本版导航 各版导航 视觉导航 标题导航
选择其他日期报纸

ᦵᦌᦲᧃᧉ ᦊᦲᧈ ᦵᦆᦲᧁᧉ ᦊᦴᧈ ᦺᦓᦘᦸᧄᧉ ᦖᦴᧈ ᦂᦸᧃᧈ ᦀᦸᧃ ᦵᦟᧇ ᦚᦱᧃ ᦵᦵᦎᧂᧈ ᦵᦵᦙ ᧞ ᦖᦴᧈ ᦂᦸᧃᧈ ᦀᦸᧃ ᦷᦔᧅ ᦣᦸᧂ ᦷᦑᧅ ᦕᦱᧃ ᦵᦌᦲᧄᧉ ᦵᦵᦐᧃᧉ   ᦂᦸᦰ ᦣᦸᧄ ᦵᦟᦲᧂᧈ ᦂᦱᧃ ᦔᦲᧃᧈ ᦊᦱᧈ ᦷᦎᧅ ᦑᦲᧈ ᦔᦲᧃ ᦡᦲ   ᦁᦱ ᦙ ᦃᦱᧄᧈ ᦂᦱᧃ ᦎᦸᧇᧈ ᦆᦸᧇ ᦵᦵᦎᧂᧈ ᦵᦵᦙ ᦵᦟᧇ ᦚᦱᧃ ᦏᦹᧂ ᦑᦲᧈ

西双版纳报新傣文 新闻    时间:2018年06月10日    来源:西双版纳报新傣文


    ᦃᦱᧁᧈ ᦉᦱᧃ ᦷᦣᧂ ᦐᧂ ᦉᦹ ᦘᦲᧄ ᦵᦙᦲᧈ ᦷᦡᧃᧈ,ᦵᦌᦲᧃ ᦵᦈᦲᧃᧈ ᦵᦌᧉ ᦚᦴᧈ ᦋᦴ ᦌᦲᧉ、ᦵᦋᦲᧁᧈ ᦞᦼ ᦌᦴᧈ ᦈᦲᧈ ᦵᦌᦲᧃᧉ ᦊᦲᧈ ᦵᦆᦲᧁᧉ ᦔᦲᧃ ᦅᧁᧉ ᦋᦳ ᦘᦸᧄᧉ ᦉᦲᧂ ᦷᦈ ᦖᦴᧈ ᦂᦸᧃᧈ ᦀᦸᧃ ᦵᦵᦎᧂᧈ ᦵᦵᦙ ᧞ ᦖᦴᧈ ᦂᦸᧃᧈ ᦀᦸᧃ ᦷᦔᧅ ᦣᦸᧂ ᦷᦑᧅ ᦕᦱᧃ。ᦑᦱᧃᧈ ᦵᦌᦲᧄᧉ ᦵᦵᦐᧃᧉ,ᦷᦣᧂ ᦂᦱᧃ ᦋᦴᧈ ᦏᦱᧃᧉ ᦋᦴᧈ ᦑᦲᧈ ᦈᧅ ᦺᦡᧉ ᦵᦵᦏᧄ ᦵᦵᦃᧂ ᦵᦵᦣᧂ ᦩᦱᧄ ᦅᦹᧆ ᦩᦱᧄ ᦣᦴᧉ ᦃᧁᧉ ᦺᦔ ᦵᦵᦏᧄ ᦢᦱᧆ ᧑,ᦷᦍᧅ ᦉᦳᧂ ᦓᦱᧄ ᦙ ᦉᧅ ᦑᦲᧈ ᦓᧂᧈ ᦟᦱ ᦋ ᦂᦱᧃ,ᦡᦽᧉ ᦎᦱᧄ ᦵᦞ ᦟᦱ ᦑᦳᧃᧉ ᦍᦴᧉ ᦂᦱᧃ ᦵᦵᦎᧂᧈ ᦵᦵᦙ ᦅᧆ ᦆᦲᧂᧈ,ᦀᧁᦵᦞ ᦟᦱ ᦊᦱᧉ ᦐᦲᧇᧈ ᦂᦱᧃ ᦒᦱᧄ,ᦁᦱ ᦙ ᦃᦱᧄᧈ ᦓᧇ ᦎᦱᧄ ᦵᦞ ᦟᦱ ᦁᧇ ᦵᦵᦅᧁᧈ ᦂᦱᧃ ᦵᦵᦎᧂᧈ ᦵᦵᦙ ᦁᧃ ᦓᧄᧉ ᦵᦵᦆᧄᧉ ᦓᧄᧉ ᦡᦲ ᦉᦳᧂ ᦉᦳᧆ 。
    ᦵᦌᦲᧃᧉ ᦊᦲᧈ ᦵᦆᦲᧁᧉ ᦵᦌᦲᧄᧉ ᦵᦵᦐᧃᧉ,᧑ ᦓᦲᦰ ᦈᧅ ᦺᦡᧉ ᦷᦍᧅ ᦉᦳᧂ ᦩᦱᧄ ᦣᦴᧉ ᦵᦵᦏᧄ,ᦣᧄᧈ ᦵᦣᧃ ᦅᦹᧆ ᦵᦣᧆ ᦎᦱᧄ ᦺᦈ ᦩᦱᧄ ᦌᦲᧉ ᦈᦲᧃᧈ ᦘᦲᧃᧉ ᦋᦳᧂ ᦌᦴᧈ ᦈᦲᧈ ᦎᦲᧆ ᦡᦽᧉ ᦂᦱᧃ ᦵᦵᦎᧂᧈ ᦵᦵᦙ ᦑᦱᧂ ᦅᧆ ᦆᦲᧂᧈ ᧞ ᦂᦱᧃ ᦵᦟᧇ ᦚᦻ ᦺᦊᧈ ᦐᧅ ᦃᧁᧉ ᦵᦟᦲᧅ ᦵᦵᦟᧇ ᦕᦸᧇ ᦈᦸᧆᧈ,ᦣᦴᧉ ᦣᦸᧆ ᦑᦸᧆ ᦏᦹᧂ ᦂᦱᧃ ᦵᦟᧇ ᦚᦱᧃ ᦵᦵᦎᧂᧈ ᦵᦵᦙ ᦺᦊᧈ ᦐᧅ、ᦂᦲᧉ ᦅᦲᧃ ᦓᧃᧉ ᦎᦲᧄ ᦒᦲ,ᦵᦵᦋᧆ ᦵᦵᦋᧆ ᦀᧁ ᦂᦱᧃ ᦷᦙᧆ ᦈᦱᧅ ᦷᦑᧅ ᦕᦱᧃ ᦑᦸᧂᦰ ᦔᦲᧃ ᦂᦱᧃ ᦂᦲᧉ ᦅᦲᧃ、ᦂᦱᧃ ᦺᦊᧈ ᦷᦜᧂ、ᦂᦱᧃ ᦵᦵᦙᧈ ᦆᧆ ᦙᦱ ᦍᧇ ᦖᧃᧉ ᦖᧃᧉ,ᦖᧃᧉ ᦅᦳᧂ ᦒ ᦟᦳᧂ ᦵᦵᦂᧃᧈ ᦩᦱᧄ ᦣᦴᧉ ᦵᦟᦲᧂᧈ ᦂᦱᧃ ᦁᧄ ᦓᦱᧆ ᦕᦴᧉ ᦂᦸᧃᧈ ᦀᦸᧃ,ᦎᧂᧉ ᦅᧁᧉ ᦉᦳᧆ ᦔᦻ ᦍᧇ ᦖᧃᧉ ᦂᦱᧃ ᦵᦟᧇ ᦚᦱᧃ ᦵᦵᦎᧂᧈ ᦵᦵᦙ ᦠᦹᧉ ᦡᦲ。