓᦲᦰ ᦅᧄ ᦀᦸᧅᧈ ᦑᦲᧈ ᦺᦐ ᦙᦱ,ᦅᦸᧉ ᦈᧅ ᦺᦡᧉ ᦗᦱ ᦂᧃ ᦵᦵᦕᧁ ᦑᦲᧈ ᦠᧃᧉ ᧞。”ᦘᦍᦱ ᦈᧁᧉ ᦵᦙᦲᧂ ᧞ ᦵᦵᦉᧆ ᦂᧇᦑᧂ ᦅᦳᧃ ᦑᧂ ᦜᦻ ᦅᦸᧉ ᦗᦱ ᦂᧃ ᦺᦔ ᦵᦵᦕᧁ ᦘᦍᦱ ᦀᦲᧃ ᦠᧃᧉ ᧞ ᦺᦆᧈ ᦂᦱᧃ ᦵᦵᦎᧈ ᦅᧁᧉ ᦏᦹᧂ ᦔᦻ ᦠᦹᧉ ᦘ ᦍᦱ ᦀᦲᧃ。ᦡᧂᧈ ᦘᦍᦱ ᦀᦲᧃ ᦅᦸᧉ ᦞᦱᧈ ᦺᦋᧈ ᦊᦱᧈ,ᦡᦽᧉ ᦎᦱᧄ ᦅᧄ ᦂᦴ ᦀᦲᧃ ᦑᦱ ᦔᧃ ᦟᦳᧂ ᦦᦱᧈ ᦵᦂᦲᧃᧈ ᦓᧃᧉ ᧞。ᦍᦱᧄ ᦓᧃᧉ ᦘᦍᦱ ᦷᦓᧅ ᦅᧁᧉ ᦈᦲᧂᧈ ᦞᦱᧈ ᦺᦋᧈ ᧞,ᦅᧄ ᦓᦲᦰ ᦠᦱᧅ ᦔᦲᧃ ᦀᦲᧃ ᦑᦱ ᦔᧃ ᦟᦳᧂ ᦙᦱ ᦡᧂᧈ ᦓᦲᦰ,ᦺᦕ ᦚᧃ ᦺᦡᧉ ᦉᧂ ᦅᦸᧉ ᦺᦡᧉ ᦓᧃᧉ,ᦚᧃ ᦂᦲᧃ ᦉᧂ ᦅᦸᧉ ᦺᦡᧉ ᦂᦲᧃ,ᦵᦉᦲ ᦆᦹᧃ ᦚᧃ ᦠᧃ ᦺᦡᧉ ᦡᦾᧉ ᦓᦱᧂ ᦉᦱᧁ ᦘᦍᦱ ᦈᧁᧉ ᦵᦙᦲᧂ ᦅᦸᧉ ᦵᦵᦙᧃᧈ ᦡᦾᧉ ᧞,ᦡᧂᧈ ᦷᦎ ᦃᦱᧉ ᦘᦍᦱ ᦷᦓᧅ ᦅᧁᧉ,ᦆᦹᧃ ᦚᧃ ᦠᧃ ᦺᦡᧉ ᦓᦸᧃ ᦐᧂᧉ ᦵᦙ ᦘ ᦍᦱ ᦀᦲᧃ ᦅᦸᧉ ᦈᧅ ᦺᦡᧉ ᦓᦸᧃ ᦐᧂᧉ ᧞。ᦘᦍᦱ ᦀᦲᧃ ᦅᦸᧉ ᦦᧂ ᦠᦴ ᦝᧂ ᦠᦹᧉ ᦞᦱᧉ ᦅᧄ ᧑,ᦷᦟᧆ ᦞᦱᧈ:“ᦢᧁᧈ......ᦢᧁᧈ......ᦢᧁᧈ...... ᦎᧂᧉ ᦐᦲᧉ ᦺᦔ ᦢᧁᧈ ᦠᦹᧉ ᦵᦵᦙᧃᧈ ᦵᦓᦲ,ᦵᦉᦲ ᦅᦸᧉ ᦢᧁᧈ ᦠᦹᧉ ᦂᦲᧃ ᦓᦱᧂ ᦉᦱᧁ ᦘ ᦍᦱ ᦈᧁᧉ ᦵᦙᦲᧂ ,ᦘᦍᦱ ᦷᦓᧅ ᦅᧁᧉ ᦅᦸᧉ ᦢᧁᧈ ᦔᧃ ᦙᦱ ᦓᦸᧃ ᦐᧂᧉ ᦵᦙ ᦂᦴ ᧞。ᦎᧂᧉ ᦐᦲᧉ ᦺᦔ‘ᦢᧁᧈ ᦠᦹᧉ ᦎᦻ ᦡᦽᧉ ᦅᧄ ᦡᦱᧈ,ᦢᧁᧈ ᦦᦱᧈ ᦡᦽᧉ ᦅᧄ ᦚᧃ’”᧞。

 (ᦀᦻᧉ ᦀᦳᧃᧈ ᦠᦱ ᦣᦸᧄ)