new tai | old tai | 中文

ᦂᦲᧃ ᦷᦎ ᦠᦱᧃ ᦵᦉ ᦠᦱᧃ

作者:ᦀᦲᦰ ᦃᧃ ᦷᦜᧂ ᦠᦱ ᦣᦸᧄ 时间:2019-02-11 11:15:53

(ᦎᦸᦰ ᦈᧇ ᦌᦲᧈ ᧟)

(ᦈᦳᧃ ᦟ ᦷᦗ ᦒᦲᧉ ᦵᦵᦎᧆ ᦂᦱᧃ)

 ᦵᦵᦎᧈ ᦂᦸᧃᧈ ᦙᦲ ᦋᦻ ᧒ ᦕᦴᧉ ,ᦂᦸᧉ ᦂᧃ ᦟᧅ ᦀᧁ ᦖᦱ ᦵᦗᦲᧃᧈ ᦙᦱ ᦃᦱᧉ ᦂᦲᧃ,ᦂᦱ ᦟᦰ ᦍᦱᧄ ᦓᧃᧉ ᦗᦾ  ᦙᦲ ᦖᦱ ᦂᦱᧃᧈ ᦷᦎ ᧑,ᦖᦱ ᦷᦎ ᦓᦲᦰ ᦺᦔ ᦏᦹᧂ ᦑᦲᧈ ᦃᦱᧉ ᦖᦱ ᦠᧃᧉ,ᦅᦸᧉ ᦡᦹᧅ ᦌᧁ ᦑᦲᧈ ᦠᧃᧉ ᦷᦟᧆ ᦢᧁᧈ ᦗᦸᧅ ᦙᦱ ᦵᦣᦲᧃ。ᦍᦱᧄ ᦓᧃᧉ ᦈᧁᧉ ᦖᦱ ᦆᦹᧃ ᦺᦡᧉ ᦍᦲᧃ ᦵᦗᦲᧃᧈ ᦀᦳᧇᧈ ᦞᦱᧈ:ᦙᦲ ᦋᦻ ᧒ ᦕᦴᧉ ᦟᧅ ᦃᦱᧉ ᦖᦱ ᦵᦗᦲᧃᧈ ᦂᦲᧃ。ᦈᧁᧉ ᦖᦱ ᦺᦡᧉ ᦍᦲᧃ ᦅᧄ ᦓᦲᦰ ᦵᦉ ᧟ ᦅᦸᧉ ᦷᦍᧅ ᦅᧄ ᦂᦱᧁᧈ ᦏᦹᧂ ᦈᦳᧃ ᦟ ᦷᦗ ᦒᦲ, ᦈᦳᧃ ᦟ ᦷᦗ ᦒᦲᧉ ᦝᧂ ᦑᦸᧂᦰ ᦓᦱᧁ ᦂᦱᧃ ᦵᦉ ᧟ ᦅᦸᧉ ᦞᦱᧈ:ᦅᧃ ᦋᦻ ᧒ ᦕᦴᧉ ᦓᧃᧉ ᦢᧁᧈ ᦊᦲᧃᧈ ᦓᦸᧄᧉ ᦅᦸᧄᧉ ᦋᦴ ᦟᧅ ᦖᦱ ᦂᦲᧃ ᦓᦲᦰ,ᦈᧅ ᦠᦹᧉ ᦃᧁ ᦉᦻ ᦵᦵᦑᧃ ᦇᦹᧃ ᦅᦱᧈ ᦖᦱ。

ᦊᦴᧈ ᦺᦡ ᧒ ᦞᧃ ᧓ ᦞᧃ,ᦖᦱ ᦗᦴᧉ ᦂᦱᧃᧈ ᦅᦸᧉ ᦗᦸᧅ ᦙᦱ ᦵᦣᦲᧃ,ᦕᦴᧉ ᦂᦲᧃ ᦋᦲᧃᧉ ᦖᦱ ᦺᦡᧉ ᦍᦲᧃ ᦣᦴᧉ ᦞᦱᧈ ᦖᦱ ᦗᦸᧅ ᦙᦱ ᦠᦱ ᦈᧁᧉ ᦵᦣᦲᧃ ᦵᦉ ᧟ ᦅᦹᧆ ᦞᦱᧈ:“ᦃᦱᧉ ᦢᧁᧈ ᦺᦡ ᦟᧅ ᦂᦲᧃ ᦖᦱ ,ᦗᦾ ᦞᦱᧈ ᦃᦱᧉ ᦎᦴ ᦟᧅ ᦂᦲᧃ ᦖᦱ”,ᦃᧁ ᧒ ᦃᦱ ᦢᧁᧈ ᦍᦸᧄ,ᦅᦸᧉ ᦍᦸ ᦅᧄ ᦏᦹᧂ ᦈᧁᧉ ᦈᦳᧃ ᦟ ᦷᦗ ᦒᦲᧉ,ᦈᦳᧃ ᦟ ᦷᦗ ᦒᦲ ᦏᦱᧄ ᦃᧁ ᧒ ᦃᦱ ᦞᦱᧈ:“ᦉᦴ ᧒ ᦃᦱ ᦃᦱᧉ ᦖᦱ ᦂᦲᧃ ᦵᦵᦑᧉ ᦤᦻ,ᦑᧁᧈ ᦞᦱᧈ ᦈᧁᧉ ᦖᦱ ᦢᧁᧈ ᦣᦴᧉ ᦢᧁᧈ ᦠᧃ,ᦉᦲᧃ ᦺᦖ ᦢᧁᧈ ᦃᦹᧃᧉ ᦵᦵᦂᧈ ᦙᧃ ,ᦵᦉ ᦞᦱᧈ ᦈᧁᧉ ᦖᦱ ᦣᦴᧉ ᦞᦱᧈ ᧒ᦃᦱ ᦃᦱᧉ ᦖᦱ ᦂᦲᧃ,ᦍᦸ ᦅᧄ ᦃᦹᧃᧉ ᦙᦱ ᦓᦲᦰ,ᦷᦅᧃ ᦵᦵᦎᧆ ᦎᦱᧄ ᦉᦲᧃ ᦐᧅ ᦋ ᧞。ᦢᧆ ᦓᦲᦰ, ᦈᧁᧉ ᦖᦱ ᦍᧂ ᦢᧁᧈ ᦣᦴᧉ ᦵᦑᦲᧈ。ᦵᦉ ᦞᦱᧈ ᦈᧁᧉ ᦖᦱ ᦔᦲᧃ ᦃᦳᧃ ᦓᦻ ᦓᦲᦰ ,ᦢᧁᧈ ᦺᦋᧈ ᦢᧁ ᦵᦖᦲᧃ ᦉᦻᧉ ᦵᦵᦑᧃ ᦃᧃ ᦅᦱᧈ ᦖᦱ ᦷᦎ ᧑ ᦋᧄ,ᦈᧁᧉ ᦃᦳᧃ ᦵᦵᦎᧆ ᦵᦵᦉᧃ ᦓᦲᦰ ᦠᦱᧅ ᦔᦲᧃ ᦉᦳᧅ ᦅ ᦙ ᦓ ᦵᦵᦑᧉ ᧞。”

(ᦍᧂ ᦢᧁᧈ ᦌᧄᧉ ᦵᦑᦲᧈ)

(ᦀᦲᦰ ᦃᧃ ᦷᦜᧂ ᦠᦱ ᦣᦸᧄ)