᧒ ᦓᦲᦰ ᦈᧅ ᦺᦡᧉ ᦃᦸᧃᧉ ᦎᦸᧄ ᦵᦟᦲᧂᧈ ᦂᦱᧃ ᦵᦵᦏᧉ ᦵᦵᦏᧄ,ᦃᧆ ᦵᦵᦃᧂ ᦎᦱᧄ ᦠᦳᧃ ᦗᦻ,ᦃᧆ ᦵᦵᦃᧂ ᦷᦔ ᦨᦱᧃ ᦅᧆ ᦆᦲᧂᧈ,ᦵᦵᦏᧄ ᦵᦵᦃᧂ ᦵᦵᦣᧂ ᦵᦵᦎᧂᧈ ᦵᦵᦃ ᦘᦑᦲᧆ ᦣᦲᧆ ᦵᦔᦲᧂ,ᦈᦳᧇ ᦵᦕᧃᧉ ᦂᦱᧃᧉ ᦂᦸ,ᦕᦸᧈ ᦑᦸᧂᦰ ᦵᦵᦆᧄᧉ ᦏᦲᧈ,ᦈᧅ ᦏᦱᧄ ᦠᦹᧉ ᦏᦱᧄ ᦅᦳᧃ ᦣᦴᧉ,ᦈᧅ ᦅᦴᧉ ᦠᦹᧉ ᦂᦴᧉ ᦅᦳᧃ ᦙᦲ,ᦁᦱ ᦙ ᦃᦱᧄᧈ ᦂᦱᧃ ᦵᦵᦎᧂᧈ ᦵᦵᦙ ᦢᧁᧈ ᦟᦱᧅ ᦍᦱᧁ、ᦢᧁᧈ ᦜᦳᧂ ᦂᦱᧃ、ᦙᦲ ᦡᧂᧈ ᦣᦹ ᦅᦹ ᦡᧂᧈ ᦓᧃᧉ、ᦢᧁᧈ ᦠᦹᧉ ᦷᦠᧂᧈ ᦠᦻ ,ᦣᧇ ᦣᦸᧂ ᦂᦱᧃ ᦌᦱᧉ ᦵᦵᦋᧆ。᧓ ᦓᦲᦰ ᦈᧅ ᦺᦡᧉ ᦐᦲᧇᧈ ᦊᦱᧉ ᦂᦱᧃ ᦒᦱᧄ ᦵᦵᦏᧂᧉ ᦵᦵᦏᧄ,ᦆᦸᧂᧉ ᦔᦱᧃᧈ ᦂᦱᧃ ᦖᦴᧈ ᦂᦸᧃᧈ ᦀᦸᧃ ᦋᦴᧈ ᦑᦲᧈ ᦈᧅ ᦺᦡᧉ ᦵᦵᦏᧄ ᦵᦵᦃᧂ ᦵᦵᦣᧂ ᦔᦲᧃ ᦵᦵᦉᧃ ᦵᦡᧁ ᦂᧃ ᦋᦲᧉ ᦓᧄ ᦃᧁᧉ ᦺᦔ ᦵᦵᦏᧄ ᦢᦱᧆ ᧑,ᦵᦵᦏᧄ ᦵᦵᦃᧂ ᦵᦵᦣᧂ ᦑᦽ ᦋᦸᧄ ᦵᦵᦋᧆ ᦡᦸᧄ ᦔᦱᧃᧈ ᦔᦸᧂ ᦂᦱᧃ,ᦀᦲᧇᧈ ᦵᦵᦣᧇ ᦂᧄ ᦑᦹ ᦂᦱᧃ ᦵᦣᧆ ᦵᦵᦔᧂ,ᦑᦳᧃᧉ ᦍᦴᧉ ᦂᦱᧃ ᦵᦵᦎᧂᧈ ᦵᦵᦙ ᦷᦎᧅ ᦑᦲᧈ ᦔᦲᧃ ᦡᦲ ᦺᦗ。᧔ ᦓᦲᦰ ᦈᧅ ᦺᦡᧉ ᦔᧆ ᦂᧄᧈ ᦟᧂ ᦃᧇ ᦵᦵᦋᧆ ᦂᦱᧃ ᦒᦱᧄ ᦵᦵᦏᧉ ᦵᦵᦏᧄ,ᦵᦵᦋᧆ ᦵᦵᦋᧆ ᦵᦵᦕᧈ ᦺᦃ ᦋᦸᧂᧈ ᦺᦋᧉ ᦑᦳᧃᧉ ᦍᦴᧉ ᦂᦱᧃ ᦌᦱᧉ ᦵᦵᦋᧆ ᧞ ᦂᦱᧃ ᦅᦹᧆ ᦵᦣᧆ ᦎᦱᧄ ᦀᦱᧆ ᦍᦱ ᦃᧇ ᦵᦵᦋᧆ ᦂᦱᧃ ᦏᦳᧅᧈ ᦒᦱᧄ ᦓᧃᧉ,ᦢᧁᧈ ᦑᧁᧈ ᦅᦱᧈ ᦵᦵᦋᧆ ᦡᦸᧄ ᦂᦱᧃ ᦒᦱᧄ、ᦵᦵᦋᧆ ᦡᦸᧄ ᦂᦱᧃ ᦵᦣᧆ ᦵᦵᦔᧂ、ᦵᦵᦋᧆ ᦡᦸᧄ ᦂᦱᧃ ᦎᦱ ᦡᦲ,ᦆᦹᧃ ᦈᧅ ᦺᦡᧉ ᦌᦱᧉ ᦵᦵᦋᧆ ᦩᦱᧄ ᦣᦴᧉ、ᦌᦱᧉ ᦵᦵᦋᧆ ᦂᦱᧃ ᦒᦱᧄ、ᦌᦱᧉ ᦵᦵᦋᧆ ᦟᦱᧂ ᦵᦗᧆ,ᦎᦲᧆ ᦡᦽᧉ ᦂᦱᧃ ᦁᧃ ᦵᦂᦲᧆ ᦃᧄ ᦺᦞᧉ ᦓᧃᧉ ᦈᧅ ᦺᦡᧉ ᦵᦃᧁᧉ ᦏᦱᧄ ᦂᦱᧃ ᦒᦱᧄ ᦅᧆ ᦆᦲᧂᧈ,ᦀᧁ ᦞᦲᧉ ᦺᦓ ᦁᧃ ᦵᦵᦂᧃᧈ ᦃᧃ ᦓᧃᧉ ᦁᦱ ᦙ ᦃᦱᧄᧈ ᦵᦙᧃᧉ ᦷᦙᧇ ᦂᦱᧃ ᦒᦱᧄ ᦵᦵᦎᧂᧈ ᦵᦵᦙ ᦓᧇ ᦎᦱᧄ ᦵᦞ ᦟᦱ ᦓᧄᧉ ᦵᦵᦆᧄᧉ ᦓᧄᧉ ᦡᦲ ᦉᦳᧂ ᦉᦳᧆ。
    ᦵᦋᦲᧁᧈ ᦞᦼ ᦚᦴᧈ ᦌᦴᧈ ᦈᦲᧈ、ᦵᦋᦲᧁᧈ ᦋᦱᧂ ᦷᦟᧉ ᦆᦳᧂᧉ ᦵᦵᦋᧂᧈ,ᦵᦋᦲᧁᧈ ᦞᦼ ᦚᦴᧈ ᦌᦴᧈ ᦈᦲᧈ ᦍᧂᧉ ᦨᦱᧂᧈ ᦷᦗᧈ ᦃᧁᧉ ᦘᦸᧄᧈ ᦘᦸᧄᧉ,ᦈᦹ ᦈᦱ ᦡᦽᧉ ᦵᦣᧆ ᦂᦱᧃ ᦵᦵᦎᧂᧈ ᦵᦵᦙ ᦢᦱᧆ ᦐᦱᧉ ᦒᦲᧉ ᦀᦸᧅᧈ ᦩᦱᧄ ᦛᧂ 。(ᦍᧂᧉ ᦵᦵᦍᧃᧉ ᦵᦵᦍᧃᧉ)