new tai | old tai | 中文 | English | Thai

  ᦆᧇ ᦆᦻᧈ ᦅᧄ“ᦊᦱᧈ”

作者: 时间:2018-06-07 18:18:58

  ᦊᦱᧈ ᦺᦔ ᦵᦡᧆ ᦡᦸᧅᧈ ᦷᦇᧃᧉ ᦙᦱ ᦡᦳᧄ,

  ᦊᦱᧈ ᦟᧅ ᦂᦲᧃ ᦃᦸᧂ ᦚᦱᧅ;

  ᦊᦱᧈ ᦓᧇ ᦟᧅ ᦃᦸᧂ ᦉᧂ,

  ᦊᦱᧈ ᦺᦔ ᦋᧂ ᦕᦴᧉ ᦺᦢᧉ;

  ᦊᦱᧈ ᦓᧇ ᦺᦋᧉ ᦃᦸᧂ ᦢᦱᧇ,

  ᦊᦱᧈ ᦺᦔ ᦠᦱᧇ ᦵᦜᦲ ᦵᦵᦣᧂ;

  ᦊᦱᧈ ᦵᦵᦔᧂ ᦺᦈ ᦟᧅ ᦑᦱᧃᧈ,

  ᦊᦱᧈ ᦙᧅ ᦅᦱᧃ ᦵᦐᦲ ᦕᦱᧉ;

  ᦊᦱᧈ ᦃᦱᧉ ᦈᧁᧉ ᦀᧁ ᦃᦸᧂ,

  ᦊᦱᧈ ᦓᧇ ᦔᦸᧂ ᦠᦹᧉ ᦑᦱᧃᧈ ᦟᦴᧉ;

  ᦊᦱᧈ ᦺᦔ ᦉᦱᧂᧉ ᦋᦴᧉ ᦜᦻ ᦷᦎ,

  ᦊᦱᧈ ᦷᦙ ᦙᧁ ᦂᧇ ᦵᦙ ᦵᦗᦲᧃᧈ;

  ᦊᦱᧈ ᦓᧇ ᦷᦂᧃ ᦅᧄ ᦠᦹᧉ ᦵᦗᦲᧃᧈ ᦵᦅᧆ,

  ᦊᦱᧈ ᦓᧇ ᦵᦣᧆ ᦠᦹᧉ ᦵᦗᦲᧃᧈ ᦕᦲᧆ ᦺᦈ;

  ᦠᦹᧉ ᦵᦵᦔᧂ ᦺᦈ ᦡᦲ ᦖᧃᧉ ᦵᦑᧂᧈ,

  ᦊᦱᧈ ᦃᦸᧄᧉ ᦵᦢᧂᧈ ᦗᦻ ᦺᦡ;

  ᦊᦱᧈ ᦺᦔ ᦟᦹᧃᧈ ᦇᦴ ᦠᧁᧈ,

  ᦊᦱᧈ ᦔᧁᧈ ᦂᦳᧃᧉ ᦵᦉᦲ ᦍᦲᧃ;

  ᦊᦱᧈ ᦛᦲᧃᧈ ᦐᦱᧉ ᦎᦸᧈ ᦷᦈᧃ,

  ᦊᦱᧈ ᦷᦋ ᦷᦈᧃ ᦺᦔ ᦅᦱᧉ;

  ᦊᦱᧈ ᦓᧇ ᦅᦱᧉ ᦊᦱ ᦚᦲᧃᧈ ᦊᦱ ᦗᦱᧂ,

  ᦊᦱᧈ ᦉᦰ ᦞᦱᧂ ᦗᦸᧈ ᦵᦵᦙᧈ;

  ᦊᦱᧈ ᦺᦔ ᦵᦵᦞᧈ ᦵᦣᦲᧃ ᦷᦈᧃ,

  ᦊᦱᧈ ᦓᧇ ᦷᦟᧃ ᦖᦱ ᦞᦸᧉ;

  ᦊᦱᧈ ᦓᧇ ᦑᦱᧁ ᦵᦵᦃᧃ ᦃᦱᧉ,

  ᦊᦱᧈ ᦕᦱᧈ ᦺᦙᧉ ᦵᦍᧂ ᦎᦱ。

  (ᦀᦻᧉ ᦋᦾᧉ ᦒᦱ ᦠᦱᧃ